Govt. Boys City Middle School Baral

Govt. Boys City Middle School Baral تعلیم ایک شہری کا بنیادی حق ہے۔ ان شاءاللہ وہ دور واپس آ رہا ہے جب والدین بچوں کو گورنمنٹ اداروں میں داخل کروا کر فخر محسوس کریں گے

گورنمنٹ بوائز سٹی مڈل سکول بارل میں 24 دسمبر 2025 کو “Learning by Doing” کی زبردست عملی سرگرمی کا انعقاد ہوا۔ ماہرین زرا...
24/12/2025

گورنمنٹ بوائز سٹی مڈل سکول بارل میں 24 دسمبر 2025 کو “Learning by Doing” کی زبردست عملی سرگرمی کا انعقاد ہوا۔
ماہرین زراعت نے طلباء کو پودوں کی شاخ تراشی کا فن سکھایا، جس سے نہ صرف علم دلچسپ بنا بلکہ زراعت کی اہمیت کو محسوس کر کے عمل میں لانے کا جذبہ بھی پیدا ہوا۔

اس سے پہلے سبزیات کی کاشت کا عملی طریقہ سیکھایا گیا تھا, جو نہ صرف عملی کام کی ایک مثبت مشق ہے بلکہ بہترین فوائد کا حصول بھی ممکن بنایا گیا۔

21/12/2025

گورنمنٹ بوائز مڈل سکول بارل کے قابل اور باصلاحیت طالب علم
احسان اللہ آفاق نے ضلعی سطح پر منعقدہ تقریری مقابلے میں شاندار انداز میں شرکت کر کے ادارے کی بہترین نمائندگی کی۔

یہ مقابلہ گورنمنٹ بوائز ہائی سکول دھاردرچھ میں منعقد ہوا، جس میں ضلع سدھنوتی کے مختلف سرکاری و نجی تعلیمی اداروں کے منتخب طلبہ نے حصہ لیا۔ سخت، کڑے اور معیاری مقابلے کے باوجود احسان اللہ آفاق نے اعتماد، جرات اور پُراثر اندازِ بیان کے ساتھ ایک بہترین تقریر پیش کی، جسے حاضرین اور ججز کی جانب سے بھرپور سراہا گیا۔

اگرچہ وہ پہلی تین پوزیشنز میں شامل نہ ہو سکا، مگر اس کی تقریر نے یہ ثابت کر دیا کہ
اصل کامیابی خود اعتمادی، تیاری اور بہترین اظہارِ خیال ہے۔

ہم اپنے اس طالب علم پر فخر کرتے ہیں اور یقین رکھتے ہیں کہ ان شاء اللہ وہ مستقبل میں مزید نمایاں کامیابیاں حاصل کرے گا۔

21/12/2025

گورنمنٹ بوائز مڈل سکول بارل کے طالب علم
محمد ریحان (ساکن سنمبل، بھتیجے ملک عزیز صاحب)
نے ضلعی سطح کے حمد مقابلے میں نہایت ادب اور عقیدت کے ساتھ حمدِ باری تعالیٰ پیش کی۔

یہ مقابلہ گورنمنٹ بوائز ہائی سکول دھاردرچھ میں منعقد ہوا، جس میں ضلع سدھنوتی کے سرکاری و نجی سکولوں کے باصلاحیت طلبہ نے شرکت کی۔ سخت اور کڑے مقابلے میں اگرچہ محمد ریحان پہلی تین پوزیشنز میں شامل نہ ہو سکا، مگر اس کی پُرسوز آواز، تلفظ اور اعتماد نے سامعین کے دل جیت لیے۔

یہ شرکت اس امر کا واضح ثبوت ہے کہ ہمارے ادارے میں
دینی تربیت، اخلاقی اقدار اور ہم نصابی سرگرمیوں پر خصوصی توجہ دی جاتی ہے۔

ہم محمد ریحان اور اساتذہ کی محنت کو خراجِ تحسین پیش کرتے ہیں اور دعاگو ہیں کہ اللہ تعالیٰ اسے مزید کامیابیوں سے نوازے۔

الحمداللہ آج ہمارے ادارے کے لیے فخر اور مسرت کا دن ہے۔ فہم القرآن کے بین المدارس مقابلہ جات میں گورنمنٹ بوائز سٹی مڈل سک...
20/12/2025

