Islamic Reflection

22/08/2026

یہ بچی اپنا تعلق ملتان سے بتاتی ہے اور اس وقت بھکر سٹی تھانے میں موجود ہے۔ اگر کوئی اس بچی کو جانتا ہو یا اس کے والدین و لواحقین سے واقف ہو تو براہِ کرم بھکر سٹی تھانے سے رابطہ کریں۔

رابطہ نمبر: 0453921435“
"Please share it on your social media to support her.”

22/08/2026

*فہم قرآن کیلئے روزانہ کا مختصر سبق۔*

*22 اگست، 2026ء*

*درس قرآن *

*سورۃ الحج آیت 18 (¡¡)*

*وَ کَثِیۡرٌ مِّنَ النَّاسِ ؕ وَ کَثِیۡرٌ حَقَّ عَلَیۡہِ الۡعَذَابُ ؕ وَ مَنۡ یُّہِنِ اللّٰہُ فَمَا لَہٗ مِنۡ مُّکۡرِمٍ ؕ اِنَّ اللّٰہَ یَفۡعَلُ مَا یَشَآءُ ﴿ؕٛ۱۸﴾*

*لفظی ترجمہ*
*وَ کَثِیۡرٌ مِّنَ النَّاسِ* اور بہت سے لوگوں میں سے *وَ کَثِیۡرٌ* اور بہت سے *حَقَّ* ثابت ہوگیا *عَلَیۡہِ الۡعَذَابُ* ان پر عذاب *وَ مَنۡ* اور جس کو *یُّہِنِ اللّٰہُ* ذلیل کر دے اللہ *فَمَا لَہٗ* تو نہیں اس کے لیے *مِنۡ مُّکۡرِمٍ* کوئی عزت دینے والا *اِنَّ اللّٰہَ* بیشک اللہ *یَفۡعَلُ* کرتا ہے *مَا یَشَآءُ* جو چاہتا ہے ۔

*سلیس ترجمہ*
اور بہت سے لوگ (بھی اسی کو سجدہ کرتے ہیں) ، اور بہت سے لوگ ایسے بھی ہیں جن پر (ان کی سرکشی کی وجہ سے) عذاب کا استحقاق ہوچکا ہے، اور اللہ جسے ذلیل کر دے تو اسے کوئی عزت دینے والا نہیں ہے۔ یقیناً اللہ جو چاہتا ہے کردیتا ہے ۔

*تشریح*
یعنی جس طرح سورج، چاند، ستارے، پہاڑ، درخت اور جانور اللہ کی طرف سے دی ہوئی ذمہ داریاں پوری کر رہے ہیں اور اس کے سامنے سجدہ کرتے ہیں، اسی طرح بہت سارے صحیح الفطرت انسانوں کے سر بھی اس کے سامنے جھکے ہوئے ہیں، انہوں نے اپنی زندگی کو اللہ کی مرضی کے تابع کر رکھا ہے، وہ برضا و رغبت اللہ کے سامنے سجدہ ریز ہوتے ہیں اور اپنے رب کے سوا کسی دوسرے کے سامنے نہیں جھکتے۔ لیکن بہت سارے انسان ایسے بھی ہیں جنہوں نے اللہ کی طرف سے دیے ہوئے اختیار آزادی کا غلط استعمال کیا ہے اور باقی تمام مخلوقات کے ساتھ ہم آہنگ ہونے کے بجائے اللہ کے احکام سے سرکشی کی۔ اللہ نے انہیں جو اشرف المخلوقات ہونے کا شرف بخشا تھا، اپنی شامت اعمال سے انہوں نے اسے اپنے لیے سب سے بڑی گمراہی اور ذلت کا سبب بنا دیا۔ جب ساری مخلوقات اللہ کے سامنے جھکتی اور سجدہ کرتی ہیں تو پھر عقل سے کس قدر عاری ہیں وہ لوگ جو اللہ کو سجدہ کرنے کے بجائے ان کو سجدہ کرتے ہیں جو خود اللہ کو سجدہ کرتے ہیں۔
*وَ مَنۡ یُّہِنِ اللّٰہُ فَمَا لَہٗ مِنۡ مُّکۡرِمٍ ؕ*
اور جسے اللہ تعالیٰ اس کی سرکشی و نافرمانی کی وجہ سے انسانی عزت و شرف سے محروم کر کے ذلیل و رسوا کر دے تو اسے ذلت سے نکال کر عزت دینے والا کوئی نہیں۔
اس آیت کو ہر پڑھنے، سننے والے پر سجدہ لازم ہے تاکہ وہ بھی کائنات کی تمام چیزوں کے ساتھ سجدہ میں شامل ہو جائے۔
صبح بخیر زندگی
سلامت رہیں ۔

22/08/2026

﷽!

And seek forgiveness of Allah; indeed, Allah is Forgiving, Most Merciful❣️
And seek forgiveness from Allah—surely Allah is the Forgiving, the Merciful
✨❤️
Indeed!
Peace be upon you!
Good morning!
Stay
Blessed .

