Astronomy love

جب آپ فلکیات، فزکس، کیمسٹری، کمپیوٹر یا کسی بھی سائنسی علم کی بات کرتے ہیں تو اس میں ریاضی ایک روح کی حیثیت رکھتی ہے۔
صرف فلکیات کی بات کریں تو اس کائنات کو سمجھنے میں آئنسٹائن کی فیلڈ مساوات، اس کائنات کا ماڈل جس کو FLRW ماڈل کہا جاتا ہے یہ پورا کا پورا ریاضی ہے، راکٹ بنانے سے لے کر لانچ تک اور خلائی جہاز کا راستہ متعین کرنے تک، کامیابی سے چاند یا مریخ پر اتارنے تک اگر ریاضی نہیں تو سب صفر ہو جائے گا۔ غرض ایک ایک پہلو ریاضی کے بغیر صفر ہے

"ہمارے اس وسیع کائنات کے کچھ حیران کن حقائق"

° ہم ستاروں کے مواد سے ہی بنے ہیں۔ ہمارے جسموں میں موجود ایٹم، کاربن، آکسیجن اور دیگر عناصر، کئی ارب سال پہلے ستاروں کے اندر نیوکلیئر فیوژن کے ذریعے وجود میں آئے تھے۔

° کائنات مسلسل بڑھ رہی ہے، یہ کسی بھی ایک جگہ پر ساکن نہیں ہے۔ اس بڑھنے کے باعث کہکشائیں ایک دوسرے سے دور جا رہی ہیں۔

° کائنات کا زیادہ تر حصہ پوشیدہ ہے، جس میں سے 27 فیصد حصہ ڈارک مادے سے اور 68 فیصد حصہ ڈارک انرجی سے بنا ہے۔ ڈارک مادہ ایک نامعلوم قسم کا مادہ ہے، جبکہ ڈارک انرجی ایک ایسی پوشیدہ قوت ہے جو کائنات کے پھیلاؤ کو بڑھا رہی ہے۔

° بلیک ہولز اپنے ایونٹ ہوریزن میں وائبریشن کی وجہ سے آواز کی لہریں خارج کرتے ہیں، لیکن یہ آواز کی لہریں انسانی کانوں کی سماعت کی حد سے بہت کم فریکوینسی (frequency) کی ہوتی ہیں، اس لیے ہم انہیں سن نہیں سکتے۔

° اندازے کے مطابق کائنات میں تقریباً 10 سیکسٹلین (21^10) ستارے ہیں، جو زمین پر موجود تمام ساحلوں اور صحراؤں میں موجود ریت کے ذرات سے بھی زیادہ ہیں۔

° بگ بینگ سے بچ جانے والی تابکاری کی کمزور چمک کو کاسمک مائیکروویو بیک گراؤنڈ (CMB) کہتے ہیں۔ یہ بگ بینگ تھیوری کے لیے اہم ثبوت فراہم کرتا ہے اور کائنات میں تمام جہتوں سے نظر آتا ہے۔

° ستاروں اور کہکشاؤں کی اتنی بڑی تعداد کے باوجود، ہماری کائنات زیادہ تر خالی ہے۔ کہکشائیں بہت زیادہ فاصلوں سے جدا ہیں، جس کی وجہ سے کائنات 99.9999999999999% خالی ہے۔

° بلیک ہول کے قریب، اس کی شدید کشش ثقل(گریوٹی) کی وجہ سے وقت کی رفتار نمایاں طور پر سست ہو جاتی ہے۔ اس مظہر کو، جسے ہم ٹائم ڈلیشن کہتے ہیں، آئن سٹائن کی تھیوری آف ریلیٹیوٹی بھی یہی بتاتا ہے۔

محمود الحسن