Iqra Online Institute

02/02/2026

الحمدللہ ربِّ العالمین 🌿
*جامعۃُ المدینہ* کے امتحانات کا سلسلہ بخیر و خوبی مکمل ہو چکا ہے،
اور اب *اقراء اسلامک انسٹیٹیوٹ* بھی ایک بار پھر
پورے عزم اور نئی توانائی کے ساتھ
تعلیمی میدان میں فعال ہونے جا رہا ہے۔
ان شاء اللہ بہت جلد
*اقراء اسلامک انسٹیٹیوٹ کے زیرِ اہتمام*
مختلف دینی و تعلیمی کورسز کا باقاعدہ آغاز کیا جائے گا،
جن میں بالخصوص درج ذیل کورسز شامل ہوں گے:
📘 *ناظرۂ قرآن*
📗 *مدنی قاعدہ*
📕 *حدیث شریف کی سماعت و فہم*
📙 *فرض علوم کورس*
📓 *صرف و نحو کورس*
ہمارا مقصد
قرآن و سنت کی روشنی میں
صحیح علم، مضبوط بنیاد اور دینی شعور کو عام کرنا ہے۔
تفصیلات، تاریخِ آغاز اور *رجسٹریشن کا اعلان*
بہت جلد ان شاء اللہ کیا جائے گا۔
اللہ پاک اس دینی کوشش کو قبول فرمائے
اور ہمیں اخلاص کے ساتھ علم و عمل کی خدمت کی توفیق عطا فرمائے، آمین 🤲

16/01/2026

21/11/2025

Iqra Online Institute

21/11/2025

📅 آج کا اسلامی کیلینڈر
🗓 جمعہ ،29جمادی الاولی 1447ھ
📆 21نومبر2025ء

🌿 آج کی حدیثِ پاک
قال رسول اللہ ﷺ
" جو شخص مجھ پر ایک بار درود بھیجے گا خدائے تعالیٰ اس پر دس مرتبہ رحمت نازل فرمائے گا اورا س کے دس گناہوں کو معاف فرمائے گا۔ اور دس درجے بلند فرمائے گا۔ "نسائی

🌸 اقراء اسلامک انسٹیٹیوٹ کی طرف سے آج کی بابرکت حدیث کے ساتھ نیا دن مبارک ہو! 🌸

📖 دین کی تعلیم گھر بیٹھے حاصل کریں
🌐 اقراء اسلامک انسٹیٹیوٹ
👩‍🏫 گرلز ڈیپارٹمنٹ: 0316-1403103
👨‍🏫 بوائز ڈیپارٹمنٹ: 0339-5026221

12/11/2025

📅 آج کا اسلامی قرآن کیلنڈر
🗓 بدھ، 20 جمادی الاولی 1447ھ
📆 12 نومبر 2025ء

🌿 آیتِ مبارکہ

اِیَّاكَ نَعْبُدُ وَ اِیَّاكَ نَسْتَعِیْنُﭤ(4)
ترجمۂ کنز الایمان:
ہم تجھی کو پوجیں اور تجھی سے مدد چاہیں۔

📖 تفسیر صراط الجنان سے خلاصہ

اس آیتِ مبارکہ میں بندوں کو سکھایا گیا کہ وہ اللہ تعالیٰ کی بارگاہ میں یوں عرض کریں:
“اے اللہ! ہم صرف تیری ہی عبادت کرتے ہیں کیونکہ عبادت کا مستحق صرف تو ہی ہے، اور ہم تجھ ہی سے مدد چاہتے ہیں کیونکہ حقیقی مدد کرنے والا بھی صرف تو ہی ہے۔”

یہ آیت ہمیں توحید، عبادت میں اخلاص، اور اللہ پر مکمل بھروسہ کا درس دیتی ہے۔
اللہ تعالیٰ کی بارگاہ میں حاجت پیش کرنے سے پہلے اپنی بندگی کا اظہار کرنا قبولیت کے زیادہ قریب ہے۔
نیز اس آیت سے جماعت کے ساتھ نماز ادا کرنے کی فضیلت بھی ظاہر ہوتی ہے۔

🌸 اللہ سے وسیلہ و مدد طلب کرنا

قرآن و حدیث سے یہ بات ثابت ہے کہ بندہ اپنی حاجات کے لیے اللہ تعالیٰ سے وسیلہ کے ساتھ دعا کرے۔
ارشادِ باری تعالیٰ ہے:

> یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ابْتَغُوْۤا اِلَیْهِ الْوَسِیْلَةَ
(سورۃ المائدہ: 35)
ترجمہ: اے ایمان والو! اللہ سے ڈرو اور اس کی طرف وسیلہ تلاش کرو۔

اعلیٰ حضرت امام احمد رضا خان رحمۃُ اللہ علیہ فرماتے ہیں کہ اولیاءِ کرام و انبیاءِ کرام علیہم السلام سے مدد مانگنا دراصل اللہ کی عطا سے مدد مانگنا ہے، کیونکہ وہ سب اللہ کے عطاکردہ وسیلے ہیں، اور اصل مددگار اللہ تعالیٰ ہی ہے۔

💫 سبق

> "عبادت صرف اللہ کے لیے ہے، مدد صرف اللہ سے ہے — مگر اس کے محبوب بندوں کا وسیلہ درِ قبولیت تک پہنچنے کا ذریعہ ہے۔"

📲 مزید روزانہ قرآن و حدیث کے پیغامات کے لیے ہمارے واٹس ایپ چینل سے جُڑیں:
🔗https://whatsapp.com/channel/0029VaDdi0C2P59dQuPyoD3C
اقراء اسلامک انسٹیٹیوٹ
Iqra Online Institute
Iqra Islamic Institute

10/11/2025

📅 آج کا اسلامی کیلنڈر
🗓 پیر، 18 جمادی الاولی 1447ھ
📆 10 نومبر 2025ء

اَلرَّحْمٰنِ الرَّحِیْمِۙ (2)

ترجمۂ کنز العرفان:
بہت مہربان، رحمت والا۔

تفسیر صراط الجنان:

{اَلرَّحْمٰنْ: بہت مہربان۔}
رحمٰن اور رحیم، اللہ تعالیٰ کے دو صفاتی نام ہیں۔
رحمٰن کا معنی ہے: نعمتیں عطا کرنے والی وہ ذات جو بہت زیادہ رحمت فرمائے۔
رحیم کا معنی ہے: بہت رحمت فرمانے والا۔

یاد رہے کہ حقیقی طور پر نعمت عطا فرمانے والی ذات اللہ تعالیٰ ہی ہے،
کیونکہ وہ اپنی رحمت کا بدلہ طلب نہیں فرماتا۔
ہر چھوٹی، بڑی، ظاہری، باطنی، جسمانی، روحانی، دنیوی اور اخروی نعمت
اللہ تعالیٰ ہی عطا فرماتا ہے۔

دنیا میں جس شخص تک جو نعمت پہنچتی ہے،
وہ اللہ تعالیٰ کی رحمت ہی سے ہے،
کیونکہ کسی کے دل میں رحم کا جذبہ پیدا کرنا،
رحم کرنے پر قدرت دینا،
نعمت کو وجود میں لانا،
دوسرے کا اس نعمت سے فائدہ اُٹھانا،
اور فائدہ اُٹھانے کے لئے اعضاء کی سلامتی عطا کرنا —
یہ سب اللہ تعالیٰ ہی کی طرف سے ہے۔

اللہ تعالیٰ کی وسیع رحمت دیکھ کر گناہوں پر بے باک نہیں ہونا چاہئے:

امام قرطبی رَحْمَۃُاللہِ تَعَالٰی عَلَیْہِ فرماتے ہیں:

اللہ تعالیٰ نے ’’رَبِّ الْعٰلَمِیْنَ‘‘ کے بعد اپنے دو اوصاف ’’رحمٰن‘‘ اور ’’رحیم‘‘ بیان فرمائے،
تاکہ بندہ صرف خوف میں نہ رہے بلکہ خوف اور امید کے درمیان رہے۔

جب ’’رَبِّ الْعٰلَمِیْنَ‘‘ سے دل میں عظمت اور خوف پیدا ہوا،
تو ساتھ ہی ’’رحمٰن‘‘ اور ’’رحیم‘‘ کے اوصاف ذکر کر کے رحمت اور امید کی ترغیب بھی دی گئی۔
یوں بندے کے دل میں ترہیب (خوف) اور ترغیب (امید) دونوں جمع ہو گئیں۔
(قرطبی، الفاتحۃ، تحت الآیۃ: ۲، ۱ / ۱۲۹)

قرآنِ مجید میں رحمت اور عذاب کا توازن:

اللہ تعالیٰ فرماتا ہے:

> ’’نَبِّئْ عِبَادِیْۤ اَنِّیْۤ اَنَا الْغَفُوْرُ الرَّحِیْمُۙ(۴۹)
وَ اَنَّ عَذَابِیْ هُوَ الْعَذَابُ الْاَلِیْمُ‘‘
(الحجر: 49-50)

