Jamia Memona r.a Multan

🌹آئیے ایک نہایت سبق آموز اور غور طلب حدیث کا مطالعہ کرتے ہیں۔
پہلے روایت کا خلاصہ ملاحظہ کیجیے: 📖

حضرت سعد بن معاذ رضی اللہ عنہ اور امیہ بن خلف آپس میں پرانے تعلق والے تھے۔ جب حضرت سعدؓ عمرہ کے لیے مکہ آئے تو انہوں نے امیہ سے کہا کہ مجھے کوئی ایسا وقت بتاؤ کہ میں بیت اللہ کا طواف کر سکوں۔ وہ دوپہر کے قریب نکلے تو راستے میں ابو جہل سے ملاقات ہو گئی۔ اس نے سخت لہجے میں اعتراض کیا اور دھمکی دی۔ اس پر حضرت سعدؓ نے بلند آواز میں جواب دیا کہ اگر تم نے مجھے یہاں روکا تو میں تمہارا مدینہ والا راستہ بند کر دوں گا۔ امیہ نے مداخلت کی، مگر حضرت سعدؓ نے صاف کہا: میں نے نبی کریم حضرت محمد صلی اللہ علیہ وسلم سے سنا ہے: "وہ تمہیں قتل کریں گے۔" امیہ نے پوچھا: کیا مکہ میں؟ فرمایا: مجھے معلوم نہیں۔
یہ سن کر امیہ سخت گھبرا گیا، گھر جا کر اپنی بیوی کو بتایا اور فیصلہ کیا کہ اب مکہ سے باہر نہیں نکلے گا۔ لیکن جب غزوہ بدر کا وقت آیا تو اسے بار بار آمادہ کیا گیا، یہاں تک کہ وہ نکل پڑا۔ وہ راستے میں ہر منزل پر اپنے اونٹ کو باندھ کر احتیاط کرتا رہا، مگر آخرکار وہی ہوا—اللہ تعالیٰ نے اسے بدر میں قتل کرا دیا۔
(مفہوم الحدیث، کتاب المغازی، صحیح بخاری)

اب چونکہ احادیث کا بنیادی مقصد یہی ہوتا ہے کہ ہم ان سے اپنے لیے عملی رہنمائی نکالیں، تو اس روایت سے ہمیں چند اہم سبق ملتے ہیں:

📍 پہلا سبق: 🌙
نبی کریم ﷺ کی دی ہوئی خبر یقینی طور پر سچی ہوتی ہے—اور ایسی سچی ہوتی ہے کہ اس میں شک کی گنجائش نہیں رہتی۔ یہاں ایک کافر کو بتایا گیا کہ تم قتل کیے جاؤ گے، مگر اس نے یہ نہیں کہا کہ یہ کیسے ممکن ہے؟ میرے پاس حفاظت ہے، میرے پاس وسائل ہیں۔ اس نے صرف یہ پوچھا کہ کہاں ہوگا؟ یعنی اس کے ہونے میں اسے کوئی شک نہیں تھا۔
تو ہم جو مسلمان ہیں، ہمیں تو اس سے کہیں بڑھ کر نبی ﷺ کی باتوں پر یقین ہونا چاہیے۔ اگر پیارے نبی ﷺ کسی کام کے بارے میں فرما دیں کہ ایسا ہوگا، تو چاہے ہمیں اس کے اسباب نظر آئیں یا نہ آئیں، وہ قریب محسوس ہو یا دور—ہمیں کامل یقین ہونا چاہیے کہ وہ بات ہو کر رہے گی، کیونکہ نبی ﷺ کی خبر کبھی غلط نہیں ہو سکتی۔

📍 دوسرا سبق: ⚖️
برائی کا پہلا قدم ہی نہیں اٹھانا چاہیے۔ انسان بعض اوقات یہ سمجھتا ہے کہ میں پہلے قدم کے بعد اپنے آپ کو بچا لوں گا، کوئی راستہ نکال لوں گا۔ بلکہ انسان اپنے آپ کو چالاک سمجھتا ہے کہ میں برائی کا پہلا قدم اٹھا کر پھر اپنے آپ کو کسی نہ کسی طریقے سے بچا لوں گا۔
لیکن حقیقت یہ ہے کہ جب انسان غلط راستے پر پہلا قدم رکھ دیتا ہے تو پھر اس کا انجام اس کے قابو میں نہیں رہتا۔ امیہ نے بھی اپنے طور پر بچنے کی تدبیر کی، مگر جب وہ ایک بار اس راستے پر نکل پڑا تو بالآخر اس کا انجام تباہی پر جا کر ختم ہوا۔ اگر ہم تباہی سے بچنا چاہتے ہیں تو ہمیں ابتدا ہی سے اپنے آپ کو روکنا ہوگا۔

