Khyber Students Association UOP

Khyber Students Association UOP Contact information, map and directions, contact form, opening hours, services, ratings, photos, videos and announcements from Khyber Students Association UOP, Education, University road peshawar, Peshawar.

خیبر اسٹوڈنٹس ایسوسی ایشن، جامعہ پشاور کے سابق صدر محمد عمر شنواری اور سابق سرپرستِ اعلیٰ حارث شنواری کی یونیورسٹی کیمپس...
13/02/2026

خیبر اسٹوڈنٹس ایسوسی ایشن، جامعہ پشاور کے سابق صدر محمد عمر شنواری اور سابق سرپرستِ اعلیٰ حارث شنواری کی یونیورسٹی کیمپس کمانڈنٹ ایس پی جناب مجیب مروت صاحب سے ملاقات ہوا۔
ملاقات کے دوران ضلع خیبر اور دارہ آدم خیل سے تعلق رکھنے والے طلبہ کو درپیش مسائل پر تفصیلی تبادلۂ خیال کیا گیا۔ اس ملاقات کا مقصد جامعہ پشاور میں زیرِ تعلیم طلبہ کے مسائل کو اجاگر کرنا اور ان کے حل کے لیے باہمی مشاورت کو فروغ دینا تھا۔

جناب مجیب مروت صاحب نے طلبہ کے مسائل کو بغور سنا اور خیبر کے طلبہ کے ساتھ مکمل تعاون اور بھرپور معاونت کی یقین دہانی کروائی۔ انہوں نے اس عزم کا اظہار کیا کہ یونیورسٹی انتظامیہ اور متعلقہ اداروں کے ساتھ مل کر طلبہ کو درپیش مسائل کے حل کے لیے عملی اقدامات کیے جائیں گے۔
یقین دہانی کروائی۔ انہوں نے اس عزم کا اظہار کیا کہ یونیورسٹی انتظامیہ اور متعلقہ اداروں کے ساتھ مل کر طلبہ کو درپیش مسائل کے حل کے لیے عملی اقدامات کیے جائیں گے۔

خیبر اسٹوڈنٹس ایسوسی ایشن کی جانب سے ان کے مثبت رویے، تعاون اور طلبہ دوست سوچ کو سراہا گیا اور امید ظاہر کی گئی کہ یہ ملاقات طلبہ کے لیے مستقبل میں مثبت اور سودمند نتائج کی حامل ثابت ہوگی۔

The Directorate of Youth Affairs is organizing a special session on 10th February at SSAQ Hall, University of Peshawar, ...
05/02/2026

The Directorate of Youth Affairs is organizing a special session on 10th February at SSAQ Hall, University of Peshawar, focusing on the Revision of the Youth Policy 2016.

This is a unique opportunity for university students to directly share their ideas, suggestions, and concerns and actively contribute to shaping a policy that represents the true voice of youth. Your participation will ensure that student perspectives are reflected in future youth-focused decisions.

All university students are warmly invited to be part of this impactful initiative.
To participate, confirmation is mandatory. Kindly join the official group and ensure your presence at the session.

📍 Venue: SSAQ Hall, University of Peshawar
📅 Date: 10th February
Time : 9:30
🎯 Purpose: Youth Policy 2016 – Revision & Student Input

Be the voice of youth. Be part of change. Don’t miss this powerful opportunity.
Join Group :

https://chat.whatsapp.com/J4MO5Xzi1HVIbTthSqCxbF?mode=gi_t

Certificate of participation and lunch will provided

پشاور: خیبر اسٹوڈنٹس ایسوسی ایشن کی نو منتخب کابینہ کی حلف برداری کی تقریبخیبر اسٹوڈنٹس ایسوسی ایشن کی نو منتخب کابینہ ک...
05/02/2026

