Yasir Writes

Ukraine Conundrum

History is witnessed of such happenings, where in the adventures of world players, mediocre and fragil states have been suffered. Tense and dense situation in trembeling Ukraine is one of them .When the cold war came to an end resultant in the dispersion of USSR, in late 1980s,two giants: George Bush from west and Gorbachev from Russia agreed on NATO's 'no more expansion . The deal was done and the bird of cold war was wrapped.

Pro-Western approaches from Ukrainian government annoyed her ex-boss(Russia) but the rumours mixed facts about Ukrain's intention of joining NATO, added fuel to the fire, and thus Russian invasion took place . Russian troops with heavy weapons and modern artillery, entered into the territories of Ukraine from three sides.Destruction has already done its job as chaos,bloodshed and casualties are there. Many cities have been destroyed by Moscow and the capital of Ukraine is yet to be seized. History is relevant but history does not justify this wrong.

Beyond doubts, Russian advancement will invite world powers to back Ukraine militarily and economically in this hour of trial. Organizations like AUKUS,QUAD and NATO's support to Ukraine will definitely engage eastern powers, like China to stand firm with Russia.If the predictions of this kind of break and join turn into reality, then the consequences would be catastrophic and devastating.

ووٹ مݰکاک چورُوٹی مامو شوکھور مشقولگی

نیویشک: یاسرخان

کافی مودہ پروشٹو لو لہ تھے شرانہ نیشی کیا کوروم نو لے موباٸلو سُم سپھئیمان،ہانیہ تان موش بیریو دروازا یی نیستاٸے،بیکو تروٸے نفری وا ہتوغو سُم اسونی،ہیتان پھُک داراکہ دومان لیکن ہتے ایغو کیا ہوݰ نو اریتام۔ متے ݰوٸیکو لوڑیتام کی جام چوروٹی موش لہ ،ریگیݰ جام ݰٸیلی ساٶزئے شیر،زپان ٹین لوہا دیتی اسور ،اشپیرو کھپوڑ سورو دیتی شیر،جام بدنوسُم فٹ واسکٹ انجی شیر مہ خیالہ جم درزیو ݯاکئے تان بچین ساٶزئیرو بوٸے،بیکو بوٹھان لوؤ تان نو دیت ہݰ چمک کونیان کی کورا شیشہ نسو ٹیکہ یور توریرو غون۔ بس ہݰ ریکو بوس کی اکشے کمار لا اکشے کمار۔

گیتی مہ نسہ ہاۓ، سلام بشار احوال ہوئے بیکو دادو بشارو کوریتاٸے،اوا ریم کی ہیا کورا بی اسور بس گیکو بیتی اسور۔ ہانیہ مہ تین ریر کی مہ ہتے کاٸی کپوٸی بی اسور اوا ریم کی لیشانتین جوش دریکو بی اسور۔بیکو متین ریر کی تان میکیو بچین دعا کوچے ہسے وفات بیکو گیکو نو بیتام،اوا دی حیران کی میکیو لوؤ دویان رے۔ ہݰ کوری تقرباً 15 منٹو موژی 10دفعہ دعا کوریتاٸے، مختصر ہݰ کی ای سالو موژی دیہہ کندوری کی بریک بیتی شینی سفان بچین غیژی غیژی دعا کوریتاٸے۔اوا دی حیران ہیہ ہموش شوکھور موش کورا استاٸے بو چرق دی ہوتام اولو دفعہ کوس مہ نسہ دعا کوریک وا ہسے دی ای وختہ جوش پونج نفریان بچین۔

عرض ہݰ کی موضوعو بدل کوریتاٸے۔مہ دورو رویان بارا تیتان صحتو بارا،څیڅقان تعلیمو بارا بو درونگار مشقولگی کورتاٸے۔اچی متین ریر کی تہ سُم تعلیم کندوری شیر اوا ریم کی میکی ہیہ سال جوش ݯھوٸے پورا کوریتام۔بیکو بو خوشان بیتی ریر کی تان کاغذان متین دیت مہ ای ملگیری اسور ہتوسُم لو دیتی ہسپتالہ تہ چوکیدار وردی کوم۔ ہمی مشقولگی چالو اوشونی بیکو مہ دادا دی نان دی ہانی۔ہے چوروٹی نفری ہتیتان سُم کُوٸی نو بیچئیتاٸے لہ ہݰ سراٶ اوشتاٸے کی مہمان ہس نولہ بلکہ مہ دادا اوچے مہ نان۔ چاۓ پی جام گرم مشقولگی کوری،سالو دعان چھینی وا مہ نوکر کوری بیکو ٹاٸما ریر کی۔پسہ تین ریک کیہ ضروری نولہ تو مہ شیرین کاٸے تہ تتو اوچے مہ تت ای دورو جمیلی وا برار ریکو مہ دادوتین برار تان گوٸے،وا دی پسہ تین ریمان ووٹو انوس چٸرمینیو بچین مہ ہے انتخابی نشان واسکٹو وٶٹ دیور۔

پیشکش: #مئیرݯھترار

مہ قاتل مہ نان تت

نیویشک: یاسر خان

چھوئے برابر بیتی اوشوئے اوا چان غیژی ملگیریو دورار تان دوروتین راہی کوریتم۔ کیاوت کی تیز تیز قدم لکھی ای قبرستانو نسین نیستم ای قبرار گیاک بوختناسو ہواز مہ تان ویݰکی متوجہ اریر۔ ای لمحو بچین جو مݯھہ ہوتم کی ہوازو کار کومہ نوا رے۔۔ آخرکار نفس مہ قاٸل اریر خور اوا ہاتے قبرو نسہ بی نیشیتم۔

