گورنمنٹ ہائی سکول ھاتھی خان والا ضلع میانوالی

نہایت اہم اور فوری نوٹس برائے والدینِ محترم
آگاہ کیا جاتا ہے کہ سردیوں کی تعطیلات کے بعد اسکول باقاعدہ طور پر کھل چکا ہے اور
سالانہ امتحانات بالکل سر پر ہیں۔
اس کے باوجود بچوں کی غیر حاضری نہایت تشویشناک ہے۔
واضح طور پر مطلع کیا جاتا ہے کہ جو طلبہ اب بھی باقاعدگی سے اسکول حاضر نہیں ہوں گے،
وہ نصاب کی تکمیل، دہرائی (Revision) اور امتحانی تیاری میں شدید نقصان اٹھائیں گے،
جس کی مکمل ذمہ داری والدین پر عائد ہوگی۔
والدین سے سختی کے ساتھ ہدایت کی جاتی ہے کہ
اپنے بچوں کو روزانہ اور وقت پر لازمی اسکول بھیجیں۔
آئندہ غیر حاضری کی صورت میں اسکول کسی بھی تعلیمی نقصان کا ذمہ دار نہیں ہوگا۔
یہ آخری اطلاع سمجھی جائے۔
منجانب: سکول انتظامیہ

ڈی ای او سیکنڈری سر خالد خان صاحب کا گورنمنٹ ہائی سکول ہاتھی خان والا کا دورہ

آج ڈی ای او سیکنڈری سر محمد خالد خان صاحب نے گورنمنٹ ہائی سکول ہاتھی خان والا کا دورہ کیا، جہاں انہوں نے سکول میں نئے تعمیر ہونے والے 2 کلاس رومز کا معائنہ کیا۔ اس موقع پر ہیڈ ماسٹر سر غلام عباس صاحب، ای ایس ٹی سر خضر حیات خان صاحب اور ضیا اللہ خان (کلرک) بھی موجود تھے۔

سر محمد خالد خان نیازی صاحب نے نئے رومز کی تعمیر کے کام کا جائزہ لیا اور اس بات پر اطمینان کا اظہار کیا کہ کام اچھی طرح سے جاری ہے۔ انہوں نے سکول کے دیگر امور پر بھی روشنی ڈالی اور ضروری ہدایات جاری کیں۔

سکول کی بہتری کے لیے ڈی ای او سر خالد خان نیازی صاحب کا یہ دورہ انتہائی اہم رہا۔ امید ہے کہ نئے رومز مکمل ہونے سے طلباء کو بہتر تعلیمی سہولیات میسر آئیں گی۔






"

دسمبر کے ٹیسٹ شروع ہو چکے ہیں۔
یہ وہ وقت ہے جب محنت، توجہ اور نظم و ضبط آپ کے بہترین ساتھی بنتے ہیں۔ یاد رکھیں! ٹیسٹ صرف نمبر لینے کا نام نہیں، بلکہ اپنے آپ کو بہتر ثابت کرنے کا موقع ہوتے ہیں۔
جو باتیں سال بھر مشکل لگتی تھیں، اب اُنہیں درست کرنے کا سنہری وقت ہے۔

غلطیوں سے ڈرنا نہیں، انہیں ٹھیک کرنا ہی اصل کامیابی ہے۔
محنت آج مشکل لگتی ہے، لیکن مستقبل میں یہی محنت آپ پر فخر بن کر لوٹے گی۔

ہمت رکھیں، یقین رکھیں، اور بہترین کوشش کریں۔
دسمبر کے یہ ٹیسٹ آپ کی کامیابی کی طرف پہلا مضبوط قدم ہیں۔
سرکاری سکول معیاری سکول

🌟 ضلعی سطح کا STEAM مقابلہ — ہمارے اسکول کا فخر 🌟

الحمدللہ!
آج ہمارے سکول کی ٹیم نے گورنمنٹ سنٹرل ماڈل سکول میں ہونے والے ضلعی سطح کے STEAM مقابلوں (1 دسمبر 2025) میں بھرپور شرکت کی۔
ہمارے 9th کلاس کے ہونہار طلباء نے اپنے شاندار پراجیکٹس، محنت، اعتماد اور بہترین کارکردگی سے سب کا دل جیت لیا۔

تقریب کے دوران طلباء کو سرٹیفکیٹس آف اپریسی ایشن سے نوازا گیا، جو ان کی محنت، لگن اور اساتذہ کی بہترین رہنمائی کا ثبوت ہے۔

