GPS KAGAN

30/03/2026

ضروری اطلاع
اسکول کھل چکے ہیں۔ تمام والدین سے گزارش ہے کہ بچوں کو باقاعدگی سے اسکول بھیجیں۔
ہیڈ ماسٹر، GPS کاگان

21/03/2026

07/03/2026

آیۃ الکرسی قرآن مجید کی سب سے فضیلت والی آیت ہے، جو سورہ البقرہ کی آیت نمبر 255 ہے۔
آیۃ الکرسی
بِسْمِ اللّٰهِ الرَّحْمٰنِ الرَّحِیْمِ
اَللّٰهُ لَاۤ اِلٰهَ اِلَّا هُوَۚ اَلْحَیُّ الْقَیُّوْمُۚ لَا تَاْخُذُهٗ سِنَةٌ وَّ لَا نَوْمٌؕ لَهٗ مَا فِی السَّمٰوٰتِ وَ مَا فِی الْاَرْضِؕ مَنْ ذَا الَّذِیْ یَشْفَعُ عِنْدَهٗۤ اِلَّا بِاِذْنِهٖؕ یَعْلَمُ مَا بَیْنَ اَیْدِیْهِمْ وَ مَا خَلْفَهُمْۚ وَ لَا یُحِیْطُوْنَ بِشَیْءٍ مِّنْ عِلْمِهٖۤ اِلَّا بِمَا شَاءَۚ وَسِعَ كُرْسِیُّهُ السَّمٰوٰتِ وَ الْاَرْضَۚ وَ لَا یَـُٔوْدُهٗ حِفْظُهُمَاۚ وَ هُوَ الْعَلِیُّ الْعَظِیْمُ
اردو ترجمہ
اللہ (وہ معبودِ برحق ہے کہ) اس کے سوا کوئی عبادت کے لائق نہیں، وہ ہمیشہ زندہ رہنے والا (اور تمام کائنات کو) سنبھالنے والا ہے۔ اسے نہ اونگھ آتی ہے اور نہ نیند۔ جو کچھ آسمانوں میں ہے اور جو کچھ زمین میں ہے سب اسی کا ہے۔ کون ہے جو اس کی اجازت کے بغیر اس کے پاس سفارش کر سکے؟ وہ اسے بھی جانتا ہے جو لوگوں کے سامنے ہے اور اسے بھی جو ان سے اوجھل ہے، اور وہ اس کے علم میں سے کسی چیز کا احاطہ نہیں کر سکتے مگر جتنا وہ چاہے۔ اس کی کرسی آسمانوں اور زمین کو گھیرے ہوئے ہے اور ان دونوں کی حفاظت اسے تھکاتی نہیں، اور وہ بہت بلند اور بڑی عظمت والا ہے۔

05/03/2026

دعائے قنوت وتر کی نماز میں پڑھی جانے والی ایک بہت خوبصورت دعا ہے، جس میں اللہ تعالیٰ سے مدد، بخشش اور ہدایت مانگی جاتی ہے۔
نیچے اس کا عربی متن، اردو ترجمہ اور آسان مفہوم دیا گیا ہے:
عربی متن
اَللّٰھُمَّ اِنَّا نَسْتَعِیْنُکَ وَ نَسْتَغْفِرُکَ وَ نُؤْمِنُ بِکَ وَ نَتَوَکَّلُ عَلَیْکَ وَ نُثْنِیْ عَلَیْکَ الْخَیْرَ وَ نَشْکُرُکَ وَ لَا نَکْفُرُکَ وَ نَخْلَعُ وَ نَتْرُکُ مَنْ یَّفْجُرُکَ۔ اَللّٰھُمَّ اِیَّاکَ نَعْبُدُ وَ لَکَ نُصَلِّیْ وَ نَسْجُدُ وَ اِلَیْکَ نَسْعٰی وَ نَحْفِدُ وَ نَرْجُوْا رَحْمَتَکَ وَ نَخْشٰی عَذَابَکَ اِنَّ عَذَابَکَ بِالْکُفَّارِ مُلْحِقٌ۔
اردو ترجمہ
"اے اللہ! ہم تجھ سے مدد چاہتے ہیں اور تجھ سے معافی مانگتے ہیں اور تجھ پر ایمان رکھتے ہیں اور تجھ پر بھروسہ کرتے ہیں اور تیری بہت اچھی تعریف کرتے ہیں اور تیرا شکر کرتے ہیں اور تیری ناشکری نہیں کرتے اور الگ کرتے ہیں اور چھوڑتے ہیں اس شخص کو جو تیری نافرمانی کرے۔ اے اللہ! ہم تیری ہی عبادت کرتے ہیں اور تیرے ہی لیے نماز پڑھتے ہیں اور سجدہ کرتے ہیں اور تیری ہی طرف دوڑتے ہیں اور خدمت کے لیے حاضر ہوتے ہیں اور تیری رحمت کے امیدوار ہیں اور تیرے عذاب سے ڈرتے ہیں، بے شک تیرا عذاب کافروں کو پہنچنے والا ہے۔"

