Zahra online Quran teacher

🤲🏻

یاالٰہی قرآن کریم کو میرے دل کی بہار، سینے کا نور، غموں کیلئے باعث کشادگی اور پریشانیوں کیلئے دوری کا ذریعہ بنا دے۔ آمین یارب العالمین◆❣️🤲🏻

*خلع کا بیان*(1)
اللہ عزوجل ارشاد فرماتا ہے:

تمھیں حلال نہیں کہ جو کچھ عورتوں کو دیا ہے اُس میں سے کچھ واپس لو، مگر جب دونوں کو اندیشہ ہو کہ اللہ عزوجل کی حدیں قائم نہ رکھیں گے پھر اگر تمھیں اندیشہ ہو کہ وہ دونوں اللہ عزوجل کی حدیں قائم نہ رکھیں گے تو اُن پر کچھ گناہ نہیں ، اِس میں کہ بدلا دیکر عورت چھٹی لے، یہ اللہ عزوجل کی حدیں ہیں ان سے تجاوز نہ کرو اورجو اللہ عزوجل کی حدوں سے تجاوز کریں تو وہ لوگ ظالم ہیں ۔

*حدیث* حضرت عبداللہ بن عباس رضی اللہ تعالٰی عنہما سے مروی کہ ثا بت بن قیس رضی اللہ تعالٰی عنہ کی زوجہ نے حضور اقدس صلی اللہ تعالٰی علیہ وسلم کی خدمت میں حاضر ہو کر عرض کی ، کہ یا رسول اللہ! ( صلی اللہ تعالٰی علیہ وسلم ) ثابت بن قیس کے اخلاق و دین کی نسبت مجھے کچھ کلام نہیں (یعنی اُن کے اخلاق بھی اچھے ہیں اور دیندار بھی ہیں ) مگر اسلام میں کفران نعمت کو میں پسند نہیں کرتی (یعنی بوجہ خوبصورت نہ ہونے کے میر ی طبیعت ان کی طرف مائل نہیں ) ارشار فرمایا: ’’اُس کا باغ (جو مہر میں تجھ کو دیا ہے) تو واپس کر دیگی؟‘‘ عرض کی ، ہاں ۔ حضور ( صلی اللہ تعالٰی علیہ وسلم ) نے ثابت بن قیس سے فرمایا: ’’باغ لے لو اور طلاق دیدو.

💖کھانے کے آداب​💖
۔۔۔۔۔۔۔۔۔۔۔۔۔۔۔۔

1۔کھانے کا مقصدجسم کو توانائی فراہم کرنا ہے تاکہ اللہ کے احکامات کی پیروی میں کارگر ہوسکے۔
(صحیح بخاری:1)
۔۔۔۔۔۔۔۔۔۔۔۔۔۔۔۔۔۔
2۔کھانے میں حلال ،پاکیزہ اور عمدہ چیز کا انتخاب کرنا چاہیے۔
(البقرہ:168)
۔۔۔۔۔۔۔۔۔۔۔۔۔۔۔۔۔
3۔ٹیک لگا کر کھانا درست نہیں ہے۔
(صحیح بخاری:5398)
۔۔۔۔۔۔۔۔۔۔۔۔۔۔۔۔
4۔کھڑا ہو کر کھانا کھانے سے اللہ کے رسول ﷺنے منع کیا ہے۔
(صحیح مسلم:2024)
۔۔۔۔۔۔۔۔۔۔۔۔۔۔۔۔۔۔۔۔۔
5۔کھانے کی نشست پر جب اہل علم اور بڑے موجود ہوں تو احتراما ان کے کھانا شروع کرنے کا انتظار کرنا چاہیے۔
(سنن ابو داود:3766)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6۔کھا نا ٹھنڈا کر کے کھانا باعث برکت ہے۔
( سنن دارمی: 2211)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
7۔کھانے کے دوران ہڈیاں اور گٹھلیاں علیحدہ برتن میں رکھنی چاہیں۔
(صحیح مسلم:2042)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
8۔کھانے والی چیزیں (انگور ،کھجوروغیرہ )اجزاء کی صورت میں ہو تو ایک وقت میں ایک ہی پیس اٹھانا چاہیے۔
( صحیح بخاری:5446)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
9۔کھانا اکھٹے ہو کر کھانا با عث برکت ہے۔
(مسند احمد:16078)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
10۔کھانے کو ہاتھ سے توڑ کر کھانا چاہیے۔سخت ہونے کی صورت میں دانتوں سے نوچ کر کھانا بھی درست ہے ۔
( صحیح بخاری:)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
11۔کھانے میں عیب نہیں نکالنا چاہیے ۔دل نہ مانے تو خاموشی سے چھوڑ دینا بہتر ہے۔
(صحیح بخاری:3563)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
12۔اگر کھانے کا لقمہ نیچے گر جائے تو اٹھا کر صاف کر کے کھا لینا چاہیے۔
( صحیح مسلم:2034)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
13۔اگرکوئی دوسرامسلمان بھائی کھانا کھلائے تو یہ دعاء دینی چاہیے:
اللهُمَّ بَارِكْ لَهُمْ فِيمَا رَزَقْتَهُمْ، وَاغْفِرْ لَهُمْ، وَارْحَمْهُمْ
(سنن ابو داود:3729)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
14۔کھانا کھاتے ہوئے دوسرے مسلمان بھائیوں کا درج ذیل امور میں خیال رکھنا چاہیے:
(1)کھانے کے دوران میں نامناسب آواز یں نہیں نکالنی چاہیں کیونکہ یہ بعض طبیعتوں پر ناگوار ہو سکتی ہیں۔
(2)دوران کھانا کھانسی آنے کی صورت میں اٹھ کر ایک طرف ہو جانا چاہیے۔
(3)کھانے کے دوران ایسے موضوعات پر گفتگو نہ کریں جن سے انسان طبعا گھن محسوس کرتا ہے۔