پشاور: خیبر اسٹوڈنٹس ایسوسی ایشن کی نو منتخب کابینہ کی حلف برداری کی تقریب

خیبر اسٹوڈنٹس ایسوسی ایشن کی نو منتخب کابینہ کی حلف برداری کی تقریب پشاور یونیورسٹی کے پیوٹا ہال میں منعقد ہوئی۔ تقریب کے آغاز میں خیبر اسٹوڈنٹس ایسوسی ایشن کے صدر عالمزیب نے مہمانان خصوصی اور دیگر معزز شرکاء کو خوش آمدید کہتے ہوئے پخیر راغلے کہا۔

تقریب کے مہمانِ خصوصی وزیر اعلیٰ خیبرپختونخوا سہیل آفریدی کے بھائی عامر آفریدی تھے، پی ٹی آئی رہنماء محمد صدیق آفریدی نے خیبر اسٹوڈنٹس ایسوسی ایشن کی نو منتخب کابینہ کے اراکین سے حلف لیا۔

تقریب میں پیپلز پارٹی کے رہنما ملک واحد شاہ، جے یو آئی کے رہنما حاجی محمد کریم آفریدی، زوان کوکی خیل اتحاد کے صدر ثناءاللہ آفریدی، سماجی کارکن اسلام باد شاہ آفریدی، پی ٹی آئی کے رہنما محمد صدیق، جمرود صدر اشفاق آفریدی، شعبہ صحافت کے اسسٹنٹ پروفیسر علی عمران صاحب، فوکل پرسن فواد آفریدی،شاہد خان آفریدی،اسماعیل سمیت دیگر معزز مہمانان شریک ہوئے، جبکہ طلبہ کی کثیر تعداد نے بھی شرکت کی۔

مہمانان نے اپنے خطابات میں کہا کہ طلبہ کسی بھی قوم کا روشن مستقبل ہوتے ہیں اور ملک کی ترقی و خوشحالی میں نوجوانوں کا کردار نہایت اہم ہے۔ مقررین نے کہا کہ پاکستان کے نوجوان صلاحیتوں سے مالا مال ہیں، انہیں صرف بہتر مواقع اور سہولیات فراہم کرنے کی ضرورت ہے، جو فراہم کی جائیں گی۔

انہوں نے طلبہ پر زور دیا کہ وہ اپنی تعلیم پر خصوصی توجہ دیں کیونکہ مستقبل میں ملک کی باگ ڈور انہی کے ہاتھوں میں ہوگی، اور ایک تعلیم یافتہ نوجوان ہی ملک کو ترقی کی راہ پر گامزن کر سکتا ہے۔

تقریب کے دوران خیبر اسٹوڈنٹس ایسوسی ایشن کے طلبہ کی جانب سے ضلع خیبر اور وادی تیراہ کے حوالے سے ایک قرارداد بھی پیش کی گئی، جس میں وادی تیراہ میں جاری آپریشن کی مخالفت کرتے ہوئے تیراہ آپریشن کو مسترد کیا گیا۔

پریس ریلیزخیبر سٹوڈنٹس ایسوسیشن، پشاور یونیورسٹی کے زیرِ اہتمام اور پشاور ڈائریکٹوریٹ آف یوتھ افیئرز کے تعاون سے ایک روز...
02/02/2026

پریس ریلیز

خیبر سٹوڈنٹس ایسوسیشن، پشاور یونیورسٹی کے زیرِ اہتمام اور پشاور ڈائریکٹوریٹ آف یوتھ افیئرز کے تعاون سے ایک روزہ فکری و علمی سیمینار کا انعقاد کیا گیا، جس کا عنوان “عالمی امن، تنازعات کے حل اور ہم آہنگی” تھا۔ اس سیمینار کا مقصد نوجوانوں میں امن، برداشت، مکالمے اور باہمی ہم آہنگی کے فروغ کے ساتھ ساتھ تنازعات کے پُرامن حل پر سنجیدہ اور بامقصد گفتگو کو فروغ دینا تھا۔

