18/09/2026
تحریک منہاج القرآن کہروڑپکا کے زیرِ اہتمام منہاج القرآن اسلامک سنٹر کہروڑپکا میں جشنِ عید میلاد النبی ﷺ کے سلسلہ میں ماہانہ درسِ عرفان القرآن کا روح پرور اجتماع منعقد ہوا، جس میں اہلِ علاقہ، تحریک منہاج القرآن کے کارکنان، نوجوانوں اور مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی۔
اجتماع سے علامہ محمد سلیمان اعظم، فاضل منہاج یونیورسٹی لاہور نے خصوصی خطاب کیا۔ انہوں نے قرآن و سنت کی تعلیمات، محبت و اطاعتِ رسول ﷺ اور سیرتِ مصطفیٰ ﷺ کے مختلف پہلوؤں پر روشنی ڈالی اور شرکاء کو حضور نبی اکرم ﷺ کی تعلیمات کو اپنی عملی زندگی کا حصہ بنانے کی تلقین کی۔
اس موقع پر حافظ وقار قادری، مرکزی ناظم تنظیمات بہاولپور ڈویژن، چوہدری غفار سمبل، ضلعی صدر تحریک منہاج القرآن لودھراں، اور محترم اللہ یار، ضلعی ناظم تحریک منہاج القرآن لودھراں نے بھی خصوصی شرکت کی۔
اجتماع میں عوام کی کثیر تعداد نے انتہائی عقیدت و احترام کے ساتھ خصوصی خطاب سماعت کیا۔ پروگرام کے اختتام پر ملک و ملت کی سلامتی، امن و خوشحالی اور امتِ مسلمہ کے لیے خصوصی دعا کی گئی، جبکہ منتظمین کی جانب سے تمام شرکاء کے لیے لنگر کا وسیع انتظام بھی کیا گیا
