Class 9th&10th Maths Kpk

16/08/2026

پرائیویٹ ٹیچنگ ضرور کریں، تجربہ ضرور حاصل کریں، لیکن اپنی منزل کو ہرگز نہ بھولیں۔

پرائیویٹ اسکول میں تدریس آپ کو تجربہ، اعتماد اور سیکھنے کے مواقع دے سکتی ہے، لیکن اسے اپنی آخری منزل نہ بنائیں۔ اپنے مستقبل کے بارے میں سنجیدگی سے غور کریں۔ آگے بڑھنے کے لیے چاہے کاروبار کریں، دکان شروع کریں یا سرکاری ملازمت کی تیاری کریں، لیکن اپنے مستقبل کے لیے کوئی واضح راستہ ضرور بنائیں۔

آپ ایک گریجویٹ ہیں، ڈگری ہولڈر ہیں اور معاشرے کے ایک ذمہ دار فرد ہیں۔ آپ کے ذاتی اخراجات بھی ہوں گے، گھر کی ذمہ داریاں بھی ہوں گی، مستقبل کے مسائل بھی ہوں گے۔ اس لیے صرف معمولی آمدن پر سالہا سال گزارنے کے بجائے اپنے مستقبل کو بہتر بنانے کی کوشش کریں۔

پرائیویٹ ٹیچنگ کو تجربے اور عارضی مرحلے کے طور پر لیں، اپنی آخری منزل کے طور پر نہیں۔ وقت کا درست استعمال کریں، اپنی صلاحیتوں کو بڑھائیں اور اپنے بہتر مستقبل کے لیے آج ہی منصوبہ بندی شروع کریں۔

کیا آپ متفق ہو؟

16/08/2026

آپ نے کتنے عرصے تک پرائیویٹ ٹیچنگ کی؟

16/08/2026

میرا مقصد پرائیویٹ اسکولوں کی مخالفت نہیں، اساتذہ کے حقوق کی بات کرنا ہے

میری پچھلی بعض پوسٹوں سے شاید یہ تاثر پیدا ہوا ہو کہ میں پرائیویٹ اسکولوں کے خلاف ہوں، حالانکہ ایسا بالکل نہیں ہے۔ پرائیویٹ اسکول اپنا ایک اہم علمی اور تعلیمی کردار ادا کر رہے ہیں، اور میں ان کے وجود یا تعلیمی خدمات کی مخالفت نہیں کرتا۔

البتہ ایک حقیقت ہمیں تسلیم کرنی ہوگی کہ زیادہ تر پرائیویٹ اسکول ایک کاروباری نظام کے تحت چلتے ہیں، جہاں مالک کا بنیادی مقصد ادارے کو منافع بخش بنانا بھی ہوتا ہے۔ اسی کاروباری سوچ کا سب سے زیادہ اثر اکثر اساتذہ کے معاوضے اور ملازمت کے تحفظ پر پڑتا ہے۔ بعض جگہوں پر استاد سے بھرپور کام لیا جاتا ہے، لیکن اس کے مقابلے میں معاوضہ بہت کم دیا جاتا ہے۔ بعض اداروں میں تو گرمیوں کی چھٹیوں سے پہلے اساتذہ کو فارغ کر دیا جاتا ہے تاکہ چھٹیوں کی تنخواہ کی ادائیگی سے بچا جا سکے۔

میری تنقید کسی اسکول یا مالک کے خلاف نہیں، بلکہ ایسے رویے کے خلاف ہے جو استاد کی محنت اور حقوق کو نظر انداز کرے۔

میں صرف اپنے اساتذہ بھائیوں کو یہ احساس دلانا چاہتا ہوں کہ پرائیویٹ ٹیچنگ کو اپنی زندگی کا آخری اور مستقل راستہ نہ سمجھیں۔ اگر آپ آج کسی پرائیویٹ اسکول میں پڑھا رہے ہیں تو اپنی ملازمت کے ساتھ ساتھ اپنے مستقبل کے لیے بھی محنت کریں، اپنی تعلیم اور مہارت میں اضافہ کریں اور بہتر مواقع کی تلاش جاری رکھیں۔

پرائیویٹ اسکول میں تدریس ایک تجربہ اور ذریعۂ آمدن ہو سکتی ہے، لیکن اپنے مستقبل کو محفوظ بنانے کے لیے مستقل اور بہتر مواقع کی کوشش ضرور کریں۔

میری تمام پوسٹس کا مقصد پرائیویٹ اسکولوں کو بدنام کرنا نہیں، بلکہ اساتذہ کو اپنے حقوق، اپنی قدر اور اپنے مستقبل کے بارے میں سوچنے کی ترغیب دینا ہے۔

