Govt. Girls Elementary School Kot Chandana

الحمدللہ! ہمارے واٹس ایپ گروپ کے ذریعے ہفتہ وار آن لائن کلاسز باقاعدگی سے جاری ہیں۔۔۔۔ اس ویڈیو میں اسی تعلیمی سرگرمی کی ایک جھلک شیئر کی جا رہی ہے۔ یہ ہم سب کی مشترکہ کوشش ہے کہ بچوں کو بہتر رہنمائی اور سیکھنے کے مواقع فراہم کیے جائیں۔
گرمیوں کی چھٹیوں میں بھی والدین سے گزارش ہے کہ وہ اسی طرح بچوں کی تعلیم کے سلسلے میں ہمارے ساتھ تعاون جاری رکھیں تاکہ سیکھنے کا یہ سفر بغیر رکے آگے بڑھتا رہے۔۔۔
مزید روز کی ڈائری بھی گروپ میں بغیر تعطل کے بھیجی جاتی تاکہ والدین آگاہ رہیں۔۔۔

Fun with Colors Activity
Cognitive Development۔۔۔
Ecce 2۔۔۔۔

یہ ننھے بچے جب پہلی بار ماں کی گود سے نکل کر اسکول آتے ہیں تو روتے روتے آتے ہیں اور ان کا یہ رونا اکثر ایک ہفتہ تک جاری رہتا ہے۔ اس دوران اسکول میں ایک ہلچل سی مچ جاتی ہے مگر ان کی موجودگی اور معصومیت اسکول کی خوبصورتی کو چار چاند لگا دیتی ہے۔ ان چھوٹے چھوٹے ہاتھوں کو صرف قلم پکڑنا سکھانا اور اس پر تھوڑی سی پریکٹس کروانا بھی ایک بہت بڑا قدم ہوتا ہے اور آج ہمارے بچوں نے یہی پہلا قدم اعتماد کے ساتھ اٹھایا۔ معصومیت اور سیکھنے کا یہ ملاپ ان کی شخصیت کو نکھارتا ہے۔ سب سے پہلا مرحلہ ان کے ساتھ اپنائیت پیدا کرنا ہوتا ہے پھر آہستہ آہستہ انہیں سیکھنے پر آمادہ کرنا پڑتا ہے کیونکہ ان کے موڈ کا بھی اندازہ نہیں ہوتا۔ بہرحال آج ہمارے بچوں نے خوشی اور تھوڑی سی ناراضگی کے ساتھ بھی سیکھنے کے اس خوبصورت عمل میں حصہ لیا جو یقیناً ایک روشن آغاز ہے۔۔۔۔