📍 تیسرا سبق: 📚
اہلِ علم کے لیے یہ روایت خاص طور پر قابلِ غور ہے۔ ہم اپنے آپ کو نبی ﷺ کا وارث کہتے ہیں، مگر ہمیں یہ سوچنا ہوگا کہ کیا نبی ﷺ کی سچائی والی میراث کی کوئی جھلک ہمارے اندر موجود ہے؟ اگر یہ جھلک ہمارے اندر موجود نہیں ہے تو پھر ہمیں اپنے اس دعوے اور اس اعزاز پر سنجیدگی سے غور کرنا چاہیے کہ ہم اس میں کتنے سچے ہیں۔
—

جامعہ ام المؤمنین رضی اللہ تعالیٰ عنہا ملتان میں صحیح بخاری، کتاب المغازی کے سبق سے اقتباس۔

اگر میں آپ سے کہوں کہ میں نے 40 لاکھ روپے کی ایک بہت خوبصورت گاڑی خریدی ہے، لیکن وہ چلتی ہی نہیں… بلکہ سفر کے قابل ہی نہیں ہے — تو آپ کیا کہیں گی؟

آپ فوراً جواب دیں گی:
"اگر گاڑی چلتی ہی نہیں اور سفر کے قابل نہیں ہے، تو پھر اس کا کیا فائدہ؟"

بالکل صحیح۔
گاڑی کا بنیادی مقصد ہی یہ ہوتا ہے کہ وہ ہمیں ایک جگہ سے دوسری جگہ لے جائے اور ہمارے سفر کو آسان بنائے۔ خوبصورتی تو اس کا ایک اضافی فائدہ ہے، اصل مقصد نہیں۔

اب اسی مثال کو اپنے لباس پر لائیں۔

اللہ تعالیٰ قرآن مجید میں فرماتے ہیں:
﴿يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا﴾
(اے بنی آدم! ہم نے تمہارے لیے ایسا لباس اتارا جو تمہاری شرمگاہوں کو ڈھانپتا ہے اور زینت کا باعث بھی ہے)

دیکھیں! اس آیت میں لباس کے دو مقصد واضح کیے گئے:
ایک یہ کہ لباس ہمارے جسم کو ڈھانپے (ستر کی حفاظت کرے)،
اور دوسرا یہ کہ وہ زینت (خوبصورتی) کا باعث بنے۔

سوچنے کی بات یہ ہے:
اگر کوئی مسلمان بیٹی لباس خریدتے وقت صرف خوبصورتی کو دیکھے، اور یہ نہ دیکھے کہ آیا یہ میرے جسم کو صحیح طرح ڈھانپ بھی رہا ہے یا نہیں — تو کیا یہ سمجھداری ہے؟

بالکل نہیں۔

یہ بالکل ایسے ہی ہے جیسے کوئی شخص صرف خوبصورتی دیکھ کر ایسی گاڑی خرید لے جو چلنے اور سفر کے قابل ہی نہ ہو۔

یاد رکھیں!
لباس کا پہلا اور سب سے اہم مقصد "پردہ" ہے، خوبصورتی اس کے بعد آتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامعہ ام المؤمنین میمونہ رضی اللہ عنھا ملتان میں دوران اسمبلی معلمات کی طالبات سے گفتگو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Buy top-quality AirPods for only 1500 at Bin Mumtaz: https://wa.me/p/33933050243009505/923114263317

*آئیے اللہ کا قرآن سمجھیں اور باعمل زندگی کا آغاز کریں*

جامعہ ام المؤمنین میمونہ رضی اللہ عنہا میں بچیوں کے لیے مکمل قرآن کے ترجمہ و تفسیر کا آغاز کیا جارہا ہے۔

*کورس کی خصوصیات*
1) دراسات دینیہ کا مکمل کورس
2)عربی گرائمر (صرف نحو) کی جدید انداز سے تشریح
3) معارف الحدیث کے تحت عملی پہلوؤں کی نشاندہی
4) طالبات کی سہولت کی خاطر سکول ٹائم کے بعد کلاسز کا اجراء

مزید معلومات اور داخلہ کے لیے 03007312245
03085466779

کلاسز کی مزید تفصیلات کے لیے جامعہ کا کمیونٹی گروپ جوائن کریں

https://chat.whatsapp.com/FcpjuixVHJ95AGt33bGjV8

(کمیونٹی گروپ ہونے کی وجہ سے آپکا نمبر کسی کو شو نہیں ہوگا)

📤Please Share

⭕آئیے دین کے ساتھ جڑ کر ایک بامقصد زندگی کی بنیاد رکھیں!!
جامعہ ام المؤمنین میمونہ رضی اللہ عنہا میں اقامتی و غیر اقامتی داخلوں کا آغاز 10 شوال المکرم سے ہورہا ہے۔ خواہشمند طالبات رابطہ کریں۔
03007312245
03085466779

‏میں جان نہیں پاتا اس کیفیت کو...!!
کہ مکہ مِرے دل میں ،یا دل مِرا مکہ میں...!!💖
‎

🌹بعض اوقات جنہیں ہم حقارت سے دیکھتے ہیں، فرشتے انہیں رشک سے دیکھتے ہیں.