15/08/2026

السلام علیکم ❤
چیف منسٹر صاحب
وزیر تعلیم صاحب
ایجوکیشن پالیسی میکرز
آل شہادۃ العالمیہ بورڈز

شہادۃ العالمیہ کو اکیڈمک ڈگری کی حیثیت میں برقرار رکھا جائے، کیونکہ اسے پروفیشنل قرار دینے سے مستقبل میں علماء اور طلبہ کے لیے اعلیٰ تعلیم اور مختلف سرکاری و پیشہ ورانہ مواقع میں مشکلات پیدا ہونے کا خدشہ ہے۔

یہ معاملہ صرف موجودہ افراد کا نہیں بلکہ آنے والی نسلوں کے علماء اور طلبہ کے مستقبل کا بھی معاملہ ہے، اس لیے اس پر انتہائی احتیاط اور دوراندیشی سے فیصلہ کیا جانا چاہیے۔

👈 ایک اور اہم بات یہ ہے کہ جو طلبہ یونیورسٹی سے بی ایس اسلامیات، ایم اے اسلامیات یا ایم اے عربی کرتے ہیں، وہ اپنی تعلیم مکمل کرنے کے بعد بی ایڈ کریں گے۔ پروفیشنل ڈگری کے لیے یہ راستہ یونیورسٹی کے طلبہ کے لیے آسان ہے۔ جبکہ یونیورسٹی میں بی ایس کرنے کے بعد اگر کوئی دوبارہ مدرسے جائے اور آٹھ سال گزارے تو پروفیشنل ڈگری کے لیے یہ مشکل ہے۔

اگر کوئی مدرسے میں شہادۃ العالمیہ کر رہا ہے تو اس کے بعد 1 سال یا 1.5 سال بی ایڈ کر لے تو یہ علماء کرام کے لیے بھی آسان ہے۔ لہٰذا اس کے بارے میں سوچنا چاہیے۔

شہادۃ العالمیہ اکیڈمک ڈگری ہے، پروفیشنل ڈگری نہیں۔

👈 انتہائی اہم بات یہ ہے کہ شہادۃ العالمیہ بنیادی طور پر ایک اکیڈمک ڈگری ہے، پروفیشنل ڈگری نہیں۔ کسی ڈگری کی اکیڈمک ایکویلینسی کا ماسٹرز ڈگری کے برابر ہونا اور اسے پروفیشنل ڈگری قرار دینا دو الگ الگ چیزیں ہیں۔

لہٰذا شہادۃ العالمیہ کو اس کی اصل اکیڈمک حیثیت کے مطابق ہی تسلیم کیا جانا چاہیے۔

👈 شہادۃ العالمیہ کو پروفیشنل قرار دینے کے مستقبل میں نقصانات

اگر شہادۃ العالمیہ کو پروفیشنل ڈگری قرار دے دیا گیا اور HEC یا دیگر متعلقہ ادارے اسے پروفیشنل حیثیت سے شمار کرنے لگے تو مستقبل میں علماء اور شہادۃ العالمیہ رکھنے والے طلبہ کے لیے متعدد مشکلات پیدا ہو سکتی ہیں۔

مثلاً:
- ایم فل میں داخلے کے مواقع متاثر ہو سکتے ہیں۔
- آگے چل کر پی ایچ ڈی میں داخلے کے مسائل پیدا ہو سکتے ہیں۔
- مختلف کمیشن کی ملازمتوں میں اہلیت متاثر ہو سکتی ہے۔
- نیوی، ایئر فورس اور دیگر سرکاری اداروں کی مختلف پوسٹوں کے لیے مشکلات پیدا ہو سکتی ہیں۔
- خطیب اور دیگر مذہبی عہدوں کے لیے بھی اہلیت کے مسائل پیدا ہو سکتے ہیں۔

11/08/2026

11/08/2026

All Maths Formulas, From Class 6th to 10th.