26/02/2026

لتَّحِيَّاتُ لِلّٰهِ وَالصَّلَوَاتُ وَالطَّيِّبَاتُ، اَلسَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكَاتُهُ، اَلسَّلَامُ عَلَيْنَا وَعَلَى عِبَادِ اللهِ الصَّالِحِينَ، أَشْهَدُ أَنْ لَا إِلٰهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

06/02/2026

الوداع! جی پی ایس کاگان کے وقار، سر مولانا عبدالوحید صاحب کے نام
آج 6 فروری 2026 کا دن جی پی ایس کاگان کی تاریخ میں ایک خلا چھوڑ کر جا رہا ہے۔ آج وہ عظیم شخصیت اس ادارے سے رخصت ہو رہے ہے جس نے اپنی زندگی کے 10 قیمتی سال اس اسکول کی مٹی کو سونا بنانے میں صرف کر دیے۔
ایک مثالی سفر: 27 مئی 2016 سے آج تک۔
27 مئی 2016 کو جب سر مولانا عبدالوحید صاحب نے جی پی ایس کاگان میں قدم رکھا، تو یہ ایک نئے روشن دور کا آغاز تھا۔ ان 10 سالوں میں آپ نے صرف اسباق نہیں پڑھائے، بلکہ اپنی ایمانداری، خودداری اور بلند اخلاق سے طالب علموں کے کردار کی ایسی تعمیر کی کہ جس کی مثال ملنا مشکل ہے۔
کامیابیوں کا درخشندہ ستارہ۔

کلسٹر میں ٹاپ پوزیشنز: یہ آپ ہی کی محنت کا ثمر ہے کہ جی پی ایس کاگان کے طلبہ نے ہر سال پورا کلسٹر ٹاپ کر کے کامیابیوں کے جھنڈے گاڑے۔
کامیاب طالب علم: آپ نے اس علاقے کو وہ ہیرے تراش کر دیے ہیں جو آج ہر جگہ جی پی ایس کاگان اور آپ کا نام روشن کر رہے ہیں۔

نظم و ضبط:
سر مولانا عبدالوحید صاحب نے جی پی ایس کاگان کے طلبہ میں نظم و ضبط (Discipline) کی جو روح پھونکی ہے، وہ ان کی زندگی کا سب سے قیمتی سرمایہ ہے۔ آپ کے وضع کردہ اصول اور اخلاقی تربیت نہ صرف اسکول کی حد تک تھی، بلکہ یہ وہ روشنی ہے جو ان طالب علموں کی پوری زندگی کو منور کرتی رہے گی۔ آپ نے سکھایا کہ ڈسپلن ہی وہ راستہ ہے جو انسان کو عام سے عظیم بناتا ہے۔

سر مولانا عبدالوحید صاحب صرف ایک معلم نہیں، بلکہ اسکول کا ایک مضبوط اثاثہ اور طالب علموں کے لیے ایک سایہ دار شجر ثابت ہوئے ہیں۔ آپ کی خودی اور غیرت نے بچوں کو سر اٹھا کر جینا سکھایا۔

الوداعی پیغام
سر! آپ کی پروموشن دراصل آپ کی اس بے مثال محنت اور دیانت داری کا صلہ ہے جو آپ نے جی پی ایس کاگان کے لیے وقف رکھی۔ ہمیں فخر ہے کہ ہم آپ جیسے عظیم استاد کے زیرِ سایہ رہے۔

"کردار کی خوشبو کبھی سرحدوں کی محتاج نہیں ہوتی
آپ کا سکھایا ہوا نظم و ضبط ان بچوں کی کامیابی کی ضمانت بنے گا"

