23/09/2026
🌟 شاباش ہمارے ننھے ستاروں کو! 🏆
گورنمنٹ پرائمری سکول تالاؤ کے ہونہار طلبہ سدیس خان، حارث خان، بہار علی، ملک سلمان، انعام اللہ خان، حباء بی بی، میناز بی بی، علینہ بی بی، ایشال، جویریا اور الہام بی بی نے ایک ماہ تک بہترین ڈسپلن، صفائی اور نظم و ضبط کا شاندار مظاہرہ کرکے اپنے سکول کا نام روشن کیا۔
ان کی محنت، ذمہ داری اور اچھی عادات کو سراہتے ہوئے آج سکول انتظامیہ کی جانب سے ان کی حوصلہ افزائی کے لیے مشترکہ ٹرافی پیش کی گئی۔ 🏆👏
یہ ٹرافی صرف ایک انعام نہیں بلکہ ان بچوں کی محنت، صفائی پسندی، نظم و ضبط اور بہترین کردار کا اعتراف ہے۔ یقیناً آج کی یہ چھوٹی سی حوصلہ افزائی کل کے بڑے اور ذمہ دار انسان بنانے میں اہم کردار ادا کرے گی۔
❤️ پیارے بچو! آپ سب پر فخر ہے۔ اسی جذبے، صفائی اور نظم و ضبط کو ہمیشہ قائم رکھیں۔ آپ ہی ہمارا روشن مستقبل ہیں۔
شاباش ننھے ستارو! 🌟🏆
اللہ تعالیٰ آپ سب کو علم، کامیابی اور نیک کردار سے نوازے۔ آمین۔
