Qari Majid official

18/01/2023

باطل کے اقتدار(معاشرہ) میں تقوی کی آرزو۔
زیر نظر تصویر یہ کسی مداری کی ہے جو اپنے فن سے کرتب دکھا رھا ہے ۔ المیہ یہ ہے کے 34 ملین لوگ اس کو دیکھ چکے ہیں۔ اس سے معاشرہ کا طرز حیات ، خواہشات کا بخوبی اندازہ لگایا جا سکتا ہے اگر موازنہ کیا جاے علم ،قران و سنہ کی بات ہو تو ہم پہلے دیکھتے ہیں کہنے والا سنی ہے وہابی ہے شیعہ ہے ۔۔ پھر انداز تکلم پھر بھی جس کو جو درپیش مسئلہ ہو وہی سنتا ہے ۔اللہ پاک ہماری ترجیحات ،خواہشات، کی حفاظت فرماے،

14/01/2023

08/01/2023

یہ لوہے کا ٹکیاہے۔ قیمت تقریباً 100 ڈالر ہے۔

اگر آپ ہارس شوز بنانے کا فیصلہ کرتے ہیں تو اس کی قیمت $250 تک بڑھ جائے گی۔

اگر، اس کے بجائے، آپ نے سلائی کی سوئیاں بنانے کا فیصلہ کیا، تو قیمت تقریباً $70,000 تک بڑھ جائے گی۔

اگر آپ گھڑی کی گراریاں تیار کرنے کا فیصلہ کرتے ہیں، تو قیمت تقریباً 6 ملین ڈالر تک بڑھ جائے گی۔

آپ کی قدر صرف یہ نہیں ہے کہ آپ کس چیز سے بنے ہیں، بلکہ سب سے بڑھ کر یہ ہے کہ آپ کن طریقوں سے آپ کو بہترین بنا سکتے ہیں!