جی پی ایس کاگان کا ہر بچہ اور ہر استاد آپ کی خدمات کو خراجِ تحسین پیش کرتا ہے اور آپ کے روشن مستقبل کے لیے دعا گو ہے۔

تحریر:
شہریار آفریدی

31/12/2025

آج جی پی ایس کاگان میں سمیسٹر آٹم 2025 کے نتائج کا باضابطہ اعلان کیا گیا۔ اس موقع پر شاندار کارکردگی کا مظاہرہ کرنے والے پوزیشن ہولڈر طلبہ کو انعامات دیے گئے اور ان کی بھرپور حوصلہ افزائی کی گئی۔ اس تقریب کا مقصد طلبہ کی محنت اور کامیابیوں کو سراہنا اور انہیں مستقبل میں مزید بہتر کارکردگی کے لیے ترغیب دینا تھا۔

08/12/2025

آج جی پی ایس کاگان میں ڈی ورمنگ ڈے بھرپور انداز میں منایا گیا۔ اس خصوصی موقع پر ہمارے معزز مہمان اجمل شاہ باچہ شریک ہوئے، جو علاقے کی باوقار اور خدمتِ خلق کے جذبے سے سرشار شخصیت ہیں۔ وہ ہمیشہ جی پی ایس کاگان کے طلبہ کی فلاح و بہبود کے لیے کوشاں رہتے ہیں۔

اجمل شاہ باچہ صاحب نے بچوں کو ڈی ورمنگ کی اہمیت اور ورماکس ٹیبلیٹس کے فوائد سے تفصیل سے آگاہ کیا، اور مثال قائم کرتے ہوئے اپنے تینوں بچوں کو اپنے ہاتھوں سے ورماکس ٹیبلیٹس دیں۔

ہم جی پی ایس کاگان کے تمام اساتذہ دل کی گہرائیوں سے اجمل شاہ باچہ صاحب کا شکریہ ادا کرتے ہیں کہ انہوں نے اپنی مصروفیات میں سے قیمتی وقت نکال کر ہمارے نونہالوں کی صحت و تحفظ کے اس اہم عمل میں ہمارا ساتھ دیا۔

