Imdad Education

آپﷺ شور شرابہ،فضول باتوں اور لڑائی جھگڑا سے دور رہتے تھے۔اچھائی کو اچھا اور برائی کو برا کہتے تھے
صلی اللہ علیہ وآلہ وسلم ❤️

آپﷺ گھر میں تشریف لاتے
تو نہایت خندہ پیشانی کے ساتھ مسکراتے ہوئے داخل ہوتے
صلی اللہ علیہِ وآلہ وسلم ❤️

آپ ﷺ ملاقات کے وقت سلام میں پہل فرماتے اور بڑی گرمجوشی کے ساتھ مصافحہ فرماتے
صلی اللہ علیہ وآلہ وسلم ❤️

آپﷺ جب فکرمند ہوتے تو آسمان کی طرف سر اٹھا کر فرماتے
"سبحان اللہ العظیم"
صلی اللہ علیہ وآلہ وسلم ❤️

آپ ﷺجب صحابہ رضی اللہ عنھم سے ملتے تو سلام میں پہل فرماتے اور گرمجوشی کے ساتھ مصافحہ فرماتے
صلی اللہ علیہ وآلہ وسلم ❤️

آپﷺ ہر وقت ذکر اور یاد الہی میں مشغول رہتے،خاموشی کے وقت بھی یاد الہی قلب اطہر میں رہتی
صلی اللہ علیہ وآلہ وسلم ❤️

انسانی گردے کی قیمت
مفتی محمد تقی عثمانی صاحب فرماتے ہیں کہ کراچی میں گردے کے ایک اسپیشلسٹ ہیں، ان سے ایک مرتبہ میرے بھائی نے پوچھا کہ آپ ایک انسان کے جسم سے گردہ نکال کر دوسرے انسان کو لگا دیتے ہیں، لیکن اب تو سائنس نے بہت ترقی کرلی ہے تو کوئی مصنوعی گردہ کیوں نہیں بنا لیتے، تاکہ دوسرے انسان کے گردے کو استعمال کرنے کی ضرورت ہی نہ پیش آئے؟
وہ ہنس کر جواب دینے لگے، کہ اول تو سائنس کی اس ترقی کے باوجود مصنوعی گردہ بنانا بڑا مشکل ہے، کیوں کہ اللہ تعالیٰ نے گردے کے اندر جو ایک چھلنی لگائی ہے وہ اتنی لطیف اور باریک ہے کہ ابھی تک کوئی ایسی مشین ایجاد نہیں ہوئی جو اتنی لطیف اور باریک چھلنی بنا سکے۔ اگر بالفرض ایسی مشین ایجاد ہو بھی جائے اور ایسی چھلنی بنا بھی لی جائے تو اس پر اربوں روپے خرچ ہوں گے، اور اگر اربوں روپے خرچ کر کے ایسی چھلنی بنا لی جائے تب بھی گردے کے اندر ایک چیز ایسی ہے جو ہماری قدرت سے باہر ہے، وہ چیز یہ کہ اللہ تعالیٰ نے گردے کے اندر ایک دماغ بنایا ہے جو فیصلہ کرتا ہے کہ اس آدمی کے جسم کو کتنا پانی ضرورت ہے ، کتنا پانی جسم میں رکھنا ہے اور کتنا پانی باہر پھینکنا ہے۔ ہر انسان کا گردہ اس انسان کے حالات کے مطابق ، اس کے جسم کے مطابق اور اس کے وزن کے مطابق یہ فیصلہ کرتا ہے کہ کتنا پانی اس کے جسم میں رہنا چاہیے اور کتنا باہر پھینکنا چاہیے۔ اور اس کا سو فیصلہ فیصد درست ہوتا ہے۔ اس کے نتیجے میں وہ اتنا پانی جسم میں روکتا ہے جتنے پانی کی ضرورت ہوتی ہے اور ضرورت سے زائد پانی پیشاب کی شکل میں جسم سے باہر پھینک دیتا ہے۔ لہذا اگر ہم اربوں روپے لگا کر مصنوعی گردہ بنا بھی لیں تب بھی ہم اس کا وہ دماغ نہیں بنا سکتے جو اللہ تعالیٰ ہر انسان کے گردے میں پیدا فرمایا ہے۔۔۔۔۔!!
"تم اپنے رب کی کون کون سی نعمتوں کو جھٹلاؤ گے؟"