Bright Future Tuition Academy

#schoolleadersupperchitral #schoolleadersmulkhow #schoolleaderschitral

Registration open
Opportunity for matric students after their final exams👍👍👍👍
Contact us thanks

غلاموس میتار

نیویشاک: حفیظ اللہ امین

شیر ولی اوچے رحمت لال جو کھاڑ یار برابر، پروشٹی زمانا پرائیویٹ سکول نو بیکن ای ہیت کھاڑ ای جماعتی, کوریکو کی رحمت لال جائداد وینی وا شیر ولی غریب، پرایئویٹ سکول ہتے دَورا بیروا لال خواہ مخواہ ہتیرا بوغیسیر وا شیر ولی گورنمنٹ سکولا بوغیسیر۔

ای سکول بیکو وجہین وا دُور ایغو نسہ بیکو وجہین څیقی گنی سکولوت ای بیتی گیک اوچے بیک ہیتان معمول وا ہیت سخت دوستان نو کیہ ایغو بُکو ژان۔شیرولی رحمت لالو ہانی خوش کی ہیس کیاوت شیر ولیوت ہیہ احساسو نو دیتی اسور کی شیر ولی ہو خاندانی نوکرو ژاؤ رے،
اکثر رحمت لالوت ہتو قومو ملگیری طنز کوری غلاموس لال رینی، لال ہے لوان کاری نو لاکی شیر ولیو سُم تان نشتو څیق دی زیاد کوئے، ہیتان دوستی درست علاقا مشہور،