الحمداللہ

آج ہمارے ادارے کے لیے فخر اور مسرت کا دن ہے۔ فہم القرآن کے بین المدارس مقابلہ جات میں گورنمنٹ بوائز سٹی مڈل سکول بارل کے ہونہار طالب علم سمیع اللہ آفاق نے شاندار کارکردگی کا مظاہرہ کرتے ہوئے دوسری پوزیشن حاصل کر کے اپنے اساتذہ، والدین اور پورے ادارے کا نام روشن کیا۔

یہ مقابلہ تحصیل پلندری کے سرکاری و نجی سکولوں کے ششم جماعت کے طلبہ کے درمیان منعقد ہوا، جس کی میزبانی گورنمنٹ بوائز ہائی سکول دھاردرچھ نے کی۔ سخت اور معیاری مقابلے کے باوجود ہمارے طالب علم کی یہ کامیابی اس بات کا واضح ثبوت ہے کہ ہمارے ادارے میں علمی تربیت کے ساتھ ساتھ دینی و اخلاقی تعلیم پر بھی بھرپور توجہ دی جا رہی ہے۔

ہم طالب علم سمیع اللہ آفاق کو اس شاندار کامیابی پر دل کی گہرائیوں سے مبارکباد پیش کرتے ہیں اور ان کے اساتذہ کی محنت، لگن اور خلوص کو بھی سراہتے ہیں جن کی رہنمائی نے اس کامیابی کو ممکن بنایا۔

ان شاء اللہ ہمارا ادارہ مستقبل میں بھی اسی عزم و جذبے کے ساتھ معیاری تعلیم، کردار سازی اور ہم نصابی سرگرمیوں میں نمایاں کامیابیاں حاصل کرتا رہے گا۔
آپ کا اعتماد ہمارا حوصلہ ہے، اور ہمارا مقصد آپ کے بچوں کا روشن مستقبل ہے۔

14/12/2025

الحمدللہ
آج ہمارے سکول میں ایک مثبت اور خوشگوار تبدیلی کا دن رہا۔
سکول کی دیواروں پر خوبصورت اور بامقصد تحریروں کے ذریعے تعلیمی، اخلاقی اور تربیتی پیغامات کو اجاگر کیا گیا۔

سکول کے انٹری پوائنٹ پر خوش آمدید اور حوصلہ افزا جملے،
امتحانی ہال میں نظم، خاموشی اور دیانت کی یاد دہانی،
اور دفاتر میں رہنمائی و ذمہ داری سے متعلق تحریریں تحریر کی گئیں،
تاکہ طلبہ، اساتذہ اور آنے والے ہر فرد کو ایک مثبت پیغام ملے۔

یہ تمام کام اس سوچ کے تحت کیا گیا کہ
سکول کردار سازی کی درسگاہ ہوتا ہے۔

ہم اس کوشش کو ٹیم ورک کا ایک اہم قدم سمجھتے ہیں۔
اللہ تعالیٰ ہمیں علم، کردار اور نظم و ضبط کے ساتھ آگے بڑھنے کی توفیق عطا فرمائے۔ آمین۔

انچارج سوشل میڈیا
گورنمنٹ بوائز سٹی مڈل سکول بارل

گورنمنٹ بوائز سٹی مڈل سکول بارل کے زیرِ اہتمام طلبہ کا ایک خوبصورت اور یادگار تفریحی و تعلیمی دورہ اسلام آباد منعقد کیا ...
17/11/2025

گورنمنٹ بوائز سٹی مڈل سکول بارل کے زیرِ اہتمام طلبہ کا ایک خوبصورت اور یادگار تفریحی و تعلیمی دورہ اسلام آباد منعقد کیا گیا۔ سفر کا آغاز بارل سے ہوا اور راستے میں موجود خوشگوار مناظر نے بچوں کے جوش و خروش میں مزید اضافہ کر دیا۔

دورے کی پہلی منزل *لوک ورثہ* تھی، جہاں طلبہ نے پاکستان کی مختلف تہذیبوں اور ثقافتی روایات کو نہایت دلچسپی سے دیکھا۔
بچوں نے