کھا نا کھانے کا طریقہ
۔۔۔۔۔۔۔۔۔۔۔۔۔۔۔
1۔دسترخوان پر بیٹھنے سے پہلے ہاتھوں کو اچھی طرح دھونا چاہیے۔
(سنن نسائی:256)
۔۔۔۔۔۔۔۔۔۔۔۔۔۔۔۔۔۔۔۔
2۔کھانے کے برتن کو قریب کر لینا چاہیے۔
(جامع ترمذی: 1857)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3۔کھانے کی ابتداء بِسْمِ الله سے کرنی چاہیے۔ابتداءمیں بھول جانے پر درمیان میں یہ دعا پڑھنی چاہیے: بِسْمِ اللَّهِ أَوَّلَهُ وَآخِرَهُ
(سنن ابو داود:3767)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
4۔کھانادائیں ہاتھ سے کھانا چاہیے۔
(صحیح مسلم:2021)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
5۔کھانا اپنے سامنے سے کھانا چاہیے۔
( صحیح مسلم:2022)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6۔کھانا پلیٹ کے کناروں سے کھانا چاہیے اور درمیان سے نہیں کھانا چاہیے۔
( سنن ابوداود:3773)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
7۔کھانا تین انگلیوں سے کھانا چاہیے۔اور آخر میں انگلیاںچاٹ لینی چا ہییں۔
( صحیح مسلم:2034)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
8۔کھانےسے فراغت پر ہاتھوں کو صاف کرنے سے پہلے چاٹ لینا چاہیے۔
(صحیح بخاری:5456)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
9۔کھا ناکھا لینے کے بعد اللہ تعالی کا شکر ادا کرتے ہوئے یہ دعا پڑھنی چاہیے:
«الْحَمْدُ لِلَّهِ الَّذِي أَطْعَمَنِي هَذَا الطَّعَامَ، وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ،
(سنن ابو داود:4023)
۔۔۔۔۔۔۔۔۔۔۔۔۔
10۔کھانے کے برتن کوانگلیوں سے صاف کرنا حکم نبویﷺکی پیروی ہے۔
(صحیح مسلم:2034)​
۔۔

*کھانے کے چند آداب ۔ اگر ہماری عادت میں یہ چیزیں شامل ہوجائیں تو ہم بھی ایک صحت مند زندگی گزار سکتے ہیں!*

