Syed Ghulam Murtaza shah

Big shout out to my newest top fans! Tanha Sahil, Ghulam Shah

5

4

3

2

1.

پیر سید نصیر الدین نصیر گیلانی کے بارے میں مشہور ہے کہ ان کو کسی نے ایک مصرعہ بطورِ طرح دیا کہ اگر آپ اس میں چھ اشعار کہہ دیں تو آپ کو استاد مان لوں گا، پیر صاحب نے 12 اشعار کہہ بھیجے، اور ساتھ یہ بھی لکھ بھیجا

"مجھے استاد بیشک تسلیم نہ کریں، بلکہ اساتذۂ فن کا شاگرد ہی رہنے دیں، غزل کہہ کر بھیج رہا ہوں"
نصیر

*غــــــــــــزل*

"ہر بول اُس کا روح کے آزار چاٹ لے"
جس کی زبان خاکِ درِ یار چاٹ لے

گُل چِیں نہ پا سکا کبھی جوہر پہ دسترس
مشکل ہے کوئی پھول کی مہکار چاٹ لے

ملتا ہے اور تشنگئ راہرو کو چین
پانی جو آبلے کا کوئی خار چاٹ لے

رہتا ہے زلفِ یار تیری چھاؤں میں یہ دِل
جب تیز دھوپ سایۂ اشجار چاٹ لے

مٹتا نہیں کسی سے بھی رسوائیوں کا داغ
کس کی مجال سُرخئ اخبار چاٹ لے

مل پائے ایسے قاتلِ شاطر کا کیا ثبوت
جو قتل کر کے خنجرِ خونخوار چاٹ لے

ایسے میں کیا پٹے کوئی سودا سرِ دُکاں
بائع جو اُٹھ کے مغزِ خریدار چاٹ لے

اے خوش قدم ! ذرا نظرِ بد سے ہوشیار
ایسا نہ ہو کہ شوخئ رفتار چاٹ لے

اس خوف سے وہ رکھتے ہیں زلفیں لپیٹ کر
افعٰی کہیں نہ زلف کا رخسار چاٹ لے

واعظ کی بات دِل میں جو اُترے تو کس طرح
جب کان اُس کی کثرتِ گفتار چاٹ لے

اِترائیے نہ شوکتِ فانی پہ اس قدر
دیمک کہیں نہ کرسئ سرکار چاٹ لے

منکر جو ہو نصیر کے فضل و کمال کا
کہہ دو اُسے نوشتۂ دیوار چاٹ لے

*پیر سید نصیر الدین نصیر گیلانی*

جب کوئی شخص بیلجیم میں 65 سال کا ہو جاتا ہے تو اسے پنشن ڈیپارٹمنٹ سے ایک خط موصول ہوتا ہے:
"آپ پنشنر بن چکے ہیں۔
براہ کرم اپنا بینک اکاؤنٹ نمبر بھیجیں تاکہ آپ کو ماہانہ پنشن دی جا سکے۔"
اور اگر آپ کو مدد کی ضرورت ہو؟
"اس نمبر پر کال کریں اور ملاقات کا وقت طے کریں۔"

لیکن بس یہی نہیں۔ بیلجیم میں ریٹائرمنٹ کا مطلب بھلا دیا جانا نہیں بلکہ حفاظت میں آ جانا ہے۔
یہاں کچھ فوائد ہیں:

✔ گھر یا اپارٹمنٹ کا کرایہ کم
✔ رہائش کے لیے ماہانہ مالی امداد
✔ سماجی تحفظ بہت کم قیمت پر حاصل کرنا
✔ بجلی اور پبلک ٹرانسپورٹ پر رعایت
✔ تقریباً مفت صحت کی سہولیات
✔ نیم مفت دانتوں کا علاج (اور اگر آپ ایک سال تک دندان ساز کے پاس نہ جائیں… تو جرمانہ بھی دینا پڑتا ہے!)
اور یہ سب ایک ایسے ملک میں جہاں کوئی تیل یا کان نہیں، مگر کچھ بہت قیمتی ہے:
ایمانداری۔
کیونکہ جب کوئی چوری نہیں کرتا، تو پیسہ سب کے لیے کافی ہوتا ہے۔