ای انوس تان رپالان گنی سوسوروکانوت بوغاوا پونا کومورو نو لہ جملہ گلستان یی نیسیتائے، ہیتان پوشی ادائے نازا ہوسی ہیتان نسین بیکو سُم شیر ولی ہردیو دوسی رہا نیشی حال ہوئے، شیر ولیو بچین ہے کومورو نوژان اوشوئے مگر لالو دودیریو رشتہ دار بیکن لال ہو ہوݰ کوراؤ اوشوئے،
شیرولی احی روپھی ہے کومورو اچتو بیکو بچین قیہار اریر لال اوّل اوّلہ نرمیو سورا ہتو منع کوریکو شیر ولی اے برار اوبریتام تان رے ضد اریر۔ ہے موژی لالو دیش قہر گیتی شیر ولیوت بُکتو گیرو ہر لوو کھیو کی عام معاشرا استعمال کوراؤ اوشوئے سفان تو سورا ڈاخئیتائے، لال نرم طریقا مہ رشتہ دار رے دی شیر ولیو منع کوریکو بیسیر مگر کیہ چال لالو کیہ غوٹی اونگی کیہ نو ریکو بݰان شیر ولیوت ریتائے۔ شیر ولی لالو څیقیو یار ہتو غیچھو ہارینہ لالو نقشہ یکدم پروݯھوک بیتی بغائے، بس ہیرا ایغو پرانی نو فروخان کوٹور کوری لال کافی نست وا شیر ولی تان جسدو دراݰکئے اچی دُورو ویݰکی بینیان، پونہ خان بابو دور، خان بابوو بو جامیان موژی لوٹ جامی ہیہ کی ہسے لوو وا ہر کورمو مثبت اندازا لاڑیر، شیر ولیوچے لالو کوسیکو راہا خان بابو دور بیکین کورا اݰکار کی ارینی یا ہفتہ ای یا جو دفعہ خان بابو پوشاؤ خواہ مخواہ بینی، خان بابا حکیم زادہ بیکو سُم جوستہ مثبت سوچ والا انسان ہے وجہین پورا دیہہ شیر ولیو چے لالو دوستیو قدرو غیچھین لوڑاؤ اوشوئے وا ہے کھاڑان سُم خصوصی محبت کوراؤ اوشوئے۔ ہے قہرو موژی اچی گیاوا خان بابا تان کھولہ نیشیرو بیرائے، دودیرییہ تان لالو چے شیر ولیو اچی گیکو اندازو پوشی حالتو نزاکتو ہوݰ کوری راہو نیسی ہیتانتے وال ہوئے۔ نست لال فرخو ڑور کوری تیز تیز ݯھوناؤ یی نیسیتائے، خان بابو پوشی دودیریا ہوسی گیتی ہوستہ ویچھاک لال خان بابو سُم رسمی علیک سلیک کوری نسین نیسیم ریکو خان بابا ہتو ہوستو دوسی تان نسہ روپھیکو موژی شیر ولی شدغاؤ شدغاؤ لش لش ݯھوناؤ پیدا ہوئے، خان بابا جہان دیدہ یکدم ہے جو ݰیلی دوستانان زور با زوریہ التی تان دُوری غیرئے چایو اڈرو دیتی ہیتان ایوالیو تان ای گوݯو وا ایوالیو تان ای گوݯو نیشئے تھے بشار کوریکو سُم لال لوان شروع کوری تان ریتائے، بابا اوا څیقی گنی ہیہ غلاموس بد ذاتو تان برارو غون جوݰی استام ہنون ہیہ تان بدذاتیو پورا اریر، ہمو روئے جوݰیکو لوٹ ہمت کوری ہے مہ میکی کوݯھیکی لالو ژوروت غلط خیال اریر، مہ میک گینی راؤ اوشونی بدذات تان بدذاتیو کوئے رے، ہیس ہنون تان مہ موخی ہائے( کوݯھیکی لالو دُور کافی دودیری اوشوئے وا لالو دی قومیتار غیر کیہ خاص رشتہ دار نو اوشوئے)۔ لال تان لوان دیتی پھیک بیکو سُم خان بابا شیر ولیو ویݰکی غیریکو شیر ولی شوتان لی اوائے وا ریتائے کی اوا نہ کوݯھیکی لالو ژانیم ہتو ژورو کیہ ژانیمان، نہ ہتیتان کورا دُورا گیکو پوشی اسوم رے څروخ کوری کیڑی ریر کی متے پتہ مہ خاندان لالو خاندانوت خذمت کوری اسور وا لالو خاندانو اسپہ سورا دی بو لوٹ احسان شیر۔ اوا تان اوقاتو کیاوت دی نو روخڅی اسوم مگر لال ہنون مت بے خاندان غلاموس ریتائے رے ژیرو ژیرو کیڑیکہ دیکو خان بابا پھیک تیز پھیک رے شیر ولیو پھیکئے مہ پروشٹہ گیتی نیشور ریکو کھاڑ روپھی خان بابو پروشٹہ گیتی نیشیکو تھے بابا لوان شروع کوری ریر کی عورت سے کا کی اوشوئے غریب ہویا کی امیر عزت سفو ای برابر، کوس دی ژورو، اسپڅارو یا بوکو بارا شوم لو نو دونی رے لالو مخاطب کوری ریر کی ہیہ دیہہ روئے بو اسونی مہ پِسہ سُم محبتو وجہ پِسہ نسلی تعصبو لعنتار پاک رے اوشوئے، رے تان کوٹھوان ݯت اچی ݱینگئے لالو مخاطب کوری مہ نویس کا کوستے کی خذمت کوری تانتے رزق پیدا کوراؤ اوشوئے ہتوت طعنہ کیچہ دونی؟ ہیں مہ نویس انگریز تان وفادار خذمتگاروتے میتار نام لکھی عزت پرائے، میتار تان خذمتگارانتے حاکم، ݯارویلو، میرشکار وا اتالیع نام لکھی عزت پرائے۔ معاشرو سفان سار کمزور طبقہ لالو، ݯار ویلوت، حاکم وغیروت خذمت کوریکو ہتوت بے خاندان، بدذات، غلاموس کیچہ راک بیراؤ؟ میتار لیو رشتار علاوہ ݯھیرو رشتہ ساؤزئے حاکمی دیتی عزت دیتی اسور، مہ باپیو ݯھیر برار شرانہ گیتی لوٹ کانو دیتی الوئے، مہ باپی ہتوت اُف نیزیکو نو بوئے، ہیں مہ نویس اگر کی خذمت کوریکو سورا خناذت، بدزات یا غلاموس کی بین باک بیرائے تھے سفان سار لوٹ غلاموس میتار، اچی لوٹ رایت لال، حاکم وا ݯار ویلو، اگر کی نو تھے ہِش کا دی کم ذات نو ریکو لالوچے شیر ولیو اپاک ہورین بیتی خان بابو موختو لوڑی ہیر بیتی حال ہونی، کو ریکو کی ہیہ لوو کیاوت دی معاشرا دیکو نو پوشی استانی ریکو بابا تان لوو جاری بیہچئے ریر کی فلان ڈاکٹرو ژانیمی نا ریکو دی ریتانی ریکو بابا ریر کی ہتو برار گینیان دی ژانیمیہ؟ ریکو کھاڑ ای بیتی سورو اشارا نو ریکو تھے بابا ریتائے کی ہتے ڈاکٹرو پِسہ تان نو درست علاقہ ژانیران وا ہتو شک برارگینیان ہِش کا نو ژانینی۔ ہیں مہ شیرینان میتارو زمانا دی اوچوتو رویاں میتار التی تان دربارا عزت، مرتبہ دیاؤتائے وا کھراناݰ، پیڅھونو بندو ہتو صلاحیتو مطابقہ کوروم دیاؤتائے۔ ہے سلسلا ہیہ دَورا دی شیر، شاپیران دیہو اے سی صاحبو دُوری کوروم غارو ژانیمیا؟ ریکو کھاڑ ای بیتی نو ریکو ریر کی ہسے ہتو میکو ژاؤو برار ای برار تعلیم حاصل کوری سرکاروت خذمت کوری عزت مند ہویا وا ای برار نالائق نیسی تان براروت خذمت کوری بدذات ہویا؟ ہیں مہ شیرینان معاشرا ہر کوس صلاحیتان مطابقہ کوس لوٹ کوروم بوئے وا کوس څیق، مگر ہر کوس کوروم معاشرو زندہ بہچئیکو بچین ای قسمہ ضروری شیر، خذمتو نوعیتو سورا کا عزت مند کا بدذات نو بوئے، اسپہ ای ݯھتراری کی عزت مند سف عزت مند، کی بدذات سف ای بیتی بدذات، ہمی لوان دیتی خان بابا نسی نیزیکو خان بابو نسہ گیاؤ شیر ولی زریو زریو کیڑاؤ اوشوئے، لوان کار کوریکار اچی لال زارو زار کیڑیکہ پرائے۔۔۔۔۔۔۔۔

پیشکش: مئیر ݯھترار

السلام علیکم
Share plx🙏
4،5 مہینے قبل (سکول لیڈرز)کے پوسٹوں کیلۓ جو ٹیسٹ کنڈکٹ ہوئے تھے ان کا فائنل لسٹ 2 months پہلے لگایا گیا تھا لیکن appointment ابھی تک نہیں ہوئی ہیں ۔ جبکہ باقی تمام پوسٹوں( PST ، CT ) etc کے orders بہت پہلے ہی ہو چکے ہیں ۔
دو مہینے قبل ہی تقریباً 25 august تک ڈائریکٹر کی جانب سے appointment process مکمل کرنے کی ہدایت جاری کی گئی تھی جس کی وجہ سے ہزاروں candidates
نے پرائیویٹ سیکٹر چھوڑ دیا اور ارڈر کا انتظار کر رہے ہیں اور اج وہ jobless ہیں ۔۔۔
ہماری پی ٹی ائی حکومت, director education اور سیکیٹری edu سے اپیل ہے کہ جلد از جلد سکول لیڈرز کے orders جاری کرکے ہزاروں نوجوانوں کو ذہنی اذیت سے چھٹکارا دلائے۔۔۔
شکریہ