Govt.Schools Of AJK

حکومتی کفایت شعاری اور ایندھن کی بچت کے اقدامات کے پیش نظر، محکمہ ایلیمنٹری اینڈ سیکنڈری ایجوکیشن آزاد کشمیر کے تحت تمام سرکاری و نجی تعلیمی اداروں میں ہفتے میں 5 دن (پیر تا جمعہ) تدریسی سرگرمیاں جاری رکھنے کا فیصلہ کیا گیا ہے۔
یہ اقدام وسائل کے مؤثر استعمال اور تعلیمی نظام کو بہتر انداز میں چلانے کے لیے کیا گیا ہے۔
اطلاق فوری طور پر ہوگا
🏫 تمام سرکاری و نجی تعلیمی اداروں پر لاگو ہو گا۔

*محکمہ تعلیم آزاد کشمیر نے جملہ تعلیمی ادارہ جات میں 16 تا 31 مارچ تک تعطیلات کا نوٹیفکیشن جاری کردیا*

محکمہ تعلیم آزاد کشمیر کا اہم فیصلہ
اس بار گرمائی تعلیمی ادارہ جات میں نیا سال یکم اپریل سے شروع ہو گا جبکہ سرمائی تعلیمی ادارہ جات میں 27 فروری سے ہی شروع ہوگا۔

آزاد کشمیر میں سال 2026 کی سرکاری تعطیلات کا کیلنڈر جاری۔

موسمی شدت کے باعث ضلع سدھنوتی کے جملہ سرکاری / پرائیوٹ سکول کل مورخہ 27 جنوری 2026 ءبروز منگل بند رہیں گے۔

محکمہ تعلیم سکولز آزاد کشمیر کا احسن اقدام
موسمی شدت اور موجودہ سرد موسم کے پیشِ نظر محکمہ تعلیم سکولز آزاد حکومت ریاست جموں و کشمیر نے طلبہ، اساتذہ اور تعلیمی عملے کے تحفظ اور سہولت کو مدِنظر رکھتے ہوئے سکولوں کے اوقاتِ کار میں تبدیلی کا فیصلہ کیا ہے۔
محکمہ تعلیم کی جانب سے جاری کردہ نوٹیفکیشن کے مطابق نئے اوقاتِ کار کا اطلاق فوری طور پر ہوگا، تاکہ شدید سردی کے باعث طلبہ کو درپیش مشکلات میں کمی لائی جا سکے۔ اس اقدام کو والدین، اساتذہ اور عوامی حلقوں کی جانب سے انتہائی مثبت اور بروقت فیصلہ قرار دیا جا رہا ہے۔
محکمہ تعلیم کا یہ قدم اس امر کا مظہر ہے کہ حکومت آزاد کشمیر تعلیمی تسلسل کے ساتھ ساتھ طلبہ کی صحت اور سلامتی کو بھی اولین ترجیح دے رہی ہے۔ عوامی حلقوں نے اس احسن فیصلے پر محکمہ تعلیم سکولز کو خراجِ تحسین پیش کیا ہے.

محکمہ تعلیم سکولز آزاد کشمیر کا قابلِ تحسین اقدام

سردی کی شدت میں غیر معمولی اضافے کے پیش نظر محکمہ تعلیم سکولز نے طلبہ و طالبات کے مفاد میں ایک قابلِ تحسین فیصلہ کرتے ہوئے دستورالعمل کے تحت طے شدہ اسکول یونیفارم میں 28 فروری 2026 تک نرمی کی اجازت دے دی ہے۔
اس فیصلے کے تحت طلبہ و طالبات کو موسمِ سرما کے تقاضوں کے مطابق مناسب اور گرم لباس پہننے کی اجازت ہوگی، جس میں کسی بھی قسم کی جرسی، بلیزر، سویٹر، کوٹ، جیکٹ، کیپ، جرابیں اور گرم جوتے شامل ہیں، تاکہ بچوں کو شدید سردی کے مضر اثرات سے محفوظ رکھا جا سکے۔
محکمہ تعلیم سکولز کے اس اقدام کو والدین، اساتذہ اور عوامی حلقوں کی جانب سے سراہا جا رہا ہے، جو کہ طلبہ کی صحت اور فلاح و بہبود کے لیے ایک ذمہ دارانہ اور انسان دوست قدم ہے۔

https://whatsapp.com/channel/0029VaCtgWK1SWt8S951iS0y

احباب مطلع رہیں۔
ہائر ایجوکیشن ڈیپارٹمنٹ کے زیر اہتمام کل بروز منگل تمام کالجز بند رہیں گے۔۔۔

حکومت آزاد کشمیر نےخراب موسمی صورتحال کے پیش نظر محکمہ تعلیم سکولز کے جملہ سرکاری و نجی تعلیمی ادارہ جات مورخہ 19 اگست تا 23 اگست 2025 بند رکھنے کا حکم نامہ
جاری کر دیا۔