Sabawoon Education Academy - SEA

24/08/2026

ہمیں گریڈ 2 کے لئے کلاس ٹیچر، مڈل اور ایس ایس سی کلاسز کے لئے ریاضی، اردو اور بیالوجی کے اساتذہ اور ایک آفس ایڈمنسٹریٹر کی ضرورت ہے۔
متعلقہ فیلڈز میں تعلیمی استعداد اور تجربہ رکھنے والے خواتین و حضرات دئے گئے نمبر پر رابطہ کریں یا سکول تشریف لائیں۔
رابطہ نمبر: 03435987545
پتہ: پشتون گڑھی چوک جی ٹی روڈ پبی نوشہرہ

24/08/2026

Ahlam Noor, FSc Pre Medical First Year

23/08/2026

گیارھویں جماعت کی پڑھائی شروع کرنے سے پہلے سویرا نور اور ملائکہ شیراز خوابوں کی اہمیت احمد فراز صاحب کی زبانی بیان کر رہی ہیں۔ احلام نور کو شاعری سے غالبا زیادہ دلچسپی نہیں اس لئے وہ عین موقع پر ریکارڈنگ سے دستبردار ہو گئی۔ خالی جگہ میں نے پُر کر دی اور مجھے علم ہے کہ سویرا اور ملائکہ کے بیچ میری آواز زیادہ متاثرکن نہیں

22/08/2026

Sabawoon Education Academy, School and Girls College
Admissions in FA/FSc/ICS open

20/08/2026

عالم اشیاء و اجناس میں میرے دل میں جس چیز نے پکا ٹھکانہ کر رکھا ہے وہ امید ہے۔ امید کو زندہ رکھنے کی کوشش میں خود بھی جئے جاتا ہوں ورنہ اگر دل کی بات کروں تو جینے میں لطف کبھی پایا ہی نہیں۔ امید کو بھی زندگی دینی پڑتی ہے اور ایسا کرنے کے لئے مجھے بچوں کی تعلیم سے بڑھ کر دل آراء کوئی چیز آج تک مل نہ سکی۔ میری زندگی میں ارد گرد موجود، مجبور اور بے کس لوگوں کے متعلق ہمیشہ کچھ نہ کچھ چلتا رہتا ہے اور سچ یہ ہے کہ ایسا ہوتے مجھے خود بڑی زہنی آسودگی ملتی ہے لیکن سب سے بڑھ کر جو چیز مجھے زندہ و بیدار و سرشار رلھتی ہے وہ بچوں کی تعلیم ہے، بالخصوص وہ بچے جو اتنے خوش قسمت نہیں۔
دسویں جماعت کے بچوں کے نتائج ہر سال کی طرح اس سال بھی آئے لیکن اس دفعہ کچھ الگ ہوا اور وہ یہ کہ بچیوں کی اکثریت نے کالج کی تعلیم بھی سباوون ایجوکیشن اکیڈمی میں حاصل کرنے کی خواہش ظاہر کی۔ میں عموما کسی کو روکنے کی کوشش نہیں کرتا، دنیا کھلی ہے جو جدھر جانا چاہے جا سکتا ہے
جس سمت بھی چاہے صفتِ سیل رواں چل
وادی یہ ہماری ہے وہ صحرا بھی ہمارا
ہاں دکھ ضرور ہوتا ہے کہ جب والدین غلط طریقوں سے بچوں کو نمبرز دلوانے کے لئے انہیں ایسے اداروں کے سپرد کر دیتے ہیں جہاں تعلیم نام کی چیز تو مفقود ہوتی ہے، نمبرز اچھے آ جاتے ہیں۔
ان بچیوں کے لئے قرض حاصل کر کے کالج کا ایک نیا بلاک بنایا اور پھر اسے جدید سہولتوں سے آراستہ کرنے کا پکا ارادہ کیا۔ بچیوں سے میں نے کہا کہ ان کی تعلیم کو پرکشش، آسان اور بامعنی بنانے کے لیے مجھ سے جو ہو سکے گا، کر گزروں گا۔

