26/09/2026
پشتون سٹوڈنٹس کونسل، بہاؤالدین زکریا یونیورسٹی ملتان، درازندہ، ڈیرہ اسماعیل خان میں امن میلے کی چیک پوسٹ پر پیش آنے والے افسوسناک واقعے کی پرزور الفاظ میں مذمت کرتی ہے، جس میں قیمتی انسانی جانیں ضائع اور متعدد افراد زخمی ہوئے۔
خیبر پختونخوا گزشتہ کئی دہائیوں سے بدامنی، دھماکوں اور دہشت گردی کا سامنا کر رہا ہے۔ ہم حکومت اور تمام متعلقہ اداروں سے مطالبہ کرتے ہیں کہ اس بدامنی کے خاتمے کے لیے سنجیدہ اور مؤثر اقدامات کیے جائیں۔ خدا کے لیے ہمیں جینے دیں، ہمیں امن چاہیے۔
ہم اپنے سٹوڈنٹ کونسل کے ساتھی ظہیر عزیز کے بھائی کی المناک وفات پر بھی دلی تعزیت کا اظہار کرتے ہیں۔ اللہ تعالیٰ مرحوم کو جنت الفردوس میں اعلیٰ مقام عطا فرمائے اور اہلِ خانہ کو صبرِ جمیل دے۔
پشتون سٹوڈنٹس کونسل بہاؤالدین زکریا یونیورسٹی ملتان اس واقعے کی ایک بار پھر شدید مذمت کرتی ہے اور تمام متاثرہ خاندانوں کے غم میں برابر کی شریک ہے۔