بلوچستان کے رنگ، ملبوسات اور روایتی زندگی

پنجاب کی موسیقی، کھیتی باڑی اور دیہی ماحول

سندھ کی کاریگری، اجرک اور لوک رقص

خیبر پختونخوا (KPK) کی تاریخ، اسلحہ سازی اور معمارِی

آزاد کشمیر کی قدرتی خوبصورتی، لوک موسیقی اور روایتی اوزار

گلگت بلتستان کے ہنر، گھریلو صنعت اور پہاڑی زندگی
کو نہایت توجہ اور حیرت کے ساتھ دیکھا۔
یہ پورا حصہ بچوں کے لیے معلومات، مشاہدے اور قومی یکجہتی کا خوبصورت پیغام لیے ہوئے تھا۔

اس کے بعد قافلہ پاکستان کی عظیم الشان نشانی *فیصل مسجد* پہنچا۔
طلبہ نے مسجد کے دلکش فنِ تعمیر کا مشاہدہ کیا، وسیع اور روح پرور ماحول نے سب کے دلوں کو سکون بخشا۔ مسجد کے احاطے میں گزرا ہوا وقت بچوں کے لیے نہایت متاثرکن اور یادگار رہا.

دورے کا آخری اور سب سے پرجوش مرحلہ *ایوب پارک* تھا، جہاں بچوں نے جھولوں، رائیڈز اور تفریحی سرگرمیوں سے بھرپور لطف اٹھایا۔ پارک کا رنگارنگ ماحول، بچوں کی قہقہے بھری خوشی اور ان کا بھرپور اعتماد دیکھ کر اس دورے کی کامیابی واضح طور پر محسوس ہوتی تھی۔

پورے سفر کے دوران طلبہ نے نہایت عمدہ نظم و ضبط، باوقار رویہ اور شاندار تربیت کا مظاہرہ کیا، جو ہمارے اسکول کی تدریسی محنت کا منہ بولتا ثبوت ہے۔

*انچارج سوشل میڈیا
گورنمنٹ بوائز مڈل سکول بارل*

*شاندار کامیابیوں کا تسلسل!*گورنمنٹ بوائز سِٹی مڈل سکول بارل نے ایک بار پھر اپنی قیادت اور صلاحیتوں کا لوہا منوایا۔ "24 ...
12/11/2025

*شاندار کامیابیوں کا تسلسل!*

گورنمنٹ بوائز سِٹی مڈل سکول بارل نے ایک بار پھر اپنی قیادت اور صلاحیتوں کا لوہا منوایا۔ "24 اکتوبر یومِ تاسیس آزاد حکومت" کے سلسلہ میں غازی شیر دِل خان گورنمنٹ بوائز انٹر کالج بارل میں آج بتاریخ 12 نومبر 2025ء بین المدارس تقریری مقابلہ جات کا انعقاد کیا گیا۔

*جس میں:*
13 ادارہ جات کے 26 طلباء و طالبات نے اپنی خطابت کے جوہر دِکھاۓ۔
احسان اللہ آفاق (متعلم جماعت ہفتم) نے اپنی بھرپُور صلاحیتوں کا مظاہرہ کرتے ہوۓ *دوسری پوزیشن* حاصل کر کے ادارہ کا نام روشن کیا۔
پُرکشش لہجوں, دِلنشین لفظوں اور سراپاۓ معصومیت ندائیوں کی گونج نے ماحول کو خوش نمائی بخشی۔
حاضرین نے تفریح کے ساتھ ساتھ بیش قیمت علمی خزانے بھی حاصل کیے۔

*گورنمنٹ بوائز سِٹی مڈل سکول بارل* میں بہترین تدریسی ماحول کی فراہمی کو یقینی بنانے کی کوشش کی جاتی ہے اور ہم نصابی سرگرمیوں کے فروغ اور نظم و نسق کے عملی اظہار کا بھی ماحول مہیا کیا جاتا ہے تاکہ عہدِ حاضر کی تدریسی ضروریات کو پورا کیا جا سکے۔

*انچارج سوشل میڈیا*
گورنمنٹ بوائز سِٹی مڈل سکول بارل

"یوم شہدائے جموں: ایک پُروقار تقریب کا انعقاد"گورنمنٹ بوائز سٹی مڈل سکول بارل میں 06 نومبر کے حوالہ سے ایک پُروقار تقریب...
05/11/2025

