Peer Sanaullah Ahmed Naqshbandi

29/09/2026

*سالکینِ سلسلہ عالیہ نقشبندیہ اور وقوفِ قلبی*
*وقوفِ قلبی*
تصوف اور خصوصاً طریقہ نقشبندیہ کی ایک بنیادی اصطلاح ہے.
*مفہوم اور تعریف*
*دائمی حضوری:* وقوفِ قلبی سے مراد یہ ہے کہ سالک (اللہ کا ذکر کرنے والا) ہر وقت اور ہر لمحہ اپنے دل (قلب) کو اللہ تعالیٰ کی یاد اور اس کی طرف متوجہ رکھے۔
*دل کی کیفیت:* اللہ تعالیٰ کے سامنے حضورِ قلب کی ایسی کیفیت جس میں دل میں اللہ کے سوا کسی اور کا خیال نہ رہے۔

*سلسلہ نقشبندیہ میں اہمیت*
📌 یہ اصطلاح حضرت خواجہ بہاء الدین نقشبند بخاری رحمۃاللہ علیہ کی بتائی ہوئی گیارہ اصطلاحات میں سے ہے۔ اور یہ حدیث نبوی ﷺ سے ثابت ہے *ان تعبد اللہ کانک تراہ فان لم تكن تراہ فانہ یراک۔* اللہ تعالیٰ کی عبادت اس کیفیت سے کریں گویا اللہ تعالیٰ کو دیکھ رہے ہیں اگر یہ کیفیت نہیں بنتی تو اس طرح کی کیفیت سے عبادت کریں کہ اللہ تعالیٰ آپ کو دیکھ رہے ہیں۔
*نیت وقوفِ قلبی*
ہر آن ہر گھڑی دل میں یہ دھیان رہے کہ میرا اللہ مجھے دیکھ رہا ہے عقیدہ سے یقین تک کا سفر کریں ہمارا عقیدہ ہے کہ اللہ تعالیٰ ہر وقت ہر کسی کو ہر جگہ دیکھتے ہیں کوئی کسی حال میں بھی اللہ تعالیٰ سے چھپ نہیں سکتا اسی عقیدہ کو دل سے یقین کریں کہ اللہ دیکھ رہا ہے۔
📌 نقشبندی سلوک میں اسے باطنی تربیت اور تزکیۂ نفس کے لیے انتہائی اہم سمھجا جاتا ہے۔ جب سالک کو وقوفِ قلبی کی نعمت حاصل ہو جاتی ہے تو خلوت و جلوت برابر ہوجاتی ہے بندہ تنہائی میں بھی گناہ اور اللہ تعالیٰ کی نافرمانی سے محفوظ ہو جاتا ہے۔
*حصول کا طریقہ*
📌 حضرت جی رحمۃاللہ علیہ فرمایا کرتے تھے کہ صبح سے شام تک مسنون دعاؤں اور اذکار کا اہتمام کرنے سے وقوفِ قلبی کی کیفیت حاصل کرنے میں بڑی مدد ملتی ہے۔
*وقوفِ قلبی کا مقصد* دینی مصروفیات ہو یا دنیاوی کام کسی حال کے دوران بھی دل کو غافل نہ ہونے دینا اور باطنی طور پر اللہ سے جڑے رہنا ہے
*🖋️ دست بکار دل بیار*
یعنی ہاتھ کام کاج میں مصروف اور دل اللہ رب العزت کی یاد میں مشغول۔
*فائدہ*
اس کا ایک فائدہ یہ کہ گناہوں سے زندگی پاک ہو جاتی ہے اور اعمال میں اخلاص و للہیت نصیب ہوجاتی ہے۔
اللہ تعالیٰ ہم سب کو یہ نعمت عطاء فرمائیں آمین۔
*والسلام*
فقیر ثناءاللہ احمد نقشبندی مجددی
خانقاہ معھدالسالکین نقشبندیہ لیہ

29/09/2026

حضرت مجدد الف ثانی رحمۃ اللہ علیہ کی خدمات/مختصر بیان مولانا پیر ثناءاللہ احمد نقشبندی مجددی مدظلہ

28/09/2026

مشائخ سلسلہ اللہ کا لشکر ہیں

28/09/2026

نقشبندی سلوک مختصر بیان مولانا پیر ثناءاللہ احمد نقشبندی مجددی دامت برکاتہم

26/09/2026

دو سوال ؟ مختصر نصیحت

25/09/2026

شہوت کا لفظ اشتہا سے لیا گیا ہے جس سے صرف وہ شہوت مراد نہیں جو مرد کو عورت کو طرف ہوتی ہے بلکہ اس میں کھانے پینے کی اشتہا ، نگاہوں کا غلط استعمال ، فضول خیالات یہ سب شامل ہیں
پہلے سبق لطیفہ قلب پر مراقبہ کرنے سے یہ جو چسکے ہیں وہ کنٹرول میں آجاتے ہیں نگاہوں کا کنٹرول آسان ہوجاتا ہے ، خیالات کنٹرول میں آجاتے ہیں ، غیر ضروری شہوت کنٹرول ہوتی ہے ، کھانے پینے کے چسکے ختم ہوجاتے ہیں
ایک سالک کیلیے ضروری ہے کہ وہ پہلے سبق پر زیادہ سے زیادہ محنت کرے کیونکہ یہ بنیاد ہے اور اسی سے دل کی صفائی شروع ہوتی ہے

