Kashmir Valley Public School & College Patika

پٹہکہ/
گورنمنٹ بوائز ڈگری کالج بالسیری پٹہکہ میں ہونے والے ٹیلنٹ ہنٹ ٹیسٹ میں کشمیر ویلی پبلک سکول پٹہکہ کے طلباء شان علی نے دوسری،حسن علی نے تیسری،سہیل مسکین نے چوتھی جبکہ سفیان ساجد نے پانچویں پوزیشن حاصل کر کے ٹیلنٹ ہنٹ مقابلہ جیت لیا طلباء کو بوائز ڈگری کالج انتظامیہ کی جانب سے نقد چار ہزار اور چھ ہزار روپے کے انعامات بھی دیے گے،

ادارہ ھذا میں سیکنڈ اٸیر کے طلبا کے بہتر مستقبل اور درست رہنمائی کے لیے کشمیر ویلی سکول اینڈ کالج پہٹکہ میں ایک معلوماتی اور مفید کیریر کونسلنگ سیشن کا انعقاد کیا گیا۔ اس سیشن کا مقصد طلبا کو مختلف تعلیمی اور پیشہ ورانہ شعبوں کے بارے میں آگاہی فراہم کرنا تھا تاکہ وہ اپنی دلچسپی، صلاحیت اور مستقبل کے تقاضوں کے مطابق درست کیریر کا انتخاب کر سکیں۔
سیشن میں ماہرینِ تعلیم اور کیریر کونسلرز نے طلبا کو میڈیکل، انجینئرنگ، آئی ٹی، سول سروس، بزنس، آرمی، تدریس اور دیگر شعبہ جات کے بارے میں تفصیلی معلومات فراہم کیں۔ مقررین نے طلبا کو محنت، خود اعتمادی اور مثبت سوچ کی اہمیت سے بھی آگاہ کیا۔
طلبا نے اس سیشن میں بھرپور دلچسپی لی اور مختلف سوالات پوچھے جن کے تسلی بخش جوابات دیے گئے۔ ادارے کے اساتذہ اور انتظامیہ نے اس اقدام کو طلبا کے روشن مستقبل کے لیے نہایت اہم قرار دیا۔
آخر میں طلبا نے اس مفید اور رہنمائی فراہم کرنے والے سیشن کے انعقاد پر ادارہ ہذا کا شکریہ ادا کیا۔

ماشاءاللہ ادارہ ھذا کی بچیوں کا مظفرآباد ڈویژن کے ٹیلنٹڈ ٹیسٹ میں شامل ہونا اور بہترین رزلٹ لانا اللہ کا کرم ہے یہ بڑی خوشی کی بات ہے کہ ہمارے ادارے سے چار طالبات نے مظفرآباد ڈویژن کے ٹیلنٹڈ ٹیسٹ میں شمولیت کی ۔ طالبات کے نام یہ ہیں نمرہ بنارس ،تحصیل پٹہکہ میں پہلی اور مظفرآباد ڈویژن میں آٹھویں ، پاکیزہ سلیم نے سترہویں جبکہ لائبہ اسلم اور حبیبہ ظہور نے اٹھارویں پوزیشن حاصل کر کے اپنا اور اپنے ادارے کا نام روشن کیا۔پورے مظفرآباد میں سے پہلی بیس پوزیشنز میں جگہ بنانا نہایت خوشی کی بات ہے الحمدللہ یہ بچے ہمارا فخر ہیں والدین کو بے حد مبارک ہو جن کے تعاون سے ھماری محنت کو بھی پھل ملتا ہے۔دعا ہے کہ اللہ پاک مزید ایسی کامیابیوں سے ہمکنار کریں۔۔آمین۔۔

مظفرآباد/
القلم کالج نیلم مظفرآباد اور جہلم ویلی کے میڑک کا امتحان دینے کے بعد ٹیلنٹ ٹیسٹ ہوا جس میں 4000 طلباء وطالبات نے حصہ لیا پٹہکہ کے جملہ کالج اور سکول میں سے کشمیر ویلی پبلک سکول کی نمرہ بنارس نے تحصیل پٹہکہ سے پہلی اور مظفرآباد ڈویثرن سے 8 ویں پوزیشن حاصل کی جس کو وزیر تعلیم سکولز دیوان علی خان چغتائی نے نقد انعام دیا اور والدین کو کامیابی پر مبارکباد پیش کی،