today's bast photo ❤🥀

اس قصہ کا نام ہے.
*ایک دروازہ پکڑو!* *اورمضبوطی سے پکڑو*

حضرت سَیِّد اَیُّوب علی صاحب رَحمۃُ اللہِ عَلَیْہ : یہ اعلیٰ حضرت رَحمۃُ اللہِ عَلَیْہ کے شاگِرْد بھی ہیں اور عموماً اعلیٰ حضرت رَحمۃُ اللہِ عَلَیْہ کی خِدْمت میں حاضِر بھی رہا کرتے تھے ، سیرتِ اعلیٰ حضرت پر سب سے پہلے کام کرنے کی سَعَادت بھی سَیِّد اَیُّوب علی رَحمۃُ اللہِ عَلَیْہ کو ہی نصیب ہوئی۔
انہی *سید اَیُّوب علی رَحمۃُ اللہِ عَلَیْہ کا بیان ہے*
ایک دِن میں اور میرے بھائی سَیِّد قناعت علی رَحمۃُ اللہِ عَلَیْہ اعلیٰ حضرت رَحمۃُ اللہِ عَلَیْہ کے دَرِ دولت پر حاضِر تھے اور کسی علمی کام میں مَصْرُوف تھے ، صبح کے 9 یا 10 بجے کا وقت تھا ، ایک نوجوان آیا اور سلام کر کے ایک طرف خاموش بیٹھ گیا۔ ہم نے پوچھا : کہاں سے آئے ہیں؟ بولا : مِیْرَٹھ کا رہنے والا ہوں۔ ہم نے پوچھا : کیسے تکلیف فرمائی (یعنی کس کام سے آنا ہوا)؟ اس سُوال پر وہ نوجوان بےاختیار رَونے لگا۔ ہم نے بار بار پوچھا مگر اُس نے کوئی جواب نہ دِیا۔ آخر بہت اِصْرار کے بعد کہا : میں حُضُور اعلیٰ حضرت رَحمۃُ اللہِ عَلَیْہ کا مُرِیْد ہوں۔ اس سال مجھے خواجہ غریب نواز رَحمۃُ اللہِ عَلَیْہ کے عُرْسِ پاک میں حاضِری کی سَعَادت ملی ، وہاں میں نے ایک شخص کو دیکھا جو بظاہِر کوئی بزرگ ہستی نظر آرہاتھا ، میں نے اُس کے پاؤں چومے ، اورآداب بجا لایا ۔
وہاں موجود کچھ لوگوں نے مجھے کہا : تم ان کے مرید ہو جاؤ! میں نے کہا : میں تو پہلے ہی اعلیٰ حضرت رَحمۃُ اللہِ عَلَیْہ کا مرید ہوں۔ اس پر لوگوں نے کہا.
*وہاں تم شریعت میں بیعت ہو ، یہاں طریقت میں بیعت ہو جاؤ۔*
بَس لوگوں کی اس طرح کی باتیں سُن کر میں اُن صاحِب کا مرید ہو گیا۔ مُرِیْد ہونے کے بعد میں اپنی قیام گاہ پر آیا ، کچھ دیر آرام کے لئے لیٹا اور سَو گیا۔ کیا دیکھتا ہوں کہ خواب میں اعلیٰ حضرت رَحمۃُ اللہِ عَلَیْہ تشریف لائے ، چہرۂ اَنْور پَر جلال.
واضِح تھا ، اعلیٰ حضرت رَحمۃُ اللہِ عَلَیْہ نے فرمایا
*لا ہمارا شجرہ واپس کر دے*
اتنا ہی فرمایا تھا کہ میری آنکھ کھل گئی۔ بَس اسی دِن سے میری طبیعت کسی کام میں نہیں لگتی ، سکول پڑھا کرتا تھا ، وہ بھی چھوڑ دیا ، ہر وقت یہی دِل کرتا ہے کہ بس دھاڑیں مار مار کر روتا رہوں۔
سَیِّد اَیُّوب علی رَحمۃُ اللہِ عَلَیْہ فرماتے ہیں : نوجوان کی باتیں سُن کر ہم نے اسے تسلی دِی اور کہا : آپ گھبرائیں نہیں ، ظہر کے وقت اعلیٰ حضرت ( رَحمۃُ اللہِ عَلَیْہ ) تشریف لائیں گے ، نماز کے بعد عرض کر دیجئے گا کہ میں تجدیدِ بیعت کے لئے حاضِر ہوا ہوں۔ ہماری بات سُن کر اس نوجوان کو کچھ سکون ہو گیا۔ ابھی یہ باتیں ہو ہی رہی تھیں کہ اعلیٰ حضرت ( رَحمۃُ اللہِ عَلَیْہ )
