H.E.S Idarah Asas ululom

*اپڈیٹ برائے امور داخلہ*

ادارہ اساس العلوم پنجاب چوک مانسہرہ میں شعبہ حفظ و ناظرہ شعبہ درس نظامی وحفاظ ایجوکیشن سسٹم کے داخلے 12 شوال المکرم بمطابق 21 اپریل بروز ہفتہ سے شروع ہونگے۔

*شرائط برائے داخلہ شعبہ حفظ*
(1) امیدوار داخلہ کی عمر 8 سال سے کم اور 12 سال سے زائد نہ ہو۔
(2) شعبہ حفظ میں داخلہ کیلئے کم از کم کلاس پنجم کا پاس ہونا یا استعداد ہونا ضروری ہے۔
*شرائط برائے داخلہ حفاظ ایجوکیشن سسٹم*

(1) امیدوار اگر حافظ ہو تو حفظ پختہ ہو۔
(2) عصری تعلیم کم از کم پرائمری پاس یا پرائمری کی استعداد ہو۔
*نوٹ*
درس نظامی درجہ اولی ثانیہ و ثالثہ اور حفاظ ایجوکیشن سسٹم میں داخلہ کیلئے 21 اپریل بروز اتوار تا 23 اپریل بروز منگل تقریری امتحان ہوگا پاس ہونے والے طلبہ سے 24 اپریل بروز بدھ تحریری امتحان بھی لیا جائے گا۔
اس سال جامعہ ہذا کے تمام شعبہ جات میں محدود نشستوں پر داخلے ہونگے لہذا ادارہ اساس العلوم میں داخلہ کے خواہشمند طلبہ کرام بروقت تشریف لائیں!
#حفاظ

I gained 52 followers, created 7 posts and received 166 reactions in the past 90 days! Thank you all for your continued support. I could not have done it without you. 🙏🤗🎉

تمام قدیم و جدید طلباء کرام کو مطلع کیا جاتا ہے کہ ادارہ اساس العلوم پنجاب چوک مانسہرہ میں داخلے 20 اپریل سے 23 اپریل تک ہونگے 24 اپریل 2024 بروز بدھ سے ان شاء الله اسباق کا آغاز ہوجائے گا۔

اعلان داخلہ ادارہ اساس العلوم پنجاب چوک مانسہرہ برائے سال 2024۔25۔
نوٹ۔ جامعہ کے شعبہ حفاظ ایجوکیشن سسٹم سے متعلق مزید معلومات کیلئے پہلا کمنٹ چیک کیجئے۔

#حفاظ

حفاط ایجوکیشن سسٹم
اب آپ کے شہر مانسہرہ میں ۔
دورِ حاضر میں بچوں کی دینی تعلیم کے ساتھ ساتھ عصری تعلیم بھی وقت کا تقاضہ بن چکی ہے۔ اس سلسلے میں ”حفاظ ایجوکیشن سسٹم “ کا اقدام خوش آئند ہے۔
حفاظ ایجوکیشن سسٹم کے تحت تعلیم حاصل کرنے والے بچوں کو پانچ سالہ کورس میں عربی، انگلش سکھانے کے ساتھ ساتھ حفط۔ درجہ اولیٰ ثانیہ ثالثہ۔
حفط کے ساتھ ساتھ مڈل اور درجہ اولیْ ثانیہ ثالثہ کے ساتھ میٹرک اور انٹر تک کی تعلیم بھی دی جاتی ہے۔
حفاظ ایجوکیشن سسٹم کے تحت تعلیم حاصل کرنے والے طلباء کی درس نظامی کی بنیادیں نہ صرف پختہ ہوتی ہیں بلکہ عصری تعلیم کے لیے بھی راستہ کشادہ ہوتا ہے۔ گزشتہ چند سالوں کے تجربے میں طلباء دونوں میدانوں کے شاہسوار ثابت ہوئے ہیں۔
حفاظ ایجوکیشن سسٹم موجودہ دور میں طلبہ کی علمی پیاس بجانے کا بہترین سسٹم ہے۔
آئیے!
حفاظ ایجوکیشن سسٹم کا حصہ بنیئے
اور اپنے بچوں کو معیاری تعلیم دلوائیے۔
نوٹ۔شعبہ حفط میں محدود نشتوں پر داخلہ دیا جاۓ گا اور غیر رہائشی بچوں کو ترجیح دی جاۓ گی۔