اس اہم سیمینار میں ضلع خیبر سے تعلق رکھنے والے طلباء و طالبات نے کثیر تعداد میں شرکت کی، جس سے یہ واضح ہوا کہ نوجوان نسل امن، شعور اور مثبت تبدیلی کے عمل میں بھرپور دلچسپی رکھتی ہے۔ پروگرام کے دوران ایک جامع اور بامعنی مکالماتی نشست کا انعقاد کیا گیا، جس میں مختلف شعبۂ ہائے زندگی سے تعلق رکھنے والی معزز شخصیات نے شرکت کی اور اپنے قیمتی خیالات کا اظہار کیا۔

مکالمے میں بالخصوص جمعیت علمائے اسلام کے معزز رکن صوبائی اسمبلی گورپال سنگھ، ضلع خیبر کے معروف سماجی شخصیت اسلام بادشاہ، جلیل آفریدی (ڈپٹی سی ای او آفریدی ٹیچنگ ہسپتال)، انصاف یوتھ ونگ پشاور ریجن کے سینئر نائب صدر اعجاز آفریدی، ارم ایڈووکیٹ اور سابق چیئرمین و سینئر صحافی شفیق آفریدی (92 نیوز) نے شرکت کی۔ مقررین نے عالمی و مقامی سطح پر درپیش تنازعات، ان کے اسباب، اور امن کے قیام میں نوجوانوں کے کردار پر تفصیلی روشنی ڈالی اور اس بات پر زور دیا کہ مکالمہ، برداشت اور باہمی احترام ہی دیرپا امن کی بنیاد ہیں۔

پروگرام کے اختتام پر خیبر سٹوڈنٹس ایسوسیشن پشاور یونیورسٹی کے صدر عالم زیب آفریدی نے اپنے خیالات کا اظہار کرتے ہوئے امن کے موضوع پر جامع اور مدلل گفتگو کی۔ انہوں نے کہا کہ خیبر کے نوجوان نہ صرف امن کے خواہاں ہیں بلکہ عملی طور پر امن کے سفیر بننے کی صلاحیت بھی رکھتے ہیں۔ انہوں نے سیمینار میں شرکت کرنے والے تمام معزز مہمانوں، طلباء و طالبات اور منتظمین کا دلی شکریہ ادا کیا۔

آخر میں ڈائریکٹوریٹ آف یوتھ افیئرز کے ڈائریکٹر ڈاکٹر نعمان مجاہد نے اپنے خیالات کا اظہار کرتے ہوئے خیبر سٹوڈنٹس ایسوسیشن کی کاوشوں کو سراہا اور نوجوانوں کے لیے اس قسم کے بامقصد اور تعمیری پروگرامز کے انعقاد پر ان کا شکریہ ادا کیا۔ انہوں نے آئندہ بھی خیبر سٹوڈنٹس ایسوسیشن کے ساتھ ہر ممکن تعاون کی یقین دہانی کراتے ہوئے کہا کہ نوجوانوں کی مثبت سرگرمیاں ہی ایک پُرامن اور مضبوط معاشرے کی ضمانت ہیں۔

یہ سیمینار نوجوانوں کے لیے نہ صرف ایک فکری نشست ثابت ہوا بلکہ امن، ہم آہنگی اور مکالمے کے فروغ کی جانب ایک اہم قدم بھی تھا، جسے شرکاء نے بے حد سراہا۔

خیبر سٹوڈنٹس ایسوسیشن پشاور یونیورسٹی کے صدر عالم زیب آفریدی کی قیادت میں آج ایک خدمت اور ہمدردی سے بھرپور وفد وادی تیرا...
23/01/2026

خیبر سٹوڈنٹس ایسوسیشن پشاور یونیورسٹی کے صدر عالم زیب آفریدی کی قیادت میں آج ایک خدمت اور ہمدردی سے بھرپور وفد وادی تیراہ کے متاثرہ علاقوں کی جانب روانہ ہوا۔ یہ قافلہ صرف سامان نہیں بلکہ محبت، احساس اور بھائی چارے کا پیغام لے کر روانہ ہوا ہے، تاکہ مشکل کی اس گھڑی میں اپنے بہن بھائیوں کے شانہ بشانہ کھڑا ہوا جا سکے۔