خِلافِ معمول اپنے کمرے سے باہَر تشریف لائے اور اُس نوجوان سے فرمایا : آپ کیسے آئے؟ اعلیٰ حضرت ( رَحمۃُ اللہِ عَلَیْہ ) کے یہ الفاظ سُن کر ہمیں تعجب ہوا ، کیونکہ عادتِ کریمہ یہ تھی کہ جب بھی کوئی آتا تو اس سے پوچھتے : آپ نے کیسے تکلیف فرمائی؟ (یعنی اعلیٰ حضرت رَحمۃُ اللہِ عَلَیْہ کا عادت سے ہٹ کر اُس نوجوان سے یُوں پوچھنا کہ آپ کیسے آئے؟ یہ الفاظ ہی بتا رہے تھے کہ آپ اُس نوجوان سے سخت ناراض ہیں.
خیر! اُس نوجوان پر غم کا غلبہ تھا ، اُس نے اعلیٰ حضرت رَحمۃُ اللہِ عَلَیْہ کے اس سُوال پر رونا شروع کر دیا اور کوئی جواب نہ دے پایا۔ تھوڑی دیر بعد اعلیٰ حضرت رَحمۃُ اللہِ عَلَیْہ نے فرمایا : رونے سے کوئی نتیجہ نہیں ، مطلب کہئے! یہ فرمان سُن کر اُس نوجوان نے سارا واقعہ بیان کیا۔ اعلیٰ حضرت رَحمۃُ اللہِ عَلَیْہ نے اُس کی تمام رُوداد سُن کر فرمایا : میرے پاس کس لئے آئے ہیں؟ وہ نوجوان پھر رونے لگا ، غم کے غلبے کی وجہ سے اُسے اتنی ہمت ہی نہ ہوئی کہ تجدیدِ بیعت کے لئے عرض کر سکتا۔ خیر! اعلیٰ حضرت رَحمۃُ اللہِ عَلَیْہ نے فرمایا : آپ قیام کریں ، مجھے کام کرنا ہے۔ یہ کہہ کر آپ واپس تشریف لے گئے.
سید اَیُّوب علی رَحمۃُ اللہِ عَلَیْہ فرماتے ہیں : ہم نے پھر اس نوجوان کو تسلی دی اور کہا : آپ ڈریں نہیں ، اعلیٰ حضرت رَحمۃُ اللہِ عَلَیْہ نمازِ ظہر کے لئے تشریف لائیں گے ، اس وقت تجدیدِ بیعت کے لئے عرض کر دینا۔ مختصر یہ کہ ظہر کے وقت جب اعلیٰ حضرت رَحمۃُ اللہِ عَلَیْہ تشریف لائے تو نماز کے بعد اُس نوجوان نے ہمت کر کے تجدیدِ بیعت کے لئے عرض کر دیا۔ اعلیٰ حضرت رَحمۃُ اللہِ عَلَیْہ نے فرمایا : جب آپ وہاں بیعت ہو چکے ہیں ، پھر مجھ سے کیوں کہہ رہے ہو ؟ نوجوان نے عرض کیا : حُضُور! مجھ سے قصور ہوا ، لوگوں کے بہکاوےمیں آگیا تھا ، اپنے قصور کی معافی چاہتا ہوں۔ اعلیٰ حضرت رَحمۃُ اللہِ عَلَیْہ نے فرمایا : خوب غور کر لو! سوچ لو! سمجھ لو! مجھے مرید کرنے کا شوق نہیں مگر یہ کہ لوگ صِراطِ مستقیم پر قائِم رہیں (یعنی میں صِرْف اس لئے لوگوں کو مرید کرتا ہوں کہ لوگ سیدھے راستے پر رہیں ، اس کے لئے عِلاوہ مرید کرنے میں مجھے کوئی لالچ نہیں ہے ، مزید فرمایا : ) یہ ٹھیک نہیں کہ آج اِس دروازے پر کھڑے ہیں ، کل اُس دروازے پر۔ یَکْ دَرْ گِیْر مُحْکَم گِیْر (یعنی ایک دروازہ پکڑو! اورمضبوطی سے پکڑو...!)۔ اس پر نوجوان نے ہاتھ جوڑ کر عرض کیا : حُضُور! ایسا ہی ہو گا ، خُدا کے لئے اب میرا قُصُور مُعَاف فرما دیجئے۔ اس پر اعلیٰ حضرت رَحمۃُ اللہِ عَلَیْہ نے اس نوجوان کو دوبارہ بیعت فرمایا اور وہ نوجوان خوش خوش اپنے گھر چلا گیا۔