Chitral Islamian Association -CIA"

کل یعنی 14 مئی 2026 کو اسلامیہ کالج پشاور میں چترال اسلامین ایسوسی ایشن(C.I.A) کے صدارتی انتخابات (2026-27) کا انعقاد روایت اور جوش و جذبے کا ایک حسین سنگم ثابت ہوا۔ ان انتخابات میں political science department کے طالب علم کامران نذیر نے میدان مار لیا اور آرگنائزیشن کے نئے صدر منتخب ہوئے۔
ان کی بطور صدر کامیابی نہ صرف ان کی ذاتی محنت کا ثمر ہے بلکہ یہ طلبہ کے اس اعتماد کی عکاس بھی ہے جو انہوں نے ایک مخلص، دیانتدار اور باکردار قیادت پر جتایا ہے۔
کامران نذیر اپنی شرافت اور تعمیری سوچ کی بدولت ایک منفرد پہچان رکھتے ہیں اور یہ امید کی جا رہی ہے کہ ان کی سربراہی میں ایسوسی ایشن ایک نئے فعال دور میں داخل ہوگی۔ ان کی یہ جیت اسلامیہ کالج میں زیرِ تعلیم چترالی طلبہ کے مسائل کے حل اور ان کی فلاح و بہبود کے لیے ایک مثبت پیش رفت ثابت ہوگی جس سے نہ صرف تنظیم کا وقار بلند ہوگا بلکہ طلبہ کے درمیان اتحاد اور بھائی چارے کی فضا بھی مزید مستحکم ہوگی۔

صدارتی انتخابات برائے چترال اسلامین ایسوسی ایشن 2026-27
اسلامیہ کالج پشاور کے تاریخی در و دیوار آج چترال اسلامین ایسوسی ایشن کے پرجوش صدارتی انتخابات کے گواہ بنے جہاں چترالی طلبہ نے اپنے جمہوری حق کا بھرپور استعمال کیا اور مجموعی طور پر 234 ووٹ کاسٹ ہوئے۔
اس انتخابی معرکے میں تین امیدواروں کے درمیان کانٹے کا مقابلہ دیکھنے کو ملا جس میں کامران نذیر نے 125 ووٹ حاصل کر کے واضح برتری کے ساتھ صدارت کا میدان مار لیا جبکہ ان کے مدمقابل رضوان اللّٰہ 62 ووٹ حاصل کر پائے اور توصیف احمد کے حصے میں 47 ووٹ آئے۔
کامران نذیر کو سیشن 2026-27 کے لیے چترال اسلامین ایسوسی ایشن کا نیا صدر منتخب ہونے پر دلی مبارکباد پیش کی جاتی ہے۔ اور یہ امید ظاہر کی جاتی ہے کہ وہ اپنی تمام تر توانائیاں اور صلاحیتیں ایسوسی ایشن کی بہتری اور طلبہ کے فلاح و بہبود کے لیے وقف کر دیں گے تاکہ یہ تنظیم چترالی طلبہ کی نمائندگی کا حق احسن طریقے سے ادا کر سکے اور ان کی قیادت میں ترقی کی نئی منازل طے کرے۔

چترال اسلامین ایسوسی ایشن (C.I.A) کے زیرِ اہتمام منعقدہ تین روزہ 'اسپورٹس گالا 2026' اپنی تمام تر رعنائیوں اور جوش و خروش کے ساتھ اختتام پذیر ہو گیا۔ اس ایونٹ میں انڈور اور آؤٹ ڈور کھیلوں کے متعدد مقابلے منعقد کیے گئے جن میں اسلامیہ کالج پشاور میں زیرِ تعلیم چترال سے تعلق رکھنے والے طلبہ کی بڑی تعداد نے بھرپور شرکت کی۔ طلبہ نے نہ صرف اپنی صلاحیتوں کا لوہا منوایا بلکہ ان مقابلوں سے خوب لطف اندوز بھی ہوئے۔
اختتامی تقریب کے مہمانِ خصوصی 'آئی ٹی ہب' (IT Hub) اکیڈمی کے سربراہ مسٹر زوہیب تھے جنہوں نے ایونٹ کے کامیاب انعقاد پر انتظامیہ کو مبارکباد پیش کی اور طلبہ کے جذبے کو سراہا۔ اس موقع پر انہوں نے ایک اہم اعلان کرتے ہوئے کہا کہ ان کا ادارہ جو مختلف شہروں میں آئی ٹی کورسز کے ذریعے نوجوانوں کو جدید مہارتیں فراہم کر رہا ہے، اسلامیہ کالج پشاور کے چترالی طلبہ کو تمام کورسز میں 50 فیصد رعایت (ڈسکاؤنٹ) فراہم کرے گا تاکہ وہ ڈیجیٹل دنیا میں آگے بڑھ سکیں۔
تقریب کے آخری مراحل میں چترال اسلامین ایسوسی ایشن کے موجودہ صدر مصطفیٰ حسن اور سابق صدر احتشام نواب زرین نے شرکاء سے خطاب کیا۔ انہوں نے طلبہ کی فلاح و بہبود اور باہمی اتحاد کی اہمیت پر زور دیا اور کامیاب کھلاڑیوں میں انعامات تقسیم کیے۔ اس طرح یہ پروقار تقریب اپنے مثبت مقاصد کے حصول کے ساتھ خوش اسلوبی سے اختتام پذیر ہوئی۔
چترال اسلامین ایسوسیشن اپنی طرف سے تمام سپوٹرز کا تہہ دل سے شکریہ ادا کرتی ہے۔

آج 27 اپریل 2026 کو چترال اسلامئین ایسوسی ایشن کے زیرِ اہتمام سالانہ سپورٹ گالا کا رنگا رنگ آغاز کر دیا گیا جس نے چترال کے طلبہ میں جوش و خروش کی نئی لہر دوڑا دی ہے۔ اس گالا میں آؤٹ ڈور کھیلوں کے ساتھ ساتھ متعدد انڈور گیمز بھی شامل کیے گئے ہیں تاکہ نوجوانوں کو اپنی صلاحیتوں کے اظہار کا بھرپور موقع مل سکے۔ ایونٹ کا باقاعدہ افتتاح فٹسال کے ایک سنسنی خیز مقابلے سے ہوا جس میں INTERNAL EAGLES کی ٹیم نے بہترین حکمت عملی اور عمدہ کھیل کا مظاہرہ کرتے ہوئے صفر کے مقابلے میں ایک گول سے کامیابی حاصل کی اور ٹورنامنٹ میں اپنی برتری ثابت کر دی۔
اس پروقار افتتاحی تقریب میں چترال اسٹوڈنٹ ایسوسی ایشن کے صدر کلیم اللّٰہ صاحب نے بطور مہمانِ خصوصی شرکت کی اور کھلاڑیوں کی حوصلہ افزائی کی۔ پروگرام کی باقاعدہ شروعات صدر چترال اسلامین ایسوسی ایشن مصطفیٰ حسن نے فیتہ کاٹ کر کی، جس کے بعد کھیلوں کے مختلف مقابلوں کا سلسلہ شروع ہوا۔ یہ سپورٹ گالا نہ صرف جسمانی صحت اور تندرستی کے لیے ایک بہترین پلیٹ فارم ہے بلکہ یہ مقامی سطح پر بھائی چارے اور مثبت تفریح کے فروغ میں بھی اہم کردار ادا کر رہا ہے۔ گالا کے پہلے روز ہی شائقین کی بڑی تعداد نے گراؤنڈ آکر خوب محظوظ ہوئے۔