وفد کے ہمراہ سابقہ چیئرمین شفیق آفریدی اور معروف سماجی شخصیت اسلام بادشاہ کی موجودگی اس مشن کی اہمیت اور خلوص کو مزید اجاگر کرتی ہے۔ قافلے میں متاثرین کے لیے خشک میوہ جات، ضروری ادویات اور معصوم بچوں کے لیے گرم جیکٹس شامل ہیں، جو اس بات کا ثبوت ہیں کہ خیبر کے طلبہ ہر حال میں اپنے لوگوں کا درد محسوس کرتے ہیں۔

اس وفد میں چیئرمین ابرار آفریدی، سنئیر نائب صدر علی حیدر آفریدی، ڈپٹی چیئرمین ثاقب آفریدی، کیبنٹ کوآرڈینیٹر وقاص آفریدی، عبداللہ آفریدی اور احمد آفریدی بھی شامل تھے، جنہوں نے اس فلاحی مشن کو کامیاب بنانے کے لیے دن رات محنت کی۔

خیبر سٹوڈنٹس ایسوسیشن کا یہ اقدام اس عزم کی عملی تصویر ہے کہ جب بھی ڈسٹرکٹ خیبر یا وادی تیراہ پر مشکل وقت آئے گا، خیبر کے طلبہ ہمیشہ صفِ اوّل میں کھڑے ہوں گے۔ انشاء اللہ یہ خدمت کا سفر جاری رہے گا، کیونکہ یہی ہمارا ایمان اور پہچان ہے۔

السلام علیکمامید ہے کہ خیبر اسٹوڈنٹس ایسوسی ایشن کے تمام کور کابینہ اور جنرل ممبران خیریت سے ہوں گے۔خیبر اسٹوڈنٹس ایسوسی...
23/01/2026

السلام علیکم
امید ہے کہ خیبر اسٹوڈنٹس ایسوسی ایشن کے تمام کور کابینہ اور جنرل ممبران خیریت سے ہوں گے۔
خیبر اسٹوڈنٹس ایسوسی ایشن، یونیورسٹی آف پشاور کے جنرل سیکرٹری شاہ حسین زیب شنواری آج رات تین بجے سویڈن روانہ ہو رہے ہیں، ان کی فلائٹ تین بجے ہے۔
تمام معزز ممبران سے گزارش ہے کہ ان کی بخیریت اور کامیاب سفر کے لیے دعا فرمائیں۔
مہربانی۔

خیبر سٹوڈنٹس ایسوسیشن پشاور یونیورسٹی کی جانب سے صدر عالم زیب آفریدی کی قیادت میں آج تیسرے روز بھی متاثرین کی امداد کے ل...
21/01/2026

خیبر سٹوڈنٹس ایسوسیشن پشاور یونیورسٹی کی جانب سے صدر عالم زیب آفریدی کی قیادت میں آج تیسرے روز بھی متاثرین کی امداد کے لیے چندہ کیمپ کامیابی کے ساتھ جاری رہا۔ اس کیمپ میں طلبہ کے ساتھ ساتھ مختلف سماجی و سیاسی شخصیات نے بھی بھرپور شرکت کر کے یکجہتی کا عملی مظاہرہ کیا۔

آج کے دن کیمپ میں خصوصی طور پر یوتھ اسمبلی کے وزیر اعلیٰ ڈاکٹر مدثر معین آفریدی نے شرکت کی اور نوجوانوں کی اس فلاحی کاوش کو سراہتے ہوئے دل کھول کر تعاون کیا۔ ان کے ہمراہ چیئرمین ابرار آفریدی، کیبنٹ کوآرڈینیٹر وقاص آفریدی، ڈپٹی چیئرمین ثاقب آفریدی، خلیل آفریدی، آصف آفریدی اور عبداللہ نے بھی چندہ کیمپ میں شرکت کی اور اس نیک مقصد کی حمایت کا اعلان کیا۔