10/08/2026

دس اگست ،ایک سال پہلے اور آج…

آج دس اگست ہے۔ایک سال پہلے، اسی تاریخ کو ہم شدید ذہنی دباؤ، خوف اور بے چینی کے عالم میں تھے۔اگلی صبح سی ٹی اور پی ایس ٹی کا کمپیوٹر بیسڈ تھا۔دل میں ایک ہی سوال تھا کہ ہم کتنے نمبر حاصل کریں گے؟
ہماری محنت رنگ لائے گی یا نہیں؟کیا ہماری دعائیں قبول ہوں گی؟کیا اتنے مہینوں کی محنت ہمیں کامیابی کی منزل تک پہنچا پائے گی؟وہ رات، وہ پریشانی، وہ خوف اور وہ بے یقینی آج بھی یاد ہے۔لیکن انسان کو اُس وقت اپنی محنت کا انجام معلوم نہیں ہوتا، صرف محنت، دعا اور اللہ تعالیٰ پر بھروسہ کرنا ہوتا ہے۔الحمدللہ! آج اسی امتحان کو ایک سال چکا ہے، اور اللہ تعالیٰ کے فضل و کرم سے ہمیں سرکاری ملازمت میں نو ماہ مکمل ہو چکے ہیں۔ ایک سال پہلے جس امتحان کا خوف تھا،آج اسی امتحان کا نتیجہ ہماری زندگی کا ایک خوبصورت باب بن چکا ہے۔تب ہم سوچ رہے تھے کہ کیا ہوگا؟آج ہم دیکھ رہے ہیں کہ اللہ نے کیا کر دیا۔یہ سفر ہمیں ایک بات ضرور سکھا گیا۔ محنت کبھی ضائع نہیں ہوتی، دعائیں کبھی رائیگاں نہیں جاتیں، اور اللہ تعالیٰ پر بھروسہ رکھنے والا کبھی خالی ہاتھ نہیں لوٹتا۔ اگر آج آپ بھی کسی امتحان، ملازمت یا زندگی کے کسی مشکل مرحلے سے گزر رہے ہیں تو یاد رکھیں، آج کا خوف، کل کی کامیابی کی یاد بن سکتا ہے۔بس محنت کرتے رہیں، دعا کرتے رہیں اور اللہ تعالیٰ پر یقین رکھیں۔ الحمدللہ علیٰ کل حال۔ جو کل ایک خواب تھا، آج وہ حقیقت ہے۔





#الحمدللہ

10/08/2026

جن دوستوں نے ٹیچنگ ٹیسٹ کے لیے میتھس کی مکمل تیاری کرنی ہے، وہ اپنی تیاری جماعت پنجم سے شروع کریں۔ سب سے پہلے جماعت پنجم کا پورا نصاب مکمل کریں، تمام یونٹس کی اچھی طرح پریکٹس کریں اور کنسپٹ کو مضبوط بنائیں۔ اپنے لیے ایک الگ رجسٹر مخصوص کریں، کتاب کی مثالیں خود لکھیں، مشقی سوالات میں بالخصوص انگریزی زبان میں دیے گئے سوالات پر زیادہ توجہ دیں اور کسی بھی سوال کو نظر انداز نہ کریں، خواہ وہ آسان ہو یا مشکل۔ مشکل سوالات کو الگ نوٹ کریں اور ان کی بار بار پریکٹس کریں۔

جماعت پنجم مکمل کرنے کے بعد اسی ترتیب کے ساتھ آگے بڑھیں: جماعت ششم، جماعت ہفتم، جماعت ہشتم، جماعت نہم اور پھر جماعت دہم۔ یہ کام بظاہر مشکل ضرور لگتا ہے، لیکن ناممکن نہیں۔ صرف وقت، مستقل مزاجی اور مسلسل محنت کی ضرورت ہے۔

الحمدللہ، ہمارے میتھس کے لیکچرز میں جماعت پنجم اور ششم کا مکمل کورس تیار ہے، ۔ آئندہ جماعت ہفتم اور اس کے بعد کی جماعتوں کے لیکچرز بھی ٹاپک وائس تیار کیے جائیں گے اور ساتھ ہی مفید نوٹس بھی فراہم کیے جائیں گے، ان شاء اللہ۔۔۔۔جس کو ہمارے میتھس کے ویڈیوز چاہیے واٹسپ پہ رابطہ کرے۔۔۔

09/08/2026

ملازمت ملے تو بہت اچھی بات ہے، نہ ملے تو ہنر سیکھیں، مزدوری کریں، چھوٹا کاروبار کریں، محنت کریں، لیکن رزق حلال کمائیں۔یاد رکھیں، کوئی کام چھوٹا نہیں ہوتا، چھوٹی سوچ ہوتی ہے۔بس اتنا ضرور خیال رکھیں کہ اپنے والدین کو اکیلا نہ چھوڑیں، کیونکہ جنہوں نے آپ کو چلنا سکھایا، بڑھاپے میں انہیں آپ کے سہارے کی ضرورت ہوتی ہے۔حلال کمائی، والدین کی خدمت اور مسلسل محنت—یہی اصل کامیابی ہے۔