محمد یاسر بیگ
ناطم تعلیمات ادارہ اساس العلوم
پنجاب چوک مانسہرہ
03413334733
03110887751


#حفاظ

"انقلابی نظام تعلیم اور حفاظ ایجوکیشن سسٹم ادارہ اساس العلوم پنجاب چوک مانسہرہ"

تحقیقی مزاج اور تاریخی ذوق رکھنے والے جب تاریخ کا بنظر غائر مطالعہ کریں گے تو ان پر یہ راز افشا ہو جائے گا کہ نصاب تعلیم اور نظام تعلیم پر فقط قوم و ملت کی تعمیر و ترقی کا ہی انحصار نہیں، بلکہ اس میں قوم کے احساس و شعور کو جلا بخشنے کی زبردست قوت بھی پنہاں ہے۔ نصاب تعلیم کی حساسیت کا اندازہ اس بات سے لگائیے کہ بر صغیر پر فرنگی تسلط کے بعد انگریزوں نے "لارڈ میکالے" کو ہندوستان بلوایا تا کہ وہ تعلیمی ہتھیار کے ذریعے عیسائی مشن کو کامیاب بنائے۔ لارڈمیکالے ہندوستان آیا تو اس نے تعلیمی فارمولہ پیش کیا: "ہمیں ایک ایسی جماعت بنانی چاہیے، جو خون اور رنگ کے اعتبارسے تو ہندوستانی ہوں، مگر رجحان، رائے، الفاظ اور سمجھ کے اعتبار سے انگریز ہوں"۔ (اخبار مدینہ بجنور 28 فروری 1927ء) مزید برآں یہی میکالے اپنی والدہ کے نام خط لکھتا ہے: "اگر میرے تعلیمی منصوبے پر پوری طرح عمل کیا گیا تو مجھے یقین ہے کہ زیادہ سے زیادہ تیس سال کے بعد یہاں ایک بھی بت پرست غیر عیسائی نہیں رہے گا۔

فرنگی مکار نے ہمارا ذہنی شعور چھیننے اور اپنے اقتدار کو طول دینے کے لیے دیگر حربوں کے ساتھ جس ہتھیار کا استعمال کیا وہ تعلیمی ہتھیار تھا۔ خواب غفلت کے مزے لوٹتی امت مسلمہ کو بیدار اور اسے آئندہ آنے والے خطرات کے مقابلے کے لیے تیار کرنے کے لیے بھی ایک ایسے جامع نظام تعلیم اور نصاب تعلیم کی اشد ضرورت ہے، جو دینی و دنیاوی دونوں تقاضوں کو پورا کرنے کے ساتھ ساتھ نظری و فکری تربیت میں بھی مؤثر ہو سکے۔ اس لیے کہ انسان جس قسم کی تعلیم حاصل کرتا ہے، اس کی سیرت و کردار پر اسی قسم کے نقوش پختہ اور مرتسم ہو جاتے ہیں۔ اور پھر انہی نقوش کے مطابق وہ اپنی زیست کی گاڑی کو رواں دواں رکھتا ہے۔ مگر افسوس کہ استعمار کی سازش سے دنیاوی تعلیم حاصل کرنے والے دین کی بنیادی تعلیمات سے بھی عاری ہوتے ہیں، جبکہ دین کے طالب علم دنیاوی تعلیم سے نا آشنا۔ ضرورت اس امر کی ہے کہ ایسا نظام تعلیم وضع کیا جائے جو ایسے افراد تیار کرے جو ایک طرف اپنے مقصد حیات سے آگاہ ہوں تو دوسری طرف معاشرے کے ذمہ دار فرد اور خیر خواہ ثابت ہوں۔