اس موقع پر صدر خیبر سٹوڈنٹس ایسوسیشن عالم زیب آفریدی نے کہا کہ وادی تیراہ اور دیگر متاثرہ علاقوں کے مظلوم عوام کی مدد کرنا ہم سب کی اجتماعی ذمہ داری ہے، اور خیبر کے طلبہ ہر مشکل وقت میں اپنے عوام کے شانہ بشانہ کھڑے رہیں گے۔ انہوں نے کیمپ میں شرکت کرنے والے تمام معزز مہمانوں، طلبہ اور عوام کا تہہ دل سے شکریہ ادا کیا۔

خیبر سٹوڈنٹس ایسوسیشن اس عزم کا اعادہ کرتی ہے کہ انسانیت کی خدمت اور مظلوموں کی آواز بننے کا یہ سفر آئندہ بھی جاری رہے گا، کیونکہ یہی ہمارے نوجوانوں کی اصل پہچان اور طاقت ہے۔

خیبر سٹوڈنٹس ایسوسیشن کی جانب سے وادی تیراہ کے مظلوم و متاثرہ عوام کیلئے لگایا گیا چندہ کیمپ آج دوسرے روز بھی پورے جذبے ...
20/01/2026

خیبر سٹوڈنٹس ایسوسیشن کی جانب سے وادی تیراہ کے مظلوم و متاثرہ عوام کیلئے لگایا گیا چندہ کیمپ آج دوسرے روز بھی پورے جذبے اور ولولے کے ساتھ جاری رہا۔ عوام الناس نے کثیر تعداد میں شرکت کرتے ہوئے انسانیت، اخوت اور بھائی چارے کی روشن مثال قائم کی اور دل کھول کر چندہ دیا۔

خیبر سٹوڈنٹس ایسوسیشن پشاور یونیورسٹی کے صدر عالم زیب آفریدی کی قیادت میں دوسرے روز بھی یہ چندہ کیمپ منعقد کیا گیا، جہاں شہریوں کی جانب سے متاثرین وادی تیراہ کے دکھ درد کو اپنا سمجھتے ہوئے بھرپور مالی تعاون کیا گیا۔ ہر آنے والا شخص اس نیک مقصد کا حصہ بن کر اس بات کا ثبوت دے رہا تھا کہ خیبر کے لوگ آج بھی ایک دوسرے کے دکھ میں شانہ بشانہ کھڑے ہیں۔

آج کے چندہ کیمپ میں خیبر سٹوڈنٹس ایسوسیشن کے کور کمیٹی ممبران اور جنرل ممبران نے بڑی تعداد میں شرکت کی اور بھرپور محنت و نظم و ضبط کے ساتھ اس مہم کو کامیاب بنانے میں اپنا کردار ادا کیا۔ یہ کیمپ اس عزم کی علامت ہے کہ خیبر کے نوجوان مشکل کی ہر گھڑی میں اپنے مظلوم بہن بھائیوں کو تنہا نہیں چھوڑیں گے۔

خیبر سٹوڈنٹس ایسوسیشن اس جذبۂ تعاون پر عوام کا تہہ دل سے شکریہ ادا کرتی ہے اور یقین دلاتی ہے کہ جمع ہونے والی رقم مکمل شفافیت کے ساتھ وادی تیراہ کے متاثرین کی امداد پر خرچ کی جائے گی۔ یہ سلسلہ اس وقت تک جاری رہے گا جب تک متاثرہ خاندانوں کے زخموں پر مرہم نہ رکھ دیا جائے۔

پریس ریلیزخیبر سٹوڈنٹس ایسوسیشن پشاور یونیورسٹی نے انسانیت، ہمدردی اور قومی ذمہ داری کے جذبے کے تحت وادی تیراہ کے متاثرہ...
19/01/2026

پریس ریلیز

خیبر سٹوڈنٹس ایسوسیشن پشاور یونیورسٹی نے انسانیت، ہمدردی اور قومی ذمہ داری کے جذبے کے تحت وادی تیراہ کے متاثرہ خاندانوں کیلئے چندہ کیمپ کا باقاعدہ آغاز کر دیا۔ اس کیمپ کا مقصد ان بے سہارا اور آزمائش میں مبتلا خاندانوں کی فوری مدد کرنا ہے جو قدرتی و زمینی حالات کے باعث شدید مشکلات کا شکار ہیں۔

