20/09/2026
🌹 الوداعي تقريب 🌹
اڄ اسان جي معزز اداري گورنمينٽ بوائز پرائمري اسڪول ڪرڙ راڄڙ، تعلقه حسين بخش مري، ضلعو ميرپورخاص ۾ اسان جي سينيئر، قابلِ احترام ۽ محنتي استاد محترم جناب سائين امام بخش شاهه صاحب جي رٽائرمينٽ جي موقعي تي هڪ پروقار ۽ يادگار الوداعي تقريب ۽ پارٽي جو اهتمام ڪيو ويو.
محترم سائين امام بخش شاهه صاحب پنهنجي پيغمبري پيشي جو سفر 1992ع ۾ شروع ڪيو ۽ لڳ ڀڳ 34 سالن تائين علم، تعليم ۽ تربيت جي مقدس فرض سان وابسته رهي، سال 2026ع ۾ پنهنجي شاندار سرڪاري خدمتن تان رٽائرمينٽ حاصل ڪئي.
سائين جن پنهنجي زندگيءَ جا قيمتي سال علم جي خدمت لاءِ وقف ڪيا ۽ ڪيترن ئي نسلن جي تعليم ۽ تربيت ڪئي. پنهنجي محبت، شفقت، محنت ۽ رهنمائيءَ سان ڪيترن ئي ننڍڙن ذهنن ۾ علم جي روشني پيدا ڪئي. سندن خدمتون، محبتون ۽ ساٿ هميشه ياد رهندو.
منهنجي لاءِ هي موقعو وڌيڪ جذباتي ۽ يادگار آهي، ڇو ته سائين امام بخش شاهه صاحب منهنجا استاد پڻ رهيا آهن ۽ بعد ۾ ساڳئي اسڪول ۾ منهنجا سينيئر ۽ رهنما پڻ رهيا. جڏهن مون هن اسڪول ۾ استاد جي حيثيت سان شموليت اختيار ڪئي ته سائين جن پنهنجي تجربي مان مون کي اسڪول جي انتظامي ۽ سرڪاري ڪمن بابت گهڻو ڪجهه سيکاريو ۽ هميشه منهنجي رهنمائي فرمائي.
اها منهنجي لاءِ وڏي عزت ۽ فخر جي ڳالهه آهي ته سائين امام بخش شاهه صاحب جي رٽائرمينٽ کان پوءِ مون کي سندن جاءِ تي هن ئي اسڪول جو هيڊ ماستر ٿي خدمت ڪرڻ جو موقعو مليو. سندن ڇڏيل ذميواري کي اڳتي وڌائڻ منهنجي لاءِ اعزاز سان گڏ هڪ وڏي ذميواري پڻ آهي.
هن اسڪول سان سائين امام بخش شاهه صاحب جو تعلق صرف استاد تائين محدود نه رهيو، پر سندن ڪيترائي شاگرد اڳتي هلي تعليم جي شعبي سان وابسته ٿيا. اسان جا محترم استاد علي احمد ڪوري صاحب پڻ سائين امام بخش شاهه صاحب جا شاگرد رهيا آهن ۽ بعد ۾ ساڳئي اسڪول ۾ استاد طور پنهنجون خدمتون سرانجام ڏيڻ جو اعزاز حاصل ڪيائون. اهو استاد ۽ شاگرد جي خوبصورت رشتي جو هڪ بهترين مثال آهي. 🌹
اسان سڀني جي طرفان محترم سائين امام بخش شاهه صاحب کي رٽائرمينٽ تي دل جي گهراين سان مبارڪباد پيش ڪريون ٿا.
دعا آهي ته الله پاڪ کين صحت، خوشحالي، سڪون، عزت، خوشيون ۽ ڊگهي عمر عطا فرمائي ۽ سندن ايندڙ زندگي خوشين سان ڀري ڇڏي. آمين. 🤲🌹
معزز اسٽاف صاحبان:
👨🏫 محمد ابراهيم پنھور صاحب
👨🏫 طاھر علي شيخ صاحب
👨🏫 ريحان احمد صاحب
👨🏫 علي احمد ڪوري صاحب
👨💼 فيض محمد بلوچ صاحب
👨💼 شهباز قريشي صاحب
🌹 هيڊ ماستر 🌹
مڪيش ڪمار راٺوڙ
گورنمينٽ بوائز پرائمري اسڪول ڪرڙ راڄڙ
تعلقہ حسين بخش مري، ضلعو ميرپورخاص
