10/12/2025
ناول: هڪ مهان ڇوڪري
ليکڪ: انور ابڙو
ھن ناول جا ڪردار ته گهڻا هن , پر ليکڪ ٽن ڪردارن تي گهڻو لکيو آ , سوڍو , انا , معني اناميڪا , چندرا . انهن ٽن ڪردارن مان آئون ڪهڙي ڪردار تي لکان.
ته مان , انا تي لکندم, انا "ڪيئنڊا" ۾ رهندڙ هڪ سنڌي ڇوڪري آ, جنهن جي رانگ ڪال لڳي ٿي وڃي. رانگ ڪال تي ايترو ته سوڍي کي سهارو ملي ٿو وڃي. جو سوڍو چندرا جي بيوفائي جو سڄو داستان انا کي ڏسي ٿو ڇڏي , ڪال ميل تي سوڍي ۽ انا عام جام ڪچهريون ٿين ٿيون , انا به سوڍي سان پنهنجو هر ڏک سک شيئر ڪري ٿي , سوڍو به پنهنجي غمن جو انا کي ڀائيوار سمجهڻ لڳي ٿو. دوستي ڪڏهن پيار ۾ بدلجي وڃي ٿي, سوڍي کي خبر ئي نٿي پئي , ڪجھ سالن کان بعد انا سنڌ ۾ اچي ٿي , سوڍي ڏي ميل ٿي لکي, ته مان تونسان ڪراچي سمنڊ تي ملڻ ٿي چاهيان , سوڍي کي تمام گهڻي خوشي ٿي ٿئي, سوڍو مڪمل تياري ڪري ٿو. سوڍي هن طويل عرصي ۾ انا جي ڪڏهن به تصوير ناهي ڏٺي, جڏهن "سي ويو " تي انا پنهنجي ڀاءُ خالد سان اچي ٿي , سوڍي کان اڳ انا سمنڊ تي پهچي ٿي, سوڍو جڏهن انا کي ڏسي ٿو , حيران ٿي ٿو وڃي. انا هن جي سوچن کان به وڌيڪ حسين آ. هن آواز ٻڌي دل ته ڏني هئي , پر انا کي ڏسي انا تي پنهنجي جان به نڇاور ڪرڻ ۾ دير نٿو ڪري. انا ڪجھ مهينا سنڌ ۾ رهي ٿي, سوڍي ۽ انا جون ملاقاتون هر روز ٿين ٿيون, سوڍو پنهنجي پيار جو اظهار انا سان ڪري ٿو. پر انا هن جي پيار کي قبول نٿي ڪري, ڪجھ مهينن جي موڪل کان پو , " ڪينئڊا " هلي ٿي وڃي .
سوڍو انا کي به چندرا وانگر بيوفا سمجهڻ لڳي ٿو , پاڻ کي دنيا جو بد نصيب تسليم ڪري ٿو , ۽ اهو سوچي ٿو ته جيئن چندرا بيوفا ٿي, تيئن انا ڀي بيوفا آ , تقريبن ڏيڍ سال کان بعد انا جي ميل سوڍي ڏي اچي ٿي , پر سوڍو به گهڻن ئي ڪمن ڪارن ۾ مصروف آ , پنڌرهن سورهن ڏينهن کان بعد انا جي ميل پڙهي ٿو, پر انا جون کوڙ ساريون ميليون به اچي وڃن ٿيون انهن پنڌرهن ڏينهنن ۾ , ڪجھ مهينن کان بعد انا سوڍي کي پنهنجي دوستي جو واسطو ڏئي , چئي ٿي سوڍو تون ڪا ڇوڪري ڏسي شادي ڪري ڇڏ. مان نٿي چاهيان ته تون پنهنجي زندگي منهنجي انتظار تباھ ڪرين.