انہی مقاصد و اہداف کو پورا کرنے کے لیے حفاظ ایجوکیشن سسٹم پاکستان اپنا منفرد کورس متعارف کروا رہا ہے۔ (جس کے موجد "استاذ العلماء حضرت مولانا مفتی ابو لبابہ شاہ منصور صاحب ہیں" اور نگران اعلیٰ حضرت مولانا خورشید حیدر Khurshid Hyder صاحب) جس میں دونوں تعلیمیں، نظری و فکری اور عملی تربیت ایک چھت تلے فراہم کی جاتی ہے۔ ماہ شوال کے قریباً پہلے بیس دن طلبہ و مدارس کے لیے بہت اہم ہوتے ہیں۔ کہ اس میں نئے تعلیمی سال کے نئے گروپ تشکیل دیے جاتے ہیں۔ حفاظ ایجوکیشن سسٹم بھی سال میں ایک بار شوال میں بچوں کو اپنی آغوش میں لیتا ہے۔ اور ان کی داخلہ کارروائی مکمل کرتا ہے۔ داخلہ کارروائی کا ایک نمونہ "ادارہ اساس العلوم پنجاب چوک مانسہرہ" کا شعبہ حفاظ ایجوکیشن سسٹم بھی ہے۔

*تعارف*
حفاظ ایجوکیشن سسٹم ایک پانچ سالہ حفاظ میٹرک کورس کا نام ہے۔

*سال اول*
عربی زبان پر عبور بمع قواعد ضروریہ صرف و نحو
*سال دوم*
مکمل انگریزی زبان پر عبور بمع مڈل
*سال سوم*
اولیٰ نحو بمع 9th
*سال چہارم*
اولیٰ صرف بمع 10th
*سال پنجم*
ثانیہ معھد بمع 11th

*شرائط داخلہ*

سال اول میں داخلے کیلئے کم از کم پرائمری پاس ہونا یا پرائمری کی استعداد ہونا ضروری ہے!
امیدوار اگر حافظ ہو تو حفظ پختہ ہونا ضروری ہے!
عمر 14 سال سے زائد نہ ہو!

*نوٹ !*

غیر حافظ بچے بھی اس پانچ سالہ میٹرک کورس میں شرکت کرکے دونوں طرح کے علوم سے مزین ہوسکتے ہیں ۔
*خصوصیات !*
عربی بولنے، سننے، لکھنے، پڑھنے کی مشق۔۔۔
حفظِ احادیث کا اہتمام۔۔۔
عربی میں بیان کی مشق۔۔۔
تخلیقی صلاحیتیں اجاگر کرنے کا ماحول۔۔۔
اساتذہ کی نگرانی میں منزل کی دہرائی۔۔۔
*دعوتِ فکر !*
آئیے آپ بھی اپنے بچوں کے مستقبل کی فکر کرتے ہوئے "حفاظ ایجوکیشن سسٹم ادارہ اساس العلوم مدینہ مارکیٹ شہیلیہ روڈ پنجاب چوک مانسہرہ" میں اپنے بچوں کے وقت کو قیمتی بنائیے!!!

✍️03110887751
03178335544

شائقین علوم اسلامیہ کیلئے عظیم خوشخبری۔۔۔
الحمدللہ ادارہ اساس العلوم مانسہرہ کے زیر اہتمام سالانہ چھٹیوں میں دو مفید کورسز کا اہتمام کیا گیا ہے جن میں شرکت کرکے طلبہ کرام اپنی چھٹیوں کو قیمتی بناسکتے ہیں۔
1۔دورہ صرف و نحو۔۔۔
بطرز۔ استاد العلماء جامع المعقول والمنقول حضرت مولانا حفیظ الرحمان صاحب۔

خصوصیات دورہ صرف و نحو۔
1۔ضمائر و صیغوں کا اجراء قرآن کریم سے۔
2۔اردو و فارسی تراکیب کا اجراء۔
3۔حل عبارت و مطالعہ پر خصوصی توجہ۔
4۔خطاطی سیکھانے کا خاص اہتمام۔

مدرس۔
دورہ صرف و نحو کا درس صبح 8 بجے تا شام حضرت مولانا مفتی محمد جاوید صاحب (فاضل جامعہ دارالعلوم کراچی) دیں گے۔

2۔دورہ ترجمۃ القرآن الکریم۔۔۔

خصوصیات دورہ ترجمۃ القرآن الکریم۔۔۔
1۔لفظی ترجمہ پر خصوصی توجہ
2۔ربط سور آیات قرآنیہ معہ خلاصہ جات۔
3۔اصطلاحات تفسیریہ کا بیان۔
4۔حل مشکلات القرآن۔