چندہ کیمپ میں خیبر سٹوڈنٹس ایسوسیشن کے صدر عالم زیب آفریدی، سرپرستِ اعلیٰ رشید احمد شنواری اور فنانس سیکرٹری فواد شنواری نے خصوصی طور پر شرکت کی اور اس انسانی خدمت کے عمل میں عملی کردار ادا کیا۔ قیادت نے اس عزم کا اظہار کیا کہ وادی تیراہ کے متاثرین کو تنہا نہیں چھوڑا جائے گا اور ہر ممکن حد تک ان کی داد رسی کی جائے گی۔

اس موقع پر صدر خیبر سٹوڈنٹس ایسوسیشن عالم زیب آفریدی نے کہا کہ وادی تیراہ کے متاثرین کی مدد کرنا صرف ایک فلاحی عمل نہیں بلکہ ہمارا اخلاقی، قومی اور انسانی فریضہ ہے۔ چندہ کیمپ سے جمع ہونے والی تمام رقم شفاف طریقے سے متاثرین کیلئے خوراک اور ضروری ادویات کی فراہمی پر خرچ کی جائے گی تاکہ ان کی بنیادی ضروریات پوری کی جا سکیں۔

خیبر سٹوڈنٹس ایسوسیشن نے عوام، طلبہ اور مخیر حضرات سے اپیل کی ہے کہ وہ اس کارِ خیر میں بڑھ چڑھ کر حصہ لیں اور مشکل کی اس گھڑی میں اپنے بہن بھائیوں کا سہارا بنیں۔ یقیناً مشترکہ کوششیں ہی دکھوں کو کم اور امید کو زندہ رکھ سکتی ہیں۔

خیبر سٹوڈنٹس ایسوسیشن پشاور یونیورسٹی
انسانیت کے ساتھ، امید کے سفر پر ✨

19/01/2026

خیبر سٹوڈنٹس ایسوسیشن پشاور یونیورسٹی، طلباء یونین کی بحالی کیلئے قائم کی گئی کمیٹی کا بھرپور خیر مقدم کرتی ہے۔ یہ اقدام نہ صرف طلباء کے جمہوری حقوق کی جانب ایک امید افزا قدم ہے بلکہ یہ اس حقیقت کا اعتراف بھی ہے کہ تعلیمی اداروں میں مثبت، باشعور اور باکردار قیادت کی نرسری طلباء یونین ہی ہوا کرتی ہے۔

طلباء یونین ہمیشہ سے نوجوانوں کی آواز، مسائل کے حل اور قیادت کی تربیت کا مؤثر پلیٹ فارم رہی ہے۔ تاریخ گواہ ہے کہ پاکستان کے بڑے بڑے قومی رہنما، سیاستدان، دانشور اور سماجی کارکن طلباء یونین ہی کی کوکھ سے نکلے۔ یونین کے بغیر جامعات محض ڈگریاں دینے والے ادارے بن کر رہ جاتے ہیں، جبکہ یونین طلباء میں شعور، برداشت، مکالمے اور جمہوری اقدار کو فروغ دیتی ہے۔

خیبر سٹوڈنٹس ایسوسیشن کا ماننا ہے کہ طلباء یونین کی بحالی سے تعلیمی اداروں میں مثبت سیاست کو فروغ ملے گا، انتہاپسندی اور منفی سرگرمیوں کی حوصلہ شکنی ہوگی اور طلباء اپنے مسائل خود منظم انداز میں متعلقہ فورمز تک پہنچا سکیں گے۔ یونین کے ذریعے ہی اصل، نظریاتی اور عوامی مسائل سے جڑی ہوئی قیادت سامنے آتی ہے جو مستقبل میں ملک و قوم کی بہتر نمائندگی کر سکتی ہے۔

