21/09/2026
#گرلزسکلزفاؤنڈیشن کی ایک اور رات…
یہ میرے لیے پہلی رات نہیں ہے۔
اکثر ایسا ہوتا ہے کہ اچانک نائٹ گارڈ غیر حاضر ہو جاتا ہے۔ ایسی صورت میں فوری طور پر متبادل انتظام کرنا پڑتا ہے، لیکن چونکہ نئے شخص پر فوراً مکمل اعتماد نہیں کیا جا سکتا، اس لیے ہم میں سے کسی ایک کو وہاں ٹھہر کر خود نگرانی کرنا پڑتی ہے۔
اس وقت بھی دو گارڈز ڈیوٹی پر موجود ہیں، مگر وہ نئے ہیں۔ جب تک اعتماد اور اطمینان کی کیفیت پیدا نہ ہو، فاؤنڈیشن کی ذمہ داری مکمل طور پر ان کے حوالے کرنا مناسب نہیں لگتا۔
تعمیراتی سامان کس قدر محنت سے جمع ہوتا ہے۔ ایک ایک چیز کوشش، وسائل اور دعاؤں سے یہاں پہنچتی ہے۔ اسے رات کے وقت یوں بے یار و مددگار نہیں چھوڑا جا سکتا۔ یہ صرف سامان نہیں، امانت ہے۔
بابا جان کی طبیعت ناساز تھی، انہیں قائل کرنا پڑا:
بابا! ایک تو میں بیٹے کے ساتھ جا رہی ہوں، دوسرا آپ جانتے ہیں کہ میں راتیں ویسے بھی سوتے، جاگتے اور کبھی پڑھتے گزارتی ہوں۔ خود بتائیں جب یہی رات گرلزسکلزفاؤنڈیشن میں مطالعے میں گزرے گی تو کیفیت ہی اور ہوگی… رب کی قربت محسوس ہوتی ہے۔
صرف آج پلیز اللہ کیلئے۔۔ ان شاء اللہ
بالآخر بابا۔۔ بولے استودع اللہ
اور ہم پہنچ گئے۔۔
اب ہمیں مستقل طور پر
دو قوی، امین، ذمہ دار اور قابلِ اعتماد نائٹ گارڈز کی ضرورت ہے جو اس امانت کی حفاظت پوری ذمہ داری سے سنبھال سکیں۔
یہ صرف ایک عمارت نہیں، ایک امانت کی حفاظت ہے۔
جس کے لیے راتیں بھی جاگنی پڑتی ہیں۔
