Safe Hands High School

05/09/2026

سال ۲۰۲۶ باقی دنیا کی طرح مری کے لئے بھی تبدیلیوں کا سال ثابت ہو رہا رہا ہے ۔ اس سلسلے کی تصاویر گاہے بگاہے آپ کو دکھائیں گے۔ زیر تحریر تصاویر اسی سلسلے کی کڑیاں ہیں۔
مری میں اب بھی کچھ پرانے ہوٹلوں میں چائے مخصوص کپ میں پیش کی جاتی ہے☕️اس پر یہ بحث بھی ہوتی ہے کہ اس میں کم چائے آتی ہے ۔
اس سال مری کی مختلف دیواروں کو بچوں اور بڑوں کی بنائ ہوئ تصاویر سے سجایا گیا ہے ۔اس سے مجھے سیف ہینڈز اسکول اور بیتے ہوئے دن یاد آ گئے۔
اسی سال مری میں مختلف راستوں پر برقی بسوں 🚌 کا اجراء ہوا جس نے یہاں کے باسیوں کی زندگی پر خوشگوار اثر مرتب کیا ۔
مری میں آنے والے تبدیلیوں پر تبصرے کا سلسلہ جاری رہے گا۔
انشا اللہ۔
بقلم: صدف لیاقت گیلانی

01/09/2026

آج صبح سے ہی مری میں بادلوں کی آمدورفت سے اندازہ ہو رہا ہے کہ میدانی علاقوں میں بھی مطلع ابرآلود ہو گا ۔ اللہ اس بارش کو ابر رحمت بنائیں اور ہماری کوتاہیوں کو درگزر فرمائیں ۔ آمین !
بقلم : صدف لیاقت گیلانی

06/08/2026

میرے والد کی پوسٹنگ ہر دو سال بعد ایک مختلف شہر ہو جاتی تھی جس کی وجہ سے میں نے مختلف درسگاہوں سے تعلیم حاصل کی ۔ ان میں سے ایک پریزنٹیشن کانونٹ مری ہے ۔ سال تھا ۱۹۷۶۔اس زمانے میں یہ بوائز اسکول ہوا کرتا تھا ۔سی ایم ایچ مری کے ڈاکٹر کی بیٹی ہونے کی وجہ سے مجھے خصوصی طور پر داخلہ دیا گیا ۔ میری اکلوتی ہم جماعت لڑکی پادری کی بیٹی اسٹیلا تھی ۔ اب بھی یہاں سے گزرتے وقت بیتا زمانہ یاد آتا ہے ۔ واضح رہے اب یہ صرف طالبات کے لیے ہے ۔ یہ تصویر ۴ اگست ۲۰۲۶ کو لی گئ ہے ۔یہاں کی یادداشتوں میں اساتذہ کا طالبعلموں کے ساتھ انتہائ مشفقانہ رویہ سب سے زیادہ نمایاں ہے۔ ٹیسٹ میں اچھے نمبر لینے پر ٹیچر اسکول کے باہر گزرنے والے باباجی کو بلاتیں ۔ان کے پاس ایک صندوق میں رنگ برنگی پیسٹریاں ہوتیں جو ہم اپنی پسند کے مطابق لے کر مزے سے کھاتے ۔ اب اسی امید پر مری کی مختلف بیکریوں سے پیسٹریاں لیں مگر وہ مزہ الگ ہی تھا ۔
بقلم:صدف لیاقت گیلانی

31/07/2026

مری میں بارش کا حسین منظر اس خوبصورت ریستوران میں عکس بند کیا گیا ہے جو گزشتہ صدی میں انگریزوں کا تعمیر شدہ ہسپتال تھا ۔ یہ مری کے مضافاتی قصبہ گھڑیال میں واقع ہے۔کیفے @۱۲ کے نام سے ۔ اس کیفے کی کھڑکیوں سے نظر آنے والی بارش کی بو ندیں انسان کو مسحور کر دیتی ہیں ۔
بقلم : صدف لیاقت گیلانی

Enjoy the videos and music you love, upload original content, and share it all with friends, family, and the world on YouTube.