24/09/2026

۔۔۔۔۔۔۔۔۔۔۔۔۔مراقبہ میں خیالات۔۔۔۔۔۔۔۔۔۔۔۔۔
جب سالک شروع شروع مراقبہ میں بیٹھنا شروع کرتا ہے تو ادھر ادھر کے خیالات بھی آتے ہیں حالانکہ خیال یہ رکھنا ہوتا ہے کہ اللہ تعالی کی طرف سے رحمت میرے دل میں آرہی ہے میرا دل پاک صاف ہو کر کہہ رہا ہے اللہ اللہ اللہ اور میں اپنے کانوں سے سن رہا ہوں مگر شروع میں ہوتا یہ ہے کہ جیسے ہی اس خیال سے سالک بیٹھتا ہے تو ادھر ادھر کے اچھے برے خیالات آنا شروع ہو جاتے ہیں تو سالک مراقبہ ہی چھوڑ دیتا ہے کہ خیال تو جم نہیں رہا تو کیا فائدہ۔
تو اس وقت کرنا یہ ہوتا ہے کہ بندہ ان خیالات کی طرف توجہ نہ دے بلکہ ایک ہی خیال جمانے کی کوشش کرتا رہے کہ اللہ رب العزت کی طرف سے میرے دل میں انوارات آرہے ہیں رحمت آ رہی ہے اور میرا دل پاک صاف ہو کر کہہ رہا ہے اللہ اللہ اللہ
اور یہ بات یاد رکھیں کہ مراقبے میں ذکر کرنا نہیں ہوتا بلکہ مراقبے میں دل کا ذکر سننا ہوتا ہے کہ دل اللہ اللہ کر رہا ہے میں سن رہا ہوں
اس وجہ سے کہ ادھر ادھر کے خیالات آ رہے ہیں تو کیا فائدہ بیٹھنے کا مراقبہ چھوڑ نہیں دینا چاہیے بلکہ اپنا وقت پورا کرنا چاہیے اور پورے وقت میں جتنے بھی خیالات اتے رہیں ان کو ہٹاتے رہیں ان خیالات کے ہٹانے کو مجاہدہ کہتے ہیں اس مجاہدے پر بھی اللہ تعالی برکات نصیب فرماتے ہیں فیض عطا کرتے ہیں اور اس کی برکت سے بھی اللہ تعالی ولایت کے درجات عطا فرماتے ہیں کہ ایک بندہ بیٹھا اللہ کے ذکر میں مشغول ہونا چاہتا ہے مگر ادھر ادھر کے خیالات اس کو تنگ اور پریشان کر رہے ہیں لیکن وہ ان خیالات سے اپنی جان چھڑوا کر پھر اللہ اللہ کے ذکر کی طرف متوجہ ہونا چاہ رہا ہے ۔ تو یہ کوئی عام کام نہیں ہے بہت اہم کام ہے اور باعث اجر ہے اور اس پر بھی اللہ تعالی رحمت فرماتے ہیں لہذا اپنا وقت پورا کرنا چاہیے اور مراقبے کا جو وقت 15 20 منٹ ہوتا ہے اس کو مکمل کریں اور پھر اخر میں دعا کر لیں کہ یا اللہ میں نے جو ٹوٹا پھوٹا مراقبہ کیا آپ کی یاد میں وقت گزارا اپنے نام کے ذکر کی برکات عطاء فرما دیجئے اور میرے لیے ذکر آسان فرما دیجئے اور اپنی بارگاہ میں قبول فرما لیجیے اور ائندہ بھی مجھے اپنی رحمت سے اپنے ذکر کی توفیق عطا فرما دیجئے۔
ادھر ادھر کے خیالات وقت گزرنے سے کم ہوتے جائیں گے ان شاءاللہ ایک وقت آئے گا دل میں اللہ تعالٰی کی یاد کے علاوہ کچھ باقی نہیں رہے سب خیالات ختم ہو جائیں گے ان شاءاللہ۔
اللہ تعالیٰ سب کو اپنی یاد نصیب فرمائیں اور اپنے مقبول بندوں میں شامل فرمائیں آمین
ثناءاللہ احمد نقشبندی مجددی غفرلہ

24/09/2026

تصوف کا مقصد:
مختصر بیان: مولانا پیر ثناءاللہ احمد نقشبندی مجددی مدظلہ

23/09/2026

مختصر بیان:
تصوف کیا ہے؟
مولانا پیر ثناءاللہ احمد نقشبندی مجددی دامت برکاتہم

22/09/2026