21/08/2026

The pattern is hiding in plain sight! 👀

What number should replace the question mark?

21/08/2026

Can you figure out which number comes next?

21/08/2026

21/08/2026

,, لاکھوں درود اور کروڑوں سلام میرے پیارے آقا محمد صلی اللّہ علیہ وآلہ وسلم پر۔جمعہ مبارک ہو ۔
درود شریف پڑھ لیں ۔جزاکم اللّٰہ خیر

21/08/2026

*فہم قرآن کیلئے روزانہ کا مختصر سبق۔*

*21اگست، 2026ء*

*درس قرآن *

*سورۃ الحج آیت 17*

بِسْمِ اللّٰهِ الرَّحْمٰنِ الرَّحِيْمِ.

*اِنَّ الَّذِیۡنَ اٰمَنُوۡا وَ الَّذِیۡنَ ہَادُوۡا وَ الصّٰبِئِیۡنَ وَ النَّصٰرٰی وَ الۡمَجُوۡسَ وَ الَّذِیۡنَ اَشۡرَکُوۡۤا ٭ۖ اِنَّ اللّٰہَ یَفۡصِلُ بَیۡنَہُمۡ یَوۡمَ الۡقِیٰمَۃِ ؕ اِنَّ اللّٰہَ عَلٰی کُلِّ شَیۡءٍ شَہِیۡدٌ ﴿۱۷﴾*

*لفظی ترجمہ*
*اِنَّ الَّذِیۡنَ اٰمَنُوۡا* بیشک جو لوگ ایمان لائے *وَ الَّذِیۡنَ ہَادُوۡا* اور جو یہودی ہوئے *وَ الصّٰبِئِیۡنَ* اور ستارہ پرست *وَ النَّصٰرٰی* اور عیسائی *وَ الۡمَجُوۡسَ* اور مجوسی *وَ الَّذِیۡنَ اَشۡرَکُوۡۤا* اور جنہوں نے شرک کیا *اِنَّ اللّٰہَ* بیشک اللہ *یَفۡصِلُ* فیصلہ کرے گا *بَیۡنَہُمۡ* ان کے درمیان *یَوۡمَ الۡقِیٰمَۃِ* قیامت کے دن *اِنَّ اللّٰہَ* بیشک اللہ *عَلٰی کُلِّ شَیۡءٍ* ہر چیز پر *شَہِیۡدٌ* گواہ ہے۔

*سلیس ترجمہ*
اللہ تعالیٰ قیامت کے دن اہل ایمان، یہودیوں، ستارہ پرستوں، عیسائیوں، مجوسیوں اور مشرکوں کے درمیان خود فیصلہ کرے گا، اللہ تعالیٰ ہر ہر چیز پر گواہ ہے۔

