جامعہ ابوھریرہ خالق آباد نوشہرہ

دار العلوم حقانیہ کے مجلس شوری کی تاریخی اجلاس میں شیخ الحدیث حضرت مولانا عبدالقیوم حقانی صاحب کی دورہ حدیث میں تقرری کو ترجمان حقانیہ استاد الحدیث حضرت مولانا عرفان الحق حقانی صاحب نے اپنی قلبی ارزو کی تکمیل قرار دیا انہوں نے نہایت والہانہ انداز کے ساتھ حضرت حقانی صاحب کی خدمت میں عرض کیا کہ جس طرح اپ کی پہلی تقرری حقائق و السنن کی سعادت کا سبب بنی اسی طرح اس بار دوبارہ تقرری بھی امید ہے کہ حضرت محدث جلیل مولانا عبدالحق رحمہ اللہ تعالی کے علمی افادات بصیرت افروز ارشادات اور گراں قدر ملفوظات پر مشتمل عظیم مجموعہ حقائق السنن کی تکمیل کا سبب بنے گا ان شاءاللہ
{محمد قاسم حقانی}

جامعہ دارالعلوم حقانیہ کےشوریٰ اجلاس میں
استاذ الحدیث حضرت مولانا سلمان الحق حقانی صاحب دامت برکاتہم
شیخ الحدیث حضرت مولانا عبدالقیوم حقانی صاحب دامت برکاتہم العالیہ کو
شرحِ صحیح مسلم کی تکمیل پر مبارکباد، دارالعلوم حقانیہ اور خانوادۂ حقانی کےلئے حضرت حقانی صاحب کی عظیم قلمی علمی و دینی خدمات کا بھرپور اعتراف، اور دورۂ حدیث میں تقرری پر اپنی قلبی مسرت، والہانہ عقیدت اور کامل تائید کا اظہار فرما رہے ہیں۔
{محمد قاسم حقانی}

مخدوم ومکرم دارلعلوم جامعہ حقانیہ اکوڑہ خٹک کے نائب مہتمم حضرت مولانا راشد الحق سمیع دارالعلوم حقانیہ کی مجلس شوریٰ سے شیخ الحدیث شارح صحیح مسلم مولانا عبد القیوم حقانی کی مسند حدیث پر تقرری کے حق میں اراکین شوری سے تائید لے رھے ھیں ۔۔
{محمد قاسم حقانی}

جامعہ ابوہریرہ کے دورۂ حدیث کے طلبۂ کرام کی اپنے شیخ و مربی، شیخ الحدیث، مصنفِ کبیر حضرت مولانا عبدالقیوم حقانی صاحب کے لیے محبت، عقیدت اور خوشی کے حسین جذبات دارالعلوم حقانیہ کے دورۂ حدیث میں جامع ترمذی کی تدریس کی سعادت ملنے پر دلی مبارکباد اور پرتپاک استقبال🥀

وقت بظاہر گزر جاتا ہے، موسم بدل جاتے ہیں، صدیاں سمٹ جاتی ہیں، مگر بعض تعلقات ایسے ہوتے ہیں جو وقت کی دسترس سے ماورا ہو کر دل کی دنیا میں ہمیشہ کے لیے ثبت ہو جاتے ہیں۔ کچھ ہستیاں محض افراد نہیں ہوتیں، وہ شفقت کا سائبان، محبت کا استعارہ، اور یادوں کی ایسی مقدس امانت بن جاتی ہیں جن کی جدائی صرف ایک شخص کی جدائی نہیں بلکہ ایک پورے احساس، ایک پورے عہد، اور ایک پورے سایۂ شفقت کے بچھڑ جانے کا نام بن جاتی ہے۔
شیخ الحدیث حضرت مولانا محمد ادریس شہید رحمۃ اللہ علیہ جب مولانا محمد قاسم حقانی کو محبت، شفقت اور بے ساختہ اپنائیت سے سینے سے لگا کر “میرا بھتیجا” فرمایا کرتے تھے، تو یہ محض ایک مختصر جملہ نہ تھا؛ یہ دل سے نکلنے والی وہ دعا تھی جس میں خاندانی نسبت سے بڑھ کر روحانی تعلق، قلبی وارفتگی، اعتماد، سرپرستی اور بے لوث محبت کی پوری ایک دنیا آباد تھی۔ ان دو لفظوں میں شفقت کے سمندر موجزن تھے، تعلق کی حرارت تھی، اور وہ مانوسیت تھی جو برسوں کے اخلاص سے جنم لیتی ہے۔
آج جب ماضی کی کوئی تصویر، کوئی منظر، یا کوئی یاد اچانک نگاہوں کے سامنے آ کھڑی ہوتی ہے تو دل کے نہاں خانوں میں ایک عجیب خاموش کہرام برپا ہو جاتا ہے۔ یوں محسوس ہوتا ہے جیسے زندگی کا کوئی نہایت قیمتی باب اچانک بند ہو گیا ہو، جیسے سر پر سایہ کیے ہوئے دعا کا ایک گھنا درخت یکایک اٹھ گیا ہو۔ یہ وہ درد ہوتا ہے جسے الفاظ مکمل طور پر بیان نہیں کر سکتے، کیونکہ بعض جدائیاں آنکھوں سے زیادہ روح کو رلاتی ہیں۔
کچھ زخم ایسے ہوتے ہیں جو وقت کے ساتھ مندمل نہیں ہوتے، بلکہ یادوں کی حدت سے اور بھی گہرے ہو جاتے ہیں۔ کچھ رشتے بچھڑ کر بھی نہیں بچھڑتے؛ وہ دل کی دھڑکنوں میں، دعاؤں کی قبولیت میں، اور یاد کے مقدس گوشوں میں ہمیشہ زندہ رہتے ہیں۔ ایسے بزرگ صرف ماضی کا حصہ نہیں ہوتے، وہ حال کی روشنی اور مستقبل کی محرومی بن جاتے ہیں۔ پھر انسان خاموشی سے یہی محسوس کرتا ہے کہ واقعی بعض اپنوں کا چلے جانا زندگی سے ایک پوری دنیا کے رخصت ہو جانے کے مترادف ہوتا