نیا بلاک بن گیا تو اس تک انٹرنیٹ کی سہولت پہنچا دی۔ پیسوں کی قلت ہمیشہ رہتی ہے لیکن حکومت کے ایک پروگرام سے بلا سود قرضے کی ایک امید پیدا ہو گئی۔ اب وہ کب ہوتا ہے، ہوتا بھی ہے کہ نہیں، کام تو مجھے ہر صورت کرنا تھا۔ اپنے ہمدم دیرینہ سلمان سے رابطہ کیا کہ بھیا اگر کچھ ہیسے تیرے پاس بیکار پڑے ہیں تو مجھے بطور قرض بھیج دو، میں ان سے کچھ اچھا کر لوں گا اور جلد تیرے پاس اسی راستے تیرے پاس روانہ کر دوں گا جس راستے تم نے بھیجے ہوں گے۔ تیس منٹ نہیں گزرے تھے کہ پیسے پہنچ گئے۔
آج بچیوں کو پڑھائی کے لئے ان کے کلاس روم میں ایک عدد بہترین لیپ ٹاپ، ایک پروجیکٹر، وائی فائی کی مدد سے چلنے والا ایک پرنٹر اور پروجیکٹر کے لئے بہترین سکرین بمغ سٹینڈ بچیوں کے حوالے کئے۔ ان پر مکنل دسترس اور اختیار بچیوں کا ہے۔ بچیاں خود تحقیق کر سکیں گیں، ویڈیوز کی ضرورت ہے تو ساری درکار ضروریات حاضر، اضافی مطالعہ کرنا ہے تو استاد گوگل سمیت درجنوں استاتذہ کی مدد میسر۔ اہم مواد پرنٹ کرنا ہو تو بس ایک کلک اور پرنٹ ٹک سے ان کے ہاتھ میں۔ پریزنٹئشنز تیار کرنے ہیں تو لیپ ٹاپ موجود۔ اساتذہ بھی اپنے کام میں ان چیزوں کی مدد سے نکھار لا سکتے ہیں۔
آخری اور سب سے اہم بات۔ اگر آپ کے آس پاس ایسی بچیاں موجود ہیں جن کے سر سے والد کا سایہ بدقسمتی سے اٹھ چکا ہے تو انہیں سباوون ایجوکیشن اکیڈمی کا راستہ دکھا دیجئے، ہمیں انہیں تعلیم دینے کی بہت خوشی ہوگی۔

14/08/2026

یوم آزادی مبارک ہو۔ آپ تک اس دن ہمیشہ اپنی نیک خواہشات پہنچاتا ہوں، مجھے بھی دوست مبارلباد بھیجتے ہیں۔ اس دفعہ سب سے خوبصورت پیغام محترم اور مکرم خالد مسعود صاحب کا ملا۔ انہیں کا پیغام ادھر کاپی کر کے آپ سب کی نذر کرتا ہوں۔ اس سے زیادہ خوبصورت اور دل آرا پیغام میں نہیں للھ سکوں گا
۔۔۔۔۔۔۔۔

“Happy birthday 🇵🇰"
“You're loud and messy and chaotic but you're also the kids who dance in the streets in the monsoons, you're the beat of the dhol, you're the 20 simultaneous games of cricket on any given ground, you're the only people who believe that ludo is a game of skill, you're endless streams of chai, you're the maker of the best damned chapli kababs in the world, you're a survivor despite tragedy and loss. You're the place with the most heart I have ever seen. Happy Birthday Pakistan, you gorgeous old thing!"
Khalid Masaud Sb.

09/08/2026

Limited admissions in FA/FSc/ICS, First Year open.
Visit the campus and be a part of wonderful conducive learning environment.

Contact: 03435987545 / 03229124725
GT road Pabbi Nowshera.

09/08/2026

خوشی
۔۔۔
اس سال بیالیس سباوونز نے جماعت نہم اور دہم بورڈ کا امتحان دیا اور بہ فضل تعالی سب کے سب کامیاب ہوئے۔ مجھے اپنے تمام سباوونز کی کامیابی کی ازحد ہو شی ہے لیکن ان بچوں کی خوشی دو چند ہے جو ہمارے ہاں سکالرشپس پر پڑھ رہے ہیں۔ تحدیث نعمت کے طور پر عرض کروں کہ ان بیالیس سباوونز میں سترہ سکالرشس پر پڑھ رہے ہیں۔ یہ سکالرشپس قابلیت کی بنیاد پر نہیں بلکہ صرف اور صرف یتیم اور نادار بچوں کو دئے جاتے ہیں۔
ابھی گیارھویں جماعت میں بچیوں کے داخلے جاری ہیں۔ اگر آپ کے علم میں سباوون ایجوکیشن اکیڈمی سکول اور گرلز کالج کے اطراف میں کوئی یتیم بچی ہے یا ایسی بچیاں جو خط غربت سے نیچے زندگی گزار رہی ہیں تو انہیں ہمارے پاس بھیجئے، ہم ابہیں دل و جان سے پڑھائیں گے۔

08/08/2026

And here are the results from A to Z

07/08/2026