"یوم شہدائے جموں: ایک پُروقار تقریب کا انعقاد"

گورنمنٹ بوائز سٹی مڈل سکول بارل میں 06 نومبر کے حوالہ سے ایک پُروقار تقریب کا انعقاد کیا گیا، جس کا مقصد شہدائے جموں کی بے مثال و لازوال قربانیوں کو خراج تحسین پیش کرنا تھا۔

تقریب کا آغاز تلاوت کلام پاک سے کیا گیا، جس کے بعد نعت رسول مقبول صلی اللہ علیہ وسلم پیش کی گئی۔ خضر حیات صاحب (مدرس ادارہ) نے اس پروگرام کی غرض و غایت اور انعقاد کا مقصد بچوں پہ واضح کیا۔

صدر معلم ادارہ نے اپنے خطاب میں شہدائے جموں کی قربانیوں کو خراج عقیدت پیش کرتے ہوئے ان کے مشن کے معاشرتی تقدس اور پہ روشنی ڈالی۔ طلباء کو آزادی کی اہمیت اور اس کے حصول کے لیے دی جانے والی قربانیوں سے روشناس کروایا۔

قاری مظہر صاحب (مدرس ادارہ) نے اختتامی کلمات کے ساتھ شہدائے جموں کی بلندئ درجات کے لیے دعا فرمائی۔

*سوشل میڈیا انچارج*
*گورنمنٹ بوائز سٹی مڈل سکول بارل*

"زراعت کی راہ میں عملی تجربات کی اہمیت"گورنمنٹ بوائز سٹی مڈل سکول بارل میں کلاس ششم و ہفتم کے طلباء کے لیے زراعت کے موضو...
04/11/2025

"زراعت کی راہ میں عملی تجربات کی اہمیت"

گورنمنٹ بوائز سٹی مڈل سکول بارل میں کلاس ششم و ہفتم کے طلباء کے لیے زراعت کے موضوع پر ایک خصوصی سیشن کا اہتمام کیا گیا۔ اس سیشن میں طلباء کو مختلف سبزیات کی کاشت کے لیے زمین کی تیاری، کیاریں بنانے، بیج لگانے، اضافی پانی کی نکاسی اور زمین کی ساخت کے بارے میں عملی مظاہرہ کروایا گیا۔

محکمہ زراعت کے نمائندگان نے اپنی گرانقدر خدمات کے ذریعے اس پروگرام کو کامیاب بنایا اور طلباء کو مفت بیج فراہم کیے، جس میں مولی، پالک، شلجم اور کڑم شامل تھے۔ طلباء نے اس سیشن میں بھرپور دلچسپی کا مظاہرہ کرتے ہوئے عملی کام میں خوب حصہ لیا۔

یہ سرگرمی "Learning by Doing" کے اصول پر مبنی تھی، جس کا مقصد طلباء کو زراعت کی اہمیت اور اس کے عملی پہلوؤں سے آشنا کرنا تھا۔ ہم اپنے دفتر زراعت (بارل) کے نمائندگان کے ممنون ہیں جنہوں نے اس سیشن کو کامیاب بنانے میں اہم کردار ادا کیا۔

اس طرح کی سرگرمیاں وقتاً فوقتاً جاری رکھنے کا ارادہ ہے تاکہ طلباء کو عملی تجربات کے ذریعے سیکھنے کا موقع ملتا رہے۔

*سوشل میڈیا انچارج*
گورنمنٹ بوائز سٹی مڈل سکول بارل

گورنمنٹ بوائز مڈل سکول بارل کے ہیڈ ماسٹر صاحب اور جملہ سٹاف کی جانب سے سوشل میڈیا ایکٹوسٹ جناب اشفاق صاحب اور علم دوست ش...
02/11/2025

گورنمنٹ بوائز مڈل سکول بارل کے ہیڈ ماسٹر صاحب اور جملہ سٹاف کی جانب سے سوشل میڈیا ایکٹوسٹ جناب اشفاق صاحب اور علم دوست شخصیت محترم ریاض صاحب کا دل کی اتھاہ گہرائیوں سے شکریہ ادا کیا جاتا ہے،
جنہوں نے ہمارے ادارے کی سرگرمیوں، خصوصاً سپورٹس ویک کے کامیاب انعقاد کو سوشل میڈیا پر بھرپور سراہا۔