مدرس۔
دورہ ترجمۃ القرآن الکریم کا درس فضیلت الشیخ حضرت مولانا مفتی محمد فواد صاحب (فاضل و متخصص جامعہ دارالعلوم تعلیم الاسلام ویسہ) دیں گے۔

طلبہ کرام کسی بھی ایک کورس میں شرکت کرکے اپنے وقت کو قیمتی بناسکتے ہیں۔
نیا انداز۔۔۔۔
بہترین معیار۔۔۔
کوالیفائڈ سٹاف۔۔۔

الحمدللہ۔
ادارہ اساس العلوم پنجاب چوک مانسہرہ نے ایک اور اعزاز اپنے نام کرلیا۔
آج بروز منگل مؤرخہ 23 جنوری توحید اکیڈمی چکیاء روڈ میں سالانہ مسابقہ حفظ القرآن مع التجوید ڈسٹرکٹ مانسہرہ کے اسکول و کالجز ومدارس دینیہ کے طلبہ کے مابین منعقد ہوا جس میں تقریباً 30 سے زائد امیدواروں نے حصہ لیا۔
اور اس مسابقہ کی ججمنٹ مفتی آفتاب صاحب اور مولانا قاری اجمل صاحب فرمارہے تھے۔
ادارہ اساس العلوم شعبہ حفظ کے طالب علم عبداللہ بن مشتاق نے پہلی پوزیشن حاصل کرکے اپنے ادارے اور اساتذہ کا نام فخر سے بلند کیا۔
فللّٰه الحمد والمنة علىٰ ذلك.

آج 4 اکتوبر بروز بدھ ادارہ اساس العلوم مانسہرہ کے زیر اہتمام سیرت خاتم النبیین (صلی اللہ علیہ وسلم) وتقریب اعزاز کا انعقاد ہوا جس میں الجزائر عالمی مقابلہ حسنِ قراءۃ میں دوسری پوزیشن حاصل کرنے والے ادارہ اساس العلوم کے سابق طالب علم قاری ابوبکر صاحب اور شعبہ حفاظ ایجوکیشن سسٹم صف عربی کے طالب علم محمد عثمان بن محمد افضال کی ڈسٹرکٹ مانسہرہ میں حفظ وحسن قراءۃ میں دوسری پوزیشن حاصل کرنے پر دستاربندی بھی کی گئی۔
تقریب کے مہمان خصوصی خطیب ہزارہ اسیر ختم نبوت مفتی کفایت اللہ صاحب تھے۔
#الجزائر

ادارہ اساس العلوم مانسہرہ کے زیر اہتمام سالانہ سیرت خاتم النبیین صلی اللہ علیہ وسلم کانفرنس وتقریب اعزاز برائے پوزیشن ہولڈرز۔
جس کے مہمان خصوصی خطیب ہزارہ جانشین غلام غوث ہزاروی رحمہ اللہ اسیر ختم نبوت مفتی کفایت اللہ صاحب ہونگے۔
اس دوران ادارہ اساس العلوم کے سابق طالب علم عالمی مقابلہ حسنِ قراءۃ میں الجزائر میں دوسری پوزیشن حاصل کرنے والے قاری ابوبکر صاحب تلاوت بھی فرمائیں گے اور انہیں عمامہ پہنایا جائے گا۔

#الجزائر

پنجاب چوک مانسہرہ نے ایک اور اعزاز اپنے نام کرلیا۔۔۔
پرائیوٹ و سرکاری اسکول و کالج و مدارس دینیہ کے طلبہ کے مابین ڈسٹرک سطح پر منعقد ہونے والے مقابلہ حفظ و حسن قراءۃ میں ادارہ اساس العلوم مانسہرہ شعبہ حفاظ ایجوکیشن سسٹم صف عربی کے طالب علم محمد عثمان بن محمد افضال نے دوسری پوزیشن حاصل کرتے ہوئے صوبائی سطح پر مقابلہ کیلئے کوالیفائی کرلیا۔۔۔
فللّٰه الحمد والمنة علىٰ ذلك💞