23/07/2026

مری کا ایک حسین دن سورج اور بادلوں کا دلفریب امتزاج !زیر نظر تصاویر میں آپ کو مری کے قدیم ترین بازار یعنی کشمیری بازار کے چند مناظر بھی نظر آئیں گے ۔
بقلم : صدف لیاقت گیلانی
۲۳جولائ ۲۰۲۶

22/04/2026

Earth Day 2026🌍
Do your bit !☘️💐🍄🌻🥀

16/10/2025

پاکستان پوسٹ
مری مال روڈ پر واقع جی پی او کی عمارت ایک تاریخی حیثیت رکھتی ہے یہ تو ہمیں پتہ تھا لیکن جون ۲۰۲۵ میں ہمیں خوشگوار حیرت ہوئ جب الوینہ اور غوث کے ساتھ اس میں داخل ہونے کی کوشش کی ۔ تب ہمیں صرف پچاس روپے کے عوض ایک پوسٹ کارڈ تھما دیا گیا داخلہ ٹکٹ کے طور پر۔ یہ پوسٹ کارڈ آپ بعد میں کسی کو پوسٹ بھی کر سکتے ہیں۔
عمارت کی اوپری منزل کو عجائب گھر کی طرز پر تاریخی اشیا سے سجایا گیا ہے اور ان چیزوں کے بارے میں تفصیل بیان کرنے کے لئے گائڈ بھی موجود تھے ۔ غوث نے ان سے دلچسپ سوالات کئے اور ڈاک تولنے والے ترازو میں بیٹھنے کی کوشش بھی کی 😂اس کےبعد نچلی منزل سے ڈاک ٹکٹ خریدے اور یوں ہمارا پاکستان پوسٹ سے تعلق عرصہ دراز کے بعد دوبارہ جڑا۔
اب باقاعدگی سے الوینہ اور غوث کو خط لکھے جاتے ہیں اور وہ بھی خط کا انتظار کرتے ہیں ۔
بقلم: صدف لیاقت گیلانی

06/10/2025

آج ملکہ کوہسار مری میں ہونے والی بارش کا ایک خوبصورت منظرپیش ہے ۔ موسم بہت سرد ہو گیا اور چنار کے درختوں کے پتے رنگ بدلنے لگے ہیں ۔ ہر طرف خوبصورت نظارے قدرت کی صناعی کا عکس ہیں جن کو دیکھ کر بے اختیار زبان سے ما شا اللہ نکلتا ہے ۔
زیر تحریر تصویر لوئر جھیکا گلی روڈ مری کی ہے ۔
بقلم : صدف لیاقت گیلانی

05/10/2025

Happy Teachers’ Day to all the teachers reading this !
Sharing some old pictures ... share if you have any school pictures !

04/10/2025

Nice , France !
September , 2024.
نیس فرانس کا ایک سمندر کے کنارے واقع شہر ہے جو سیاحوں میں اپنی قدیم تاریخ ،خوشگوار موسم اور حسین عمارات کی وجہ سے ازحد مقبول ہے۔ نیس فرانس کے جنوب مشرق میں اٹلی کی سرحد سے ۲۰ کلومیٹر کے فاصلے پر واقع ہے ۔
اسے یونانیوں نے ۳۵۰ ق م میں قائم کیا۔بعد میں رومیوں کے دور حکومت میں یہ شہر ایک مصروف بندرگاہ کی شکل اختیار کر گیا۔۱۸۶۰ میں معاہدہ ٹیورن کے بعد یہ فرانس کا حصہ بن گیا۔
زیر تحریر تصاویر میں نیس کی چند خوبصورت جگہوں کو دکھایا گیا ہے ۔ان میں ایک تصویر پر غور کیجیے گا جس میں ایک مصالحوں کا سٹال ہے اور بادیان کا فرانسیسی نام بھی بادیان ہی تحریر ہے۔
امید ہی تحریر پسند آئ ہو گی ۔
صدف لیاقت گیلانی