ترجمۂ کنزالعرفان:
میرے بندوں کو خبر دو کہ بیشک میں ہی بخشنے والا مہربان ہوں،
اور بیشک میرا ہی عذاب دردناک عذاب ہے۔

اسی طرح فرمایا:

> ’’غَافِرِ الذَّنْۢبِ وَ قَابِلِ التَّوْبِ شَدِیْدِ الْعِقَابِۙ-ذِی الطَّوْلِؕ- لَاۤ اِلٰهَ اِلَّا هُوَؕ- اِلَیْهِ الْمَصِیْرُ‘‘
(المؤمن: 3)

ترجمۂ کنزالعرفان:
گناہ بخشنے والا اور توبہ قبول کرنے والا،
سخت عذاب دینے والا، بڑے انعام عطا فرمانے والا ہے۔
اس کے سوا کوئی معبود نہیں، اسی کی طرف لوٹنا ہے۔

رحمت و عذاب کا توازن ایمان کا حصہ:

حضرت ابو ہریرہ رَضِیَ اللہُ تَعَالٰی عَنْہُ سے روایت ہے:
رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا:

> "اگر مومن جان لیتا کہ اللہ تعالیٰ کے پاس کتنا عذاب ہے
تو کوئی بھی اس کی جنت کی امید نہ رکھتا،
اور اگر کافر جان لیتا کہ اللہ تعالیٰ کے پاس کتنی رحمت ہے
تو کوئی اس کی جنت سے ناامید نہ ہوتا۔"
(مسلم، کتاب التوبۃ، الحدیث: ۲۷۵۵)

لہٰذا ہر مسلمان کو چاہئے کہ امید اور خوف کے درمیان رہے —
اللہ تعالیٰ کی رحمت کی وسعت دیکھ کر گناہوں پر بے باک نہ ہو،
اور اس کے عذاب کی شدت دیکھ کر رحمت سے مایوس بھی نہ ہو۔

کسی کو رحمٰن یا رحیم کہنے کا شرعی حکم:

اللہ تعالیٰ کے علاوہ کسی کو رحمٰن کہنا جائز نہیں،
جبکہ رحیم کہا جا سکتا ہے۔

چنانچہ قرآنِ مجید میں اللہ تعالیٰ نے اپنے حبیب ﷺ کے بارے میں فرمایا:

> "لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِیْزٌ عَلَیْهِ مَا عَنِتُّمْ
حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ"
(التوبہ: 128)

ترجمۂ کنزالعرفان:
بیشک تمہارے پاس تم میں سے وہ عظیم رسول تشریف لائے،
جن پر تمہارا مشقت میں پڑنا بہت بھاری گزرتا ہے،
وہ تمہاری بھلائی کے نہایت چاہنے والے،
مسلمانوں پر بہت مہربان اور رحمت فرمانے والے ہیں۔

📿 مزید قرآنی آیات، ترجمہ و تفسیر سے روزانہ مستفید ہونے کے لیے
ہمارے واٹس ایپ چینل کو جوائن کریں:
🔗 https://whatsapp.com/channel/0029VaDdi0C2P59dQuPyoD3C

اقراء اسلامک انسٹیٹیوٹ
Iqra Online Institute
Iqra Islamic Institute

10/11/2025

📅 آج کا اسلامی کیلینڈر
🗓 پیر،18جمادی الاولی 1447ھ
📆 10نومبر2025ء

🌿 آج کی حدیثِ پاک
قال رسول اللہ ﷺ
" خدائے تعالیٰ جس شخص کے ساتھ بھلائی چاہتا ہے تو اسے دین کی سمجھ عطا فرماتا ہے اور خدا دیتا ہے اور میں تقسیم کرتا ہوں ـ "بخاری،مسلم،مشکٰوۃ

🌸 اقراء اسلامک انسٹیٹیوٹ کی طرف سے آج کی بابرکت حدیث کے ساتھ نیا دن مبارک ہو! 🌸

📖 دین کی تعلیم گھر بیٹھے حاصل کریں
🌐 اقراء اسلامک انسٹیٹیوٹ
👩‍🏫 گرلز ڈیپارٹمنٹ: 0316-1403103
👨‍🏫 بوائز ڈیپارٹمنٹ: 0339-5026221












اقراء اسلامک انسٹیٹیوٹ
Iqra Islamic Institute
Iqra Online Institute

04/09/2025

Big shout out to my newest top fans! 💎 Irfan Ahmad Irfan Ahmad

Drop a comment to welcome them to our community,