ہم اپنے تمام اسٹوڈنٹس کو دل کی گہرائیوں سے مبارکباد پیش کرتے ہیں اور دعا گو ہیں کہ یہ بچے آئندہ بھی اسی جوش و جذبے کے ساتھ کامیابی کے نئے سنگِ میل طے کرتے رہیں۔

ماشاءاللہ، ہم سب کو آپ پر فخر ہے!✌️🥰
سرکاری سکول معیاری سکول

سکول کا ٹائم تبدیل کردیا گیا ہے
کل سے صبح 8:45
چھٹی : 1:30 بجے

📚 "سرکاری اسکول — علم، خدمت اور کردار سازی کی روشن مثال" 🌟

آج ہمارے اسکول میں خوشی اور فخر کا ایک یادگار دن تھا،
جب ہمارے تین قابلِ فخر اساتذہ —
سر غلام عباس صاحب، سر ربنواز خان صاحب، اور سر عامر حیات خان نیازی صاحب —
نے ہیڈ ماسٹر کے امتحان میں شاندار کامیابی حاصل کر کے ہیڈ ماسٹر کے عہدے پر فائز ہونے کا اعزاز حاصل کیا۔ 🎓✨

ان کی اس عظیم کامیابی کی خوشی میں ایک پُرمسرت تقریبِ اعزاز منعقد کی گئی،
جس میں تمام اساتذہ نے بھرپور شرکت کی۔
اس موقع پر ہمارے ریٹائرڈ ٹیچر، حاجی اعجاز محمود خان نیازی صاحب نے بھی شرکت فرما کر تقریب کی رونق اور وقار میں اضافہ کیا۔ 🌹
محترم سر سیف اللہ خان صاحب نے بھی شرکت کر کے اپنے ساتھیوں کی خوشی میں شامل ہو کر اس تقریب کو مزید یادگار بنا دیا۔ 🤝

یہ تقریب نہ صرف اُن کی کامیابی کا جشن تھی بلکہ اس بات کی روشن دلیل بھی کہ
سرکاری اساتذہ ہمیشہ قابلیت، تجربے اور خلوصِ نیت کا پیکر رہے ہیں۔
وہ اپنی محنت، علم اور کردار سے طلبہ کے دلوں میں روشنی پھیلاتے ہیں اور قوم کا مستقبل سنوارتے ہیں۔ 💫

ہمیں فخر ہے کہ ہم سرکاری تعلیمی نظام سے وابستہ ہیں —
جہاں تعلیم صرف نصاب نہیں بلکہ کردار، خدمت اور قیادت کا درس بھی دیا جاتا ہے۔ 🌷

📸 آج کی گروپ تصاویر اس خوشی، اتحاد اور فخر کی عکاسی کرتی ہیں جو صرف ایک تعلیمی خاندان ہی محسوس کر سکتا ہے۔
یہ دن ہمیشہ ہمارے اسکول کی تاریخ میں سنہری الفاظ سے لکھا جائے گا

سرکاری سکول معیاری سکول⁦❤️⁩

"سَرکاری اُستاد – قوم کے اصل معمار" ✨

کچھ لوگ سمجھتے ہیں کہ معیار صرف اُن دیواروں میں ہے جہاں اے۔سی چل رہا ہو اور کرسیاں نئی ہوں،
مگر حقیقت یہ ہے کہ علم اُن ہاتھوں سے پھیلتا ہے جو چاک سے تختہ سیاہ روشن کرتے ہیں۔
سَرکاری اُستاد وہ چراغ ہیں جو خود جل کر آنے والی نسلوں کو روشنی دیتے ہیں۔

پرائیویٹ اداروں میں فیس زیادہ ہوتی ہے،
سَرکاری اسکولوں میں جذبہ زیادہ ہوتا ہے۔
وہاں “برانڈ” بنتا ہے،
یہاں “بنیاد” رکھی جاتی ہے۔

ہم وہ اُستاد ہیں جو کم وسائل میں بھی بڑے خواب جگاتے ہیں،
جو قوم کے بچوں کو صرف سبق نہیں بلکہ مقصدِ زندگی سکھاتے ہیں۔
ہماری کلاس میں اے۔سی نہیں، مگر عزم کی گرمی ضرور ہے۔
اور یاد رکھو —
قومیں اُن اُستادوں سے بنتی ہیں جو نفع کے لیے نہیں، نسلوں کے لیے پڑھاتے ہیں۔ 🇵🇰
سرکاری سکول معیاری سکول