ہم اس امید کا اظہار کرتے ہیں کہ یہ کمیٹی محض رسمی کارروائی تک محدود نہیں رہے گی بلکہ خلوص نیت، شفافیت اور طلباء کی مشاورت سے جلد از جلد طلباء یونین کی مکمل بحالی کو یقینی بنائے گی۔ خیبر سٹوڈنٹس ایسوسیشن ہر اس اقدام کی حمایت کرے گی جو طلباء کے حقوق، تعلیمی بہتری اور جمہوری روایات کے فروغ کیلئے اٹھایا جائے گا۔

آخر میں ہم حکومت، یونیورسٹی انتظامیہ اور تمام اسٹیک ہولڈرز سے مطالبہ کرتے ہیں کہ وہ طلباء پر اعتماد کریں، ان کی آواز سنیں اور طلباء یونین کو اس کے اصل روح کے مطابق بحال کریں، کیونکہ مضبوط طلباء یونین ہی مضبوط قیادت اور روشن مستقبل کی ضمانت ہے۔

پریس ریلیزخیبر سٹوڈنٹس ایسوسیشن پشاور یونیورسٹی کے لیے یہ لمحہ بے حد مسرت، فخر اور اعزاز کا حامل ہے کہ تنظیم کے چیئرمین ...
09/01/2026

پریس ریلیز

خیبر سٹوڈنٹس ایسوسیشن پشاور یونیورسٹی کے لیے یہ لمحہ بے حد مسرت، فخر اور اعزاز کا حامل ہے کہ تنظیم کے چیئرمین ابرار آفریدی کو وفاقی وزیر انجینئر امیر مقام کی جانب سے وزیر اعظم لیپ ٹاپ سکیم کے تحت لیپ ٹاپ سے نوازا گیا۔

ابرار آفریدی کا تعلق ضلع خیبر، تحصیل جمرود سے ہے، اور ان کی یہ کامیابی نہ صرف ان کی ذاتی محنت، لگن اور صلاحیتوں کا اعتراف ہے بلکہ پورے ضلع خیبر اور خیبر سٹوڈنٹس ایسوسیشن کے لیے باعثِ فخر ہے۔ یہ اعزاز اس بات کا عملی ثبوت ہے کہ اگر نوجوانوں کو درست سمت، رہنمائی اور مواقع فراہم کیے جائیں تو وہ قومی سطح پر اپنی صلاحیتوں کا لوہا منوا سکتے ہیں۔

تاریخ اس حقیقت کی گواہ ہے کہ خیبر سٹوڈنٹس ایسوسیشن نے ہمیشہ معاشرے کو باشعور، باکردار اور مثبت سوچ رکھنے والے نوجوان فراہم کیے ہیں، جو تعلیم، امن، قیادت اور سماجی خدمت کے میدان میں نمایاں کردار ادا کر رہے ہیں۔ ابرار آفریدی کی یہ کامیابی اسی تربیت، جدوجہد اور اجتماعی وژن کا تسلسل ہے۔

ہم اس موقع پر ابرار آفریدی کو دل کی گہرائیوں سے مبارکباد پیش کرتے ہیں اور امید رکھتے ہیں کہ وہ مستقبل میں بھی خیبر سٹوڈنٹس ایسوسیشن اور ضلع خیبر کے نوجوانوں کے لیے مشعلِ راہ بنے رہیں گے۔

خیبر سٹوڈنٹس ایسوسیشن اس عزم کا اعادہ کرتی ہے کہ وہ تعلیم کے فروغ، نوجوانوں کی حوصلہ افزائی اور مثبت معاشرتی کردار کی تشکیل کے لیے اپنی جدوجہد پوری قوت کے ساتھ جاری رکھے گی۔

یہ کامیابی ایک فرد کی نہیں، یہ خیبر کے نوجوانوں کی جیت ہے۔

Address

University Road Peshawar
Peshawar
25000

Website

Alerts

Be the first to know and let us send you an email when Khyber Students Association UOP posts news and promotions. Your email address will not be used for any other purpose, and you can unsubscribe at any time.

Shortcuts

Share

Category