قبرو اندرینار گیاک ہواز مسوم مخاطب بیتی تانسوم بیرو واقعو ہموݰ بیان اریر۔10سال پروشٹو قصہ کیاوت کی اوا تہ غونہ شییلی شکلوسوم خور مضبوط تھنوسوم تن زمانو جوان اوشوتم۔سکولو دورا مہ مستقبلہ ای لوٹ صحافی بیکو شوق اوشوئے خور ہے وجہین مہ ذہنی جھکاٶ دی پاک اسٹڈی،پولیٹکل ساٸنس وا صحافتو سوم متعلقہ مضامینان ویݰکی بو زیاد اوشوٸئے۔2012اوا بو جام نمبران سورا میٹرک کوریتم خور تان شوقو پروشٹہ لکھی آرٹس گورپہ داخلہ کوریکو بچین تن ذہنو برابر کوریتم۔ای انوس شامہ مہ دادا گیتی مہ سم مشورہ کوری ریرکی مہ ژاٶ بو جم کالجہ تہ داخلہ ہوٸے۔ شکر کورے ۔۔اوا تہ داخلہ فارمان تن کالجہ التی جمع کوریستم۔چھوچی کالجوتن اف بوغے۔وا سبقان جام رے لوٹ ڈاکٹر بیتی مہ موخو روشت کو۔۔
ہین ای لو وا تتین دومن ہے بیالوجیا کیاغ رے مضمون شاک بیراٸے ہو جام راٶے کوریکو ڈاکٹر بیکو بچین ہیس بو ضروری مضمون بیراٸے۔

مہ ݰئیلی دادا اوا صحافت رے حامد میر وا کامران خان غونہ لوٹ صحافی بیک مݰکیمان اور ہے بچین آرٹس گروپہ بیک ضروری۔کیاوت کی ہیہ لوٶ دادوتین پھریتم مہ داد ہموݰ جواب پراٸے۔تہ آرٹس گروپ کوم ہیہ زمانہ کا آرٹس رینیا ہا۔ غریب رویان اژیلی دی سف ساٸنس گنینیان تو آرٹس گانیمان ریسان،وا ہے لوٶ کی پراٶ تہ نابہیل کوم اور ہیہ دُورار تان تہ ویݰئیم۔
پورا چھوٸے اوا کیڑیتم چھوچی بیکو بستران بارے کالجو ہاسٹلو ویݰکی راہی کوریتم۔

اگرچہ ساٸنسوتے مہ شوق بالکل دی نو اوشوٸے مگم تان دادو ڈاکٹر بیکو خوشپو پورا کوریکو بچین جو سال سخت محنت کوریتم۔تان ویݰکیار کیہ قسمہ کی محنت مہ واسہ اوشوٸے کوریتم لیکن مہ اندرینار ہمیشہ ہیہ ہواز گیاٶشتاٸے کی صحافت،صحافت۔
ہݰ بیتی ٢ سال مکمل ہوٸے ۔
وا ای انوس ایف ۔ایس۔ سی نتیجہ دی ہانی۔ مہ امیدو مطابقہ جوش ای شورو موژار مہ سوت شور اوچے جو بیشیر جوش نمبر ہانی وا اوا ہے نمبران سم مطمٸن دی اوشوتم۔
مگم مہ دورو رویان کیہ قسمہ ری ایکشن دونی ہیہ لو مہ ہردیو ژیباٶشتاٸے۔

ریزلٹ گیتی ہے انوس جو بجہ پیشینو ݰپیکو بچین تن دورو رویان نسی گیتی نیشیتم۔سفانسار نست مہ نان مہ ویݰکی لوڑی متین ریتاٸے۔ لک رحمت لا تت جمہ ہنون دوست دݰمانو پروشٹہ اسپہ موخو موڑو کوریتاٶ۔پورا دیہو ڈقان دی کوموران دی اوشٹ شورار زیاد نمبر گانیتانی مگر ای تو نابہیل نو بیتاٶ۔
ہانیہ تان مہ دادا ای غیری ریر کی تان گوچہ احمدو ژاوٶ لوڑے ای ہزار نمبر گنی اسور تہ شرم نو بویان تہ بے شرمو۔
ہر مسی جوش ہزار روپیہ تتین دیتی تہ ہاسٹلہ ہالے تتین سبق دیکو تو ہاسٹلہ باگوڑاٸی کوری ہنون ہے نمبران گنی پورا دیہو رویان پروشٹہ اسپہ شرمندہ کوریتاٶ۔ سبق ریکو اینگار دی نو بیتاٶ۔ تتین کورا پھوک دوکان دوم ہاتیرا نیشی تان وختو پاس کو تو کوٸے نو توریکی۔
مہ لوٹ برار دی اتے نسہ نیشی اسیتاٸے اسے متین ریر کی 750نمبران گنی تیہ ہیش کیہ مستقبل نیکی تو جم کی کوریتاٶ مہ ای ملگیری اسور موٹر ساٸیکلان مسری ہاتو نسہ تہ پیسوم،
ہاتوسوم ہال بیتی تانتین کھاسپ ݯیݯھے۔

ہمی لووان کار کوری مہ کھاک غیردی ہاٸے۔متین مہ مستقبل بے مقصد وا بو بے معنی سریتاٸے۔متین ہݰ سریتاٸے کی مہ زندگیو خور مہ وجودو ہیش کیہ حیثیت نو شک بیراٸے۔ تان کمراٸی بغاتم،تھوٶئیکو لوڈ کورتم ہے موژی مہ لوٹ صحافی بیکو ہتے خوشپ مہ یادی ہانی وا ای فاٸرو سورا تان زندگیو تان ہوستین ختم اریتم۔

پیشکش: #مئیرݯھترار

#یاسرخان