Govt High School Maini

🇵🇰🎓 وومن یونیورسٹی صوابی میں “معرکۂ حق” کے حوالے سے پروقار تقریب
صوابی: وومن یونیورسٹی صوابی میں ڈپٹی کمشنر صوابی کی زیرِ صدارت “معرکۂ حق” کے حوالے سے ایک پروقار تقریب کا انعقاد کیا گیا، جس میں وائس چانسلر، اسسٹنٹ کمشنر، مختلف شعبہ ہائے زندگی سے تعلق رکھنے والے افراد، اساتذہ کرام اور طلبہ نے بڑی تعداد میں شرکت کی۔
🎶 طلبہ نے ملی نغمے پیش کرکے شرکاء کا لہو گرمادیا اور حب الوطنی کے جذبات کو اجاگر کیا۔
💪 مقررین نے کہا کہ پاک فوج نے اپنی بہادری، پیشہ ورانہ صلاحیت اور بہترین حکمت عملی سے دشمن کے غرور کو خاک میں ملا دیا۔
🇵🇰 تقریب میں پاک فوج اور شہداء کی قربانیوں کو زبردست خراجِ تحسین پیش کیا گیا
📢 شرکاء نے “پاکستان زندہ باد” اور “پاک فوج زندہ باد” کے فلک شگاف نعرے بھی لگائے



🇵🇰🎓

اسکول میں ممتاز عالمِ دین شیخ ادریس شہید مرحوم کے ایصالِ ثواب کے لیے فاتحہ خوانی کا اہتمام کیا گیا۔ اس موقع پر اساتذہ اور طلبہ نے مرحوم کی دینی، علمی اور تعلیمی خدمات کو خراجِ عقیدت پیش کیا۔
دعا کی گئی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے، ان کی قبر کو نور سے بھر دے اور ان کے درجات بلند فرمائے۔ امین

اس سکول میں ہزاروں طلباء نے تعلیم حاصل کی ہے۔ آپ اپنے سیشن کے ساتھ، اپنے موجودہ یا سابقہ عہدے یا پیشے کے ساتھ اپنا تعارف کروائیں۔

Annual 2025 کے ریگولر طلبہ کے اصل سرٹیفکیٹس آ چکے ہیں۔ لہٰذا یہ سرٹیفکیٹس پرنسپل گلنواز خان صاحب یا توقیر نواز جونیئر کلرک سے حاصل کیے جائیں۔

نہایت افسوس کے ساتھ اطلاع دی جاتی ہے کہ طلحہ نذر سکول کا ایک نوجوان با اخلاق سابقہ استاد وفات پا گئے ہیں نماز جنازہ آج رات 9:30 کو ادا کی جائے گی ۔
اللہ تعالٰی کامل مغفرت فرمائیں اور لواحقین کو صبر جمیل عطا فرمائے ۔ آمین

موسمِ بہار کی آمد کے ساتھ ہی سکول ایک نئی تازگی اور خوبصورتی میں ڈھل جاتا ہے۔ ہر طرف ہریالی، کھلے پھول اور خوشگوار فضا قدرت کی خوبصورتی کا دلکش منظر پیش کرتے ہیں۔ یہ موسم ہمیں قدرت سے محبت اور اس کی قدر کرنے کا پیغام دیتا ہے۔
سکول کا سرسبز ماحول نہ صرف آنکھوں کو بھاتا ہے بلکہ طلباء کے دل و دماغ کو بھی تازگی بخشتا ہے۔ یہی خوبصورتی ہمارے تعلیمی ماحول کو مزید پرکشش بناتی ہے اور ہمیں سکھاتی ہے کہ ہم اپنی اردگرد کی فضا کو صاف، خوبصورت اور زندہ رکھیں۔
کچھ نرم سا رنگ ہے اس میں—جیسے سکول خود بھی سانس لے رہا ہو۔

📢 اہم اطلاع برائے طلبہ و والدین
عیدالفطر اور موسمِ بہار کی تعطیلات کے اختتام کے بعد خیبر پختونخوا کے تمام تعلیمی ادارے ان شاء اللہ بروز سوموار، 30 مارچ 2026 سے دوبارہ کھل رہے ہیں۔
🔹 اسمبلی 8:30
تمام طلبہ سے گزارش ہے کہ بروقت حاضری یقینی بنائیں۔
شکریہ

کلاس نہم و دہم کے طلباء 28/03/2026 بروز ہفتہ صبح 9 بجے سکول سے رول نمبر سلپ وصول کریں۔

گورنمنٹ ہائی سکول مینی صوابی میں جماعت دہم کے طلباء کے اعزاز میں الوداعی تقریب نہایت محبت اور جذبات کے ساتھ منعقد کی گئی۔ یہ خوبصورت لمحہ جماعت نہم کے طلباء کی جانب سے اپنے سینئرز کو خراجِ تحسین پیش کرنے کا ایک یادگار انداز تھا۔
تقریب میں مختلف دلچسپ اور رنگا رنگ سرگرمیوں کے ذریعے جماعت دہم کے طلباء کی محنت، کامیابیوں اور یادگار لمحات کو سراہا گیا۔ اساتذہ کرام اور طلباء نے مل کر ان خوبصورت یادوں کو ہمیشہ کے لیے دلوں میں محفوظ کر لیا۔
جدائی کا یہ لمحہ یقیناً خوشی اور غم کا امتزاج تھا۔ ایک طرف کامیابی کی خوشبو، تو دوسری طرف بچھڑنے کا دکھ نمایاں تھا۔
رخصت کی گھڑی آئی تو آنکھیں نم ہو گئیں
جو ساتھ گزرے لمحے تھے، سب یاد بن گئے
اللہ تعالیٰ جماعت دہم کے تمام طلباء کو آنے والے مراحل میں کامیابیوں سے نوازے۔ آپ سب ہمیشہ اس ادارے کا فخر رہیں گے۔

گورنمنٹ ہائی سکول مینی، صوابی میں بہترین حاضری، بہترین پراکٹری خدمات، سیشن کے بہترین شاگرد اور بہترین اساتذہ کو اعزازات سے نوازا گیا۔ یہ انعامات ان کی محنت، لگن اور مستقل مزاجی کا خوبصورت اعتراف ہیں۔