27/11/2025

سورة الفاتحہ: استاد کے دل کو روشن کرنے والا درس

سورة الفاتحہ کو عام طور پر عبادت کی بنیاد سمجھا جاتا ہے، مگر اس میں ایک خاموش مگر گہری رہنمائی اساتذہ کے لیے بھی چھپی ہوئی ہے۔ اس چھوٹی سی سورت میں وہ فکری اصول ملتے ہیں جن پر ایک مضبوط، باوقار اور مؤثر استاد کھڑا ہوتا ہے۔ بات سیدھی مگر معنوی ہے، اور یہی بات اسے خاص بناتی ہے۔
استاد کی دنیا سورة الفاتحہ کے پہلے ہی جملے سے شروع ہو جاتی ہے۔ “الحمد للہ ربّ العالمین” میں رب کا لفظ پرورش، نشوونما، تربیت اور رہنمائی کے پورے سفر کا احاطہ کرتا ہے۔ جو ربّ العالمین کا طریقہ ہے، وہی اصل میں ایک استاد کا معیار بھی ہے۔ تربیت جلد بازی سے نہیں ہوتی۔ اس میں شفقت بھی چاہیے اور مزاج کی پختگی بھی۔ یہاں استاد سیکھتا ہے کہ طالب علم کو بڑھنے کا وقت دیں، اسے تھام کر چلائیں اور اس کی چھوٹی کامیابیوں پر بھی حوصلہ دیں۔
“الرحمٰن الرحیم” ایک استاد کے رویے کی بنیاد ہے۔ دو الگ الفاظ، مگر دونوں میں نرمی کی وہ خوشبو ہے جو سیکھنے کے عمل کو آسان کرتی ہے۔ سخت لہجے، طنز یا تحقیر علم کا دروازہ بند کر دیتے ہیں۔ سورت الفاتحہ بتاتی ہے کہ رحمت صرف ایک خوبی نہیں، تعلیم کا ماحول بنانے کی بنیادی ضرورت ہے۔ بچے یہ بھول جاتے ہیں کہ آپ نے کیا پڑھایا، لیکن یہ کبھی نہیں بھولتے کہ آپ نے انہیں کیسا محسوس کرایا۔
“مالک یوم الدین” استاد کو جواب دہی کا سلیقہ سکھاتا ہے۔ علم سکھانا صرف ہُنر نہیں، ایک ذمہ داری ہے۔ یہ آیت یاد دلاتی ہے کہ جو زبان ہم استعمال کرتے ہیں، جو نظریات ہم دیتے ہیں، جو انصاف ہم کرتے ہیں، سب ایک دن تولا جائے گا۔ ایک استاد کا انصاف کبھی لمحاتی نہیں ہوتا، وہ کردار سازی کے کئی سالوں پر اثر انداز ہوتا ہے۔
“ایاک نعبد و ایاک نستعین” میں اجتماعی سوچ کا سبق ہے۔ استاد اور شاگرد کا تعلق مقابلہ نہیں، شراکت ہے۔ دونوں ایک ساتھ سیکھتے ہیں، ایک دوسرے سے مدد لیتے ہیں۔ یہ آیت بتاتی ہے کہ استاد بھی سیکھنے والا ہوتا ہے، اور سیکھنے کا دروازہ نمبرداری یا شان سے نہیں، عاجزی سے کھلتا ہے۔
“اھدنا الصراط المستقیم” تعلیم کا سب سے مرکزی اصول ہے۔ صحیح راستہ دکھانا۔ استاد کا اصل کام معلومات ٹھونس دینا نہیں، سمت دکھانا ہے۔ سیدھا راستہ وہ ہے جو عقل کو بھی روشن کرے اور کردار کو بھی مضبوط بنائے۔ اس آیت میں استاد کی پوری ذمہ داری سمٹی ہوئی ہے۔ رہنمائی، وضاحت، اور راستے کے چکر کم کرنا۔
آخر میں “صراط الذین انعمت علیہم” استاد کو رول ماڈل بننے کی یاد دہانی ہے۔ وہ راستہ جس پر نعمت پانے والے لوگ چلے، یعنی کردار، عدل، صداقت، محنت اور خیر کا راستہ۔ اور “غیر المغضوب علیہم ولا الضالین” استاد کے لیے یہ وارننگ بھی ہے کہ غلط طریقہ دو طرح کا ہوتا ہے: علم ہو مگر رویہ زہر آلود ہو، یا نیت اچھی ہو مگر علم ناقص ہو۔ ایک استاد کو دونوں سے بچنا ہوتا ہے۔
سورة یوں تو سات آیات پر مشتمل ہے، مگر اس میں ایک استاد کی پوری شخصیت، اس کا اخلاق، اس کی ذمہ داری، اس کا مزاج اور اس کا اثر سب کا نقشہ موجود ہے۔ یہ سورة بتاتی ہے کہ تعلیم محض کتابی عمل نہیں۔ یہ ایک اخلاقی، روحانی اور انسانی فریضہ ہے۔ اس میں ربّ کی رحمت بھی ہے، انصاف بھی، عاجزی بھی، اور روشنی بھی۔
یہی روشنی ایک استاد کو عام انسان نہیں رہنے دیتی۔ اسے راستہ دکھانے والا بنا دیتی ہے۔

17/11/2025

*سرکاری پرائمری اسکول کاگان* میں بچوں کی ہم نصابی سرگرمیوں کو فروغ دینے کے لیے کرکٹ ٹورنامنٹ کا شاندار آغاز کیا گیا، جس میں جماعت اول سے جماعت پنجم تک تمام کلاسز کی ٹیموں نے جوش و خروش سے حصہ لیا۔

مقابلوں کے مختلف مراحل کے بعد *تیسری* اور *چوتھی جماعت* کی ٹیمیں شاندار کارکردگی کا مظاہرہ کرتے ہوئے *فائنل میچ* کے لیے کوالیفائی کر چکی ہیں۔

فائنل میچ *آج، بروز بدھ، 17 دسمبر 2025، صبح 11:15 بجے* کھیلا جائے گا۔

تمام والدین، اساتذہ، اور علاقہ مکینوں سے گزارش ہے کہ اس اہم موقع پر تشریف لا کر بچوں کی حوصلہ افزائی فرمائیں اور ان کے حوصلے بلند کریں۔

*ہم سب کا ساتھ، بچوں کی کامیابی کی ضمانت ہے۔*

29/10/2025

Subject: Mathematics

Topic: Construction of TRIANGLE ABC & FINDING DIFFERENT ANGLES

Class 5th

Students Names:

Muhammad Mubashir & Muhammad Abbas