Credit Dr. Serhan Ili

03/01/2023

مقصد کا غم، نیو ائیر ریزولوشن اور تجدیدِ مقصد

عبدالعمار منعم

یوں تو مقصد کی تعریف کئی طرح سے کی گئی ہے مگر صاحب الفتح الربانی مقصد کی تعریف کرتے ہوئے فرماتے ہیں تیرا مقصد وہ ہے جو تجھے غم میں رکھے۔ مسلہ حل ہوگیا اگر آپ کا مقصد آپ کو کو غمگین نہیں رکھتا تو پھر سمجھیں مقصد کی تجدید کا وقت آگیا یے۔ سال نو کی آمد آمد ہے، دنیا بھر میں بہت سے لوگ نیو ائیر ریزولوشن کے نام سے آئندہ سال کے لئے اپنے مقاصد اور عزائم لکھیں گے۔ یہ وقت ہے جب سابقہ ایام سے سبق لیتے ہوئے سال نو کے لئے عزم کیا جائے اور اپنے مقاصد کو از سر نو ترتیب دیا جائے۔ صاحب الفتح الربانی مزید فرماتے ہیں کہ جب تیرے دل کو کوئی خاص مقصد مغموم رکھے تو تیرا چہرہ مسکراہٹ والا ہو۔ یعنی مقصد کا سوز تو ہو، دل جل رہا ہو اور غم کے ہتھوڑے چل رہے ہوں مگر چہرہ غم کی داستاں نہ سنا رہا ہو۔ یہ بڑے ضبط کی بات ہے۔ یہ بڑے نصیب کا مقام ہے۔ آپ کسی مقصد کا غم اٹھائے ہوئے ہوں اور دنیا کے سامنے مسکراہٹ سجائے اس غم کا اظہار بھی نہ ہو تو پھر آپ کو روشنی دستیاب ہونا شروع ہوجاتی ہے۔ پھر ایسے مقاصد رکھنے والے انسان کی خاموشیوں کو گویائی ملنا یقینی ہو جایا کرتا ہے۔ الہام سے اس کو قدم بہ قدم رہنمائی دستیاب ہونا شروع ہوجاتی ہے۔غم بھی ہو اور عظیم مقاصد کا بوجھ بھی ہو مگر واویلا نہ ہو تو سمجھیں آپ کے غم نے آپ کو سرفراز کر دیا ہے۔ خالق کا شکوہ مخلوق کے سامنے نہ ہو بلکہ جس نے غم سے روشناس کروایا اسی کے سامنے فریاد ہو تو یقین رکھیں کہ یہ الم و غم، سوز و ساز اور راز و نیاز ایک دن ضرور کامرانی کی طرف لے جائے گا۔ آج تک جتنے بڑے ہو گزرے ہیں کسی نہ کسی بڑے مقصد کے غم زیر اثر اور غم پہ ضبط کرنے والے ہی ہوئے ہیں۔ کیفیت سے حال اور حال سے مقام تک کا سارا سفر غم کی داستان ہے۔ ہجر کا دکھ جب تک ملامت کے چابک کے ساتھ دل و روح پر کاری ضرب نہ لگائے تو وصل نصیب نہیں ہوسکتا۔ مگر ضبط والے کو وصال نہ ہو تو بھی یہ سفر منزل ہی لکھا جائے گا کیونکہ منزل کی طرف اٹھنے والا ہر قدم نشان منزل بلکہ عین منزل ہے۔ کبھی قافلہ منزل پہ نہ پہنچنے کا غم درد دل رکھنے والے راہی کو مغموم رکھتا ہے تو کبھی قافلہ بکھر جانے کا غم اور کبھی قافلہ سے پیچھے رہ جانے کا غم
قافلہ چل کے منزل پہ پہنچا
ٹھہرو ٹھہرو میں ہم رہ گئے ہیں
بڑے سعید ہیں وہ مسافر جن کو قافلے کے غم سے سرفراز کردیا گیا ہو یعنی اجتماعیت کا غم۔ ورنہ کئی قافلے سربراہوں کی انفرادیت کی نذر ہوکر بکھر جاتے ہیں ایسے میں اس قافلے کا راہی مغموم نہ ہو تو کیا کرے؟ اگر راہی سچ پاس رکھتا ہو اور سفر جاری رکھے تو امید کی جاسکتی ہے کہ کبھی نہ کبھی قافلہ بھی راہی کی آواز پر لبیک کہے گا۔ شرط یہ ہے کہ راہی کا رکنا اخلاص اور صدق پر مبنی ہو۔ چنانچہ آئیے اپنے اپنے مقاصد کی تجدید کرتے ہیں۔ ایسے مقاصد جو مخلوق کو آسانیاں دینے کا درد رکھتے ہوں، کسی غریب کا چولہا جلائے رکھنے کا غم رکھتے ہوں، کسی مایوس کو امید دینے کا سوز لئے ہوئے ہوں اور جو کسی قافلے کی از سر نو منزل کی طرف گامزن ہونے کی خیر خواہی رکھتے ہوں۔ اگر ہم ہر آنے والے دن اپنے مقصد کا جائزہ نہیں لیں گے تو اس سال کی صبحیں، دن، شامیں اور راتیں سابقہ برسوں کی طرح ہی گزر جائیں گی۔ آخر پہ حاصل وصول وقت کے ضیاع، پچھتاوے اور اداسی کے سوا کیا رہ جائے گا؟ اللہ ہمیں خیر اور غم والے مقاصد کا شعور عطا فرما کر اس کی طرف سفر کرنے کی توفیق عطا فرمائے، ان مقاصد پر فرد سے افراد اور قوم سے اقوام میں ڈھلنے کی توفیق دے اور انفرادیت کی بجائے اجتماعیت کا سوچنے والا دل نصیب فرمائے آمین بجاہ سید المرسلین صلی اللہ علیہ وآلہ واصحابہ وبارک وسلم
Copy paste