Govt. High School Adam Wahin District Lodhran

آج گورنمنٹ ہائی اسکول آدم واہن لودہراں میں سالانہ رزلٹ کے ساتھ ساتھ پی ٹی ایم (Parents–Teachers Meeting) کا بھی انعقاد کیا گیا۔ اس موقع پر والدین کی بڑی تعداد نے اسکول تشریف لا کر اپنے بچوں کے رزلٹ کارڈ وصول کیے۔

والدین نے اساتذہ کرام سے ملاقات کر کے بچوں کی تعلیمی کارکردگی پر تبادلۂ خیال کیا۔ جن مضامین میں بچوں نے نمایاں کارکردگی دکھائی، اس پر والدین نے خوشی کا اظہار کیا جبکہ جن مضامین میں بہتری کی ضرورت تھی، ان کے بارے میں اساتذہ نے مفید مشورے اور رہنمائی فراہم کی۔

اس طرح کی ملاقاتیں والدین اور اساتذہ کے درمیان رابطے کو مضبوط بناتی ہیں اور بچوں کی بہتر تعلیم و تربیت میں اہم کردار ادا کرتی ہیں۔

الحمدللہ!
آج گورنمنٹ ہائی اسکول آدم واہن لودہراں میں سالانہ نتیجہ تقریب نہایت جوش و خروش کے ساتھ منعقد ہوئی۔ اس موقع پر کلاس اول سے ہفتم تک نمایاں پوزیشن حاصل کرنے والے طلبہ و طالبات کو ٹرافیز سے نوازا گیا۔ اس کے ساتھ ساتھ بچوں میں انعامات کے طور پر کتب، کاپیاں، نوٹ بکس، پینسلز، ریزر، شاپنر، پین اور دیگر اسٹیشنری بھی تقسیم کی گئی اور تمام طلبہ کو ان کے رزلٹ کارڈز دیے گئے۔

تقریب کی صدارت محترم ہیڈ ماسٹر سعید الرشید صاحب نے کی جبکہ جملہ اساتذہ کرام سکول ہذا بھی اس موقع پر موجود تھے۔ تقریب کے مہمانِ خصوصی سیٹھ عبدالحمید صاحب کے فرزندِ محترم چوہدری واجد حمید صاحب تھے، جنہوں نے اپنے دستِ مبارک سے بچوں میں ٹرافیز اور انعامات تقسیم کیے۔

اپنی گفتگو میں چوہدری واجد حمید صاحب نے اسکول کے ساتھ ہر ممکن تعاون جاری رکھنے کا یقین دلایا۔ انہوں نے بتایا کہ گزشتہ سال بھی انہوں نے مستحق بچوں کی یونیفارم اور اسٹیشنری کے لیے 40,000 روپے عطیہ کیے تھے۔ مزید برآں انہوں نے اسکول کے سولر پمپ کے لیے بھی 40,000 روپے دینے کا اعلان کیا۔

ادارہ ہذا ان کی اس گراں قدر معاونت پر تہہ دل سے مشکور ہے۔ ہم دعاگو ہیں کہ اللہ تعالیٰ انہیں مزید ترقی عطا فرمائے اور انہیں نیکی کے اس سفر میں کامیاب فرمائے۔ 🤲

تمام پوزیشن ہولڈرز طلبہ کو دلی مبارکباد 🎉 اور اساتذہ کرام کی محنت کو خراجِ تحسین پیش کرتے ہیں۔ امید ہے کہ ہمارے بچے مستقبل میں بھی اسی طرح کامیابیوں کے جھنڈے گاڑتے رہیں گے۔ 🌟

Students are ready to Learn, Grow and Spark.....
Adam Wahin Lodhran.
6th Class

"ٹائی کے بغیر یونیفارم نامکمل ہے، اور مکمل یونیفارم ہی ایک باادب طالب علم کی پہچان ہے۔" 👔✨
"جب سب بچے یکساں لباس میں کھڑے ہوں، تو لگتا ہے جیسے نظم و ضبط نے خوبصورتی کا روپ دھار لیا ہو۔" 🌼📚
Class-6 100% Uniform