*تشریح*
دنیا کے اندر مختلف گروہ ہیں جو اپنے غلط عقائد و نظریات پر اس قدر مضبوط ہیں کہ قرآن کریم کے واضح دلائل کے باوجود حق کو تسلیم نہیں کرتے اور اپنی ضد پر قائم ہیں اور کہتے ہیں کہ قیامت کے دن ہم ہی کامیاب ہوں گے اور جنت میں جائیں گے۔
در حقیقت گروہ تو دو ہی ہیں۔ ایک گروہ اہل ایمان کا ہے اور دوسرا کافروں کا۔ کافروں کے اندر پانچ گروہ یہاں ذکر کیے گئے ہیں۔ یہودی، عیسائی، صابی (ستارہ پرست )، مجوس (آتش پرست) اور مشرک۔ کیونکہ یہ سب مسلمانوں کے مقابلے میں ایک ہی ہیں۔
قرآن کریم کی واضح آیات نے یہ فیصلہ کر دیا ہے کہ مسلمان حق پر ہیں اور جنت میں جائیں گے باقی تمام کافروں کے گروہ باطل پر ہیں اور جہنم میں جائیں گے۔ لیکن یہاں دنیا میں یہ فیصلہ اگر کوئی نہیں مانتا تو قیامت کے دن عملی طور پر آخری فیصلہ ہو جائے گا اور اس فیصلے کے نتائج بھی سب دیکھ لیں گے اور تسلیم بھی کر لیں گے، اہل ایمان جنت میں چلے جائیں گے اور کافر جہنم میں۔
*وَ الَّذِیۡنَ اَشۡرَکُوۡۤا* (وہ لوگ جنہوں نے شرک کیا) اس سے مراد عرب اور دوسرے ملکوں کے وہ مشرک ہیں جنہوں نے مذکورہ بالا گروہوں میں سے کسی کا نام اختیار نہیں کیا جیسے درختوں، بتوں اور گائے کے پجاری ہندو وغیرہ۔ قرآن انہیں *مشرکین* یا *الذین اشرکوا* کے نام سے یاد کرتا ہے، اگرچہ موحد مسلمانوں کے علاوہ مذکورہ بالا تمام مذاہب میں کسی نہ کسی طرح کا شرک ضرور پایا جاتا ہے۔
*اِنَّ اللّٰہَ عَلٰی کُلِّ شَیۡءٍ شَہِیۡدٌ ﴿۱۷﴾۔* اللہ تعالٰی پر کوئی چیز پوشیدہ نہیں ہے، وہ سب کے عقائد و نظریات اور اعمال سے باخبر ہے۔ اس لیے قیامت کے دن وہ بالکل صحیح صحیح فیصلہ سنائے گا اور کسی کے ساتھ ظلم و نا انصافی نہ ہوگی۔
یہود، نصاریٰ اور صابیوں کے بارے میں تفصیلاً سورۂ بقرہ وغیرہ میں بیان ہو چکا ہے ۔
فرقۂ مجوس کا تعارف یہ ہے کہ ان کا دعویٰ ہے کہ ہم زرتشت نبی کی امت ہیں، جن کا زمانہ ساڑھے پانچ سو سال قبل مسیح بتایا جاتا ہے۔ اُن کا وطن مشرقی ایران میں خوارزم کا کوئی حصہ تھا، لیکن یہ لوگ توحید کے بجائے دو خداؤں کے قائل ہو گئے۔ ایک *یزدان* جسے خیر کا اور بڑا خدا قرار دیتے ہیں اور دوسرا *اہرمن* جسے شَر کا اور چھوٹا خدا قرار دیتے ہیں۔ وہ کہتے ہیں کہ کائنات انہی دونوں خداؤں کی آویزش کی تماشا گاہ ہے اور آخری کامیابی یزدان کی یقینی ہے۔ انہیں اصل دھوکہ شیطان یا ابلیس کے تخیّل سے لگا اور اسے چھوٹا خدا فرض کر لیا۔
ان کی عبادت گاہیں، ان کے آتش کدے ہوتے ہیں۔ یہ اپنے مردوں کو دفنانے یا جلانے کے بجائے بغیر چھت کے کھلی ہوئی عمارتوں میں رکھ دیتے ہیں تاکہ چیل گدھ وغیرہ انہیں نوچ نوچ کر کھا لیں۔ اور عرف عام میں یہ آتش پرست کہلاتے ہیں، یہ مورتیوں کو نہیں پوجتے، ان کی مذہبی کتاب کا نام اوستا ہے۔
یہ لوگ ہندوستان میں پارسی کہلاتے ہیں اور دنیا میں ان کی سب سے بڑی آبادی ہندوستان میں ہے، خصوصاً بمبئی شہر میں۔ ایران کے بھی ایک دو شہروں میں ان کا وجود باقی ہے اور ان کی مجموعی آبادی ایک لاکھ کے قریب ہے.

20/08/2026

Can you crack it? 🔥

20/08/2026

📚 🖋🌙

*فہم قرآن کیلئے روزانہ کا مختصر سبق۔*

*19اگست، 2026ء*

*درس قرآن *

*سورۃ الحج آیت 16*

بِسْمِ اللّٰهِ الرَّحْمٰنِ الرَّحِيْمِ.

*وَ کَذٰلِکَ اَنۡزَلۡنٰہُ اٰیٰتٍۭ بَیِّنٰتٍ ۙ وَّ اَنَّ اللّٰہَ یَہۡدِیۡ مَنۡ یُّرِیۡدُ ﴿۱۶﴾*

*لفظی ترجمہ*
*وَ کَذٰلِکَ* اور اسی طرح *اَنۡزَلۡنٰہُ* ہم نے نازل کیا اس کو *اٰیٰتٍۭ بَیِّنٰتٍ* واضح آیات *وَّ اَنَّ اللّٰہَ* اور بیشک اللہ *یَہۡدِیۡ* ہدایت دیتا ہے *مَنۡ* جس کو *یُّرِیۡدُ* چاہتا ہے ۔
*سلیس ترجمہ*
اور اسی طرح ہم نے قرآن کو واضح آیات کی صورت میں نازل کیا ہے اور اللہ جسے چاہتا ہے ہدایت سے نوازتا ہے ۔

*تشریح*
قرآن کریم کی آیات، الفاظ اور معانی و مفہوم کے لحاظ سے بہت واضح ہیں، یہ اللہ کی طرف سے اس کے بندوں پر حجت ہے۔ ہدایت اسی کے ہاتھ میں ہے وہ جسے چاہے عطا کر دیتا ہے اور یہ اسے ملتی ہے جو عقل و بصیرت سے کام لیتا ہے اور اللہ کی طرف رجوع کرتا ہے۔ ضدی، ہٹ دھرم اور نافرمان لوگوں کو ہدایت نصیب نہیں ہوتی اور نہ یہ نعمت اللہ تعالٰی کسی کو زبردستی دیتا ہے۔

اپنا بہت سارا خیال رکھیں ۔
صبح بخیر
سلامت رہیں ۔