Govt Boys Elementary School Gharibabad Nawabshah

Terminal examinations GBELS Gharibabad Nws

**گورنمينٽ بوائز ايلمينٽري اسڪول غريب آباد، نوابشاھ ۾ سنڌي ثقافتي ڏينهن جو شاندار جشن**

گورنمينٽ بوائز ايلمينٽري اسڪول غريب آباد، نوابشاھ ۾ اڄ سنڌي ثقافتي ڏينهن جو شاندار جشن وڏي جوش ۽ خروش سان ملهايو ويو، جنهن ۾ شاگردن، استادن ۽ تعليم کاتي جي معزز آفيسرن وڏي تعداد ۾ شرڪت ڪئي. مهمانِ خاص ۾ سر محمد سليم ڀٽي (ڊي اي او پرائمري)، حسين چانڊيو (ٽي اي او ميل سيڪنڊري تعلقه نوابشاھ)، ادي فرحين داهري (ٽي اي او فيميل تعلقه نوابشاھ)، سر نور احمد جمالي (ٽي اي او سيڪنڊري تعلقه سڪرنڊ)، سر ساجد امين (صدر گسٽا تعلقه نوابشاھ)، ادي شهناز ڀٽي (هيڊ مسٽريس جي جي اي ايل همت علي شاهه)، ادي پارس کوکر، سر قادر بخش ڀٽي ۽ ٻيا معزز مهمان شامل هئا۔

تقريب جو مقصد سنڌ جي شاندار قديم تهذيب، ريتن رسمن، محبت، رواداري ۽ امن جي پيغام کي اجاگر ڪرڻ هو۔

تقريب جي شروعات پاڪ قرآن مجيد جي تلاوت سان ٿي، جنهن بعد مهمانن کي روايتي اجرڪ ۽ ٽوپي جا تحفا پيش ڪيا ويا۔ شاگردن پاران رنگا رنگ ثقافتي ٽيبلوز، تقريرون، لوڪ گيت، ڌمال ۽ سنڌي بيت پيش ڪيا ويا، جن کي شرڪت ڪندڙن پاران ساراهيندڙ داد ملي۔

مقررين پنهنجي تقريرن ۾ چيو ته سنڌ صوفين، عالمن ۽ شاعرن جي ڌرتي آهي، جيڪا سدائين امن، محبت ۽ ڀائپي جو درس ڏيندي رهي آهي۔ هنن چيو ته اهڙا ثقافتي ڏينهن نوجوانن ۾ سڃاڻپ، وابستگي ۽ پنهنجائپ جو جذبو وڌائين ٿا۔

اسڪول جي هيڊ ماسٽر، **عرفان علي جمالي**، پنهنجي خطاب ۾ چيو ته سنڌي ثقافت اسان جي سڃاڻپ آهي ۽ ان کي زنده رکڻ اسان سڀني جي گڏيل ذميواري آهي۔ هن وڌيڪ چيو ته اهڙيون تقريبون ٻارن ۾ پنهنجي تهذيب ۽ روايتن سان محبت جو جذبو پيدا ڪن ٿيون۔

پورو پروگرام استادن، شاگردن ۽ انتظاميا جي بهترين سهڪار ۽ محنت سان ڪاميابي سان مڪمل ٿيو۔:**
*انتظاميه، گورنمينٽ بوائز ايلمينٽري اسڪول غريب آباد*
**تاريخ: 03-12-2025**

Measles vaccine GBELS GHARIBABABD NWS