24/08/2026
ارتقاء ماڈل اسکول میں موسم گرما کی تعطیلات کے بعد تعلیمی سلسلے کا آغاز ہوا ہے ۔
ادارہ ہذا میں محنت کشوں اور مزدوروں کے بچے تعلیم کے زیور سے آراستہ ہوتے ہیں ۔ ارتقاء ٹیم والدین کی منت سماجت کرتی ہے کہ بچوں کو مزدوری پر نہ لگائیں بلکہ انہیں اسکول بھیجیں۔ بہت مشکل سے وہ بچوں کو اسکول پڑھنے کے لیے بھیجنے پر آمادہ ہوتے ہیں ۔ ان کی ضرورت اسی طرح پوری ہوتی ہے کہ گھر کے سب افراد مل کر کمائیں۔ افسوس تو یہ ہے کہ اس سب کے باوجود ان کی غربت کم نہیں ہوتی۔ کیوں کہ یہاں اجرت صحیح ادا نہیں کی جاتی۔
اس وقت ارتقاء اسکول میں ایک سو چالیس طلبہ زیر تعلیم ہیں ۔ بچوں کی کمیونیکیشن سکل پر خصوصی توجہ دی جاتی ہے ۔ کلاس تھری سے طلبہ کو کمپیوٹر سکل سکھائی جاتی ہے ۔ بارہ کمپیوٹرز کی ایک لیب ہے۔
کلاس فور سے طالبات کو ٹیلرنگ کی سکل سکھانے کا خصوصی اہتمام ہے۔ دس سلائی مشینیں فراہم کی گئی ہیں۔ تاکہ طلبہ تعلیم کے ساتھ کوئی ہنر سیکھ کر آگے بڑھ سکیں۔