ان کی مثبت آراء اور حوصلہ افزائی ہمارے لیے باعثِ افتخار ہیں اور آئندہ مزید بہتری کی تحریک فراہم کرتی ہیں۔

اسی موقع پر ہم اپنے محنتی اساتذہ اور باصلاحیت طلبہ کو بھی دلی مبارکباد پیش کرتے ہیں،
جنہوں نے مختلف کھیلوں میں حصہ لے کر دیگر سکولز کے مقابلوں میں نمایاں کامیابیاں حاصل کیں اور ادارے کا نام روشن کیا۔

یہ کامیابیاں اس بات کا ثبوت ہیں کہ ہمارے بچے نہ صرف تعلیم میں بلکہ کھیلوں کے میدان میں بھی اپنی قابلیت منوا رہے ہیں۔

اللہ تعالیٰ سے دعا ہے کہ ہمارا ادارہ ہمیشہ ترقی و کامیابی کی راہوں پر گامزن رہے۔

— ہیڈ ماسٹر و جملہ سٹاف
گورنمنٹ بوائز مڈل سکول بارل

30/10/2025

گورنمنٹ بوائز سٹی مڈل سکول بارل میں سپورٹس وِیک کی افتتاحی تقریب نہایت شاندار اور پُررونق انداز میں منعقد ہوئی۔ اس موقع پر پلے گراؤنڈ کو رنگ برنگے غباروں، چونے کی خوبصورت لکیروں اور سجاوٹی جھنڈیوں سے دلکش انداز میں آراستہ کیا گیا، جس سے ماحول خوشگوار اور پُرکشش بن گیا۔

تقریب کا باقاعدہ آغاز ادارے کے صدرِ معلم نے سینئر اساتذہ کرام کے ہمراہ فیتہ کاٹ کر کیا۔ افتتاح کے بعد صدرِ معلم نے تمام اساتذہ و طلباء سے خطاب کرتے ہوئے کھیلوں کی اہمیت، نظم و ضبط، اور صحت مند زندگی پر ان کے مثبت اثرات کو اُجاگر کیا۔ انہوں نے کہا کہ کھیل نہ صرف جسمانی و ذہنی نشوونما کا ذریعہ ہیں بلکہ یہ انسان میں صبر، برداشت، اور ٹیم ورک جیسے اوصاف کو بھی پروان چڑھاتے ہیں۔

صدرِ معلم نے طلباء کو نصیحت کی کہ کھیل ہمیشہ قواعد و ضوابط کے مطابق کھیلے جائیں، کیونکہ بد نظمی کھیل کی روح کو متاثر کرتی ہے۔ انہوں نے مزید کہا کہ جیت اور ہار دونوں زندگی کا حصہ ہیں؛ اصل کامیابی اُن اوصاف کو سیکھنے میں ہے جو کھیل ہمیں سکھاتے ہیں، تاکہ ہم ایک منظم اور مہذب معاشرہ تشکیل دے سکیں۔

اختتام پر تمام اساتذہ و طلباء کو تاکید کی گئی کہ وہ اس سہ روزہ سپورٹس سرگرمی میں بھرپور شرکت اور مکمل حاضری یقینی بنائیں۔ بعد ازاں مختلف کھیلوں کے لیے ٹیمیں تشکیل دی گئیں اور انہیں کھیل کے قواعد و شیڈول سے آگاہ کیا گیا۔

تمام اساتذہ نے جوش و جذبے کا اظہار کرتے ہوئے اس عزم کا اعادہ کیا کہ سپورٹس وِیک کو ایک یادگار، منظم اور تعلیمی
سرگرمی کے طور پر منایا جائے گا۔

انچارج سوشل میڈیا
گورنمنٹ بوائز سٹی مڈل سکول بارل

Address

Pallandri Azad Kashmir
Palandri

Website

Alerts

Be the first to know and let us send you an email when Govt. Boys City Middle School Baral posts news and promotions. Your email address will not be used for any other purpose, and you can unsubscribe at any time.

Shortcuts

Share

Category