Al haram online Qur'an education centre

ترجمہ: ابو ثابت یا ابو سعید یا ابو ولید سَہْل بِنْ حُنَیْف رَضِیَ اللہُ تَعَالٰی عَنْہُ جو کہ بدری صحابی ہیں ان سے مروی ہے کہ شہنشاہِ خوش خصال، پیکرِ حُسن وجمال صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا : ’’جو شخص سچے دل سے اللہ عَزَّوَجَلَّ سے شہادت کا سوال کرے اللہ عَزَّوَجَلَّ اسے شہداء کے مرتبے پر فائز فرمائے گااگر چہ وہ اپنے بستر پر ہی فوت ہو ۔ ‘‘

ترجمہ : حضرتِ سَیِّدُنا ابو ہریرہرَضِیَ اللہُ تَعَالٰی عَنْہُ سےروایت ہے ، رسولِ اَکرم ، شاہ ِبنی آدمصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : ’’ اس شخص کی ناک خاک آلود ہو ، پھر اس کی ناک خاک آلود ، پھر اس کی ناک خاک آلود ہو کہ جو والدین میں سے ایک یا دونوں کو بڑھاپے میں پائے اور (ان کی خدمت کرکے) جنت میں داخل نہ ہو۔ “

ترجمہ:حضرتِ سَیِّدُنا عَبْدُاللہ بِنْ مَسْعُوْد رَضِیَ اللہُ تَعَالٰی عَنْہُ فرماتے ہیں : گویا کہ میں اب بھی حضور صَلَّی اللہُ تَعَالٰی عَلَیْہِ وَاٰلِہٖ وَسَلَّمکو دیکھ رہا ہوں ، جب آپصَلَّی اللہُ تَعَالٰی عَلَیْہِ وَاٰلِہٖ وَسَلَّم ایک نبی عَلَیْہِ السَّلَام کے بارے میں بیان فرمارہے تھے کہ اُن کی قوم نے اُنہیں اس قدر مارا کہ لہو لہان کر دیا اور وہ اپنے چہرئہ انور سے خون پونچھتے ہوئے فرمارہے تھے: یااللہ ! میری قوم کو بخش دے یہ (مجھے )جانتے نہیں۔

ترجمہ : حضرت سَیِّدنا ابو ہریرہرَضِیَ اللّٰہُ تَعَالٰی عَنْہ سے روایت ہے ، تاجدارِ رِسالت ، شہنشاہِ نبوت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : ’’بے شک قیامت کے دن ایک بڑااورموٹا آدمی آئے گا جس کاوزناللہ عَزَّ وَجَلَّ کے نزدیک مچھر کے پر کے برابر بھی نہ ہوگا۔ ‘‘

ترجمہ: حضرتِ سَیِّدُنا ابو سعید خدری اور حضرتِ سَیِّدُنا ابو ہریرہ رَضِیَ اللہُ تَعَالٰی عَنْہما نبیِّ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے روایت کرتے ہیں کہ’’مسلمان کو تھکاوٹ ، بیماری، غم، تکلیف وغیرہ حتی کہ کانٹا بھی چُبھ جائے تو اللہ عَزَّوَجَلَّ اس کے بدلے اس کے گناہ مٹا دیتا ہے۔ ‘‘ ’’وَصَب‘‘ بیماری کو کہتے ہیں۔

ترجمہ : حضرت سَیِّدُنا ابوہریرہرَضِیَ اللّٰہُ تَعَالٰی عَنْہسے روایت ہے ، رسولِ اَکرم ، شاہ ِبنی آدمصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے (بارگاہِ الہی)میں عرض کی : ’’اےاللہ عَزَّ وَجَلَّ!میں دو کمزور انسانوں یتیم اور عورت کا حق (ضائع کرنا خاص طور پر) حرام قرار دیتاہوں۔ ‘‘

ترجمہ:حضرتِ سَیِّدُنا عابِس بن ربیعہرَضِیَ اللّٰہُ تَعَالٰی عَنْہُ سے مروی ہےکہ میں نےحضرتِ سَیِّدُنا عمر بن خطابرَضِیَ اللّٰہُ تَعَالٰی عَنْہُ کو دیکھا کہ حجر اسود کو بوسہ دیتے ہوئے فرما رہے تھے : ’’ میں جانتا ہوں کہ تو ایک پتھر ہےجو نفع و نقصان نہیں پہنچا سکتا ۔اگر میں نےرسول اللہصَلَّی اللہُ تعَالٰی عَلَیْہِ وَاٰلِہِ وَسَلَّم کو تجھے بوسہ دیتے نہ دیکھا ہوتا تو میں تجھے بوسہ نہ دیتا۔ ‘‘

ترجمہ:حضرت سَیِّدُنَاعبداللہ بن عباس رَضِیَ اللّٰہُ تَعَالٰی عَنْہُمَاسے روایت ہے کہ حضور نبی کریم رؤف رحیمصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے اِرشادفرمایا: ’’ تندرستی اورفراغت دو نعمتیں ایسی ہیں کہ اکثر لوگ اُن کی وجہ سے خسارہ اٹھاتے ہیں یا ان سے دھوکا کھاتے ہیں ۔ ‘‘

ترجمہ : حضرتِ سَیِّدُناابوسعید خدری رَضِیَ اللہُ تَعَالٰی عَنْہُ فرماتےہیں کہ میں نےرسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّم کو یہ فرماتے سنا کہ ’’تم میں سے جو شخص کسی برائی کو دیکھےتو اسے اپنے ہاتھ سے بدل دےاور اگر اس کی طاقت نہیں رکھتاتوزبان سے روکے اور اگر اس کی بھی طاقت نہیں رکھتا تو دل ہی میں بُرا جانے اور یہ ایمان کا کمزورترین درجہ ہے۔ ‘‘

ترجمہ:حضرت سَیِّدُنَا جابررَضِیَ اللّٰہُ تَعَالٰی عَنْہُسےمروی ہے کہ حضور تاجدارِ رسالت شہنشاہِ نبوتصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا: ’’ ہر شخص اُسی حالت پر اُٹھا یا جائے گا جس پر وہ مرا ۔ ‘‘

"الحرم ان لائن قرآن اکیڈمی: جہاں قرآن کی روشنی اور علمی ترقی ایک ساتھ جلتی ہے۔ ہماری اکیڈمی میں قرآن کی علمی تعلیمات کو معاصر معیاروں کے ساتھ پیش کیا جاتا ہے، جو آپ کی زندگی میں روشنی کا سفر ممکن بناتا ہے۔ ہماری معاشرتی، فکری، اور دینی روشنیوں کی ترقی کے لیے آپ کو مدعو کرتے ہیں کہ ہماری اکیڈمی کے ساتھ جڑیں اور اپنے علمی اور دینی فہم کو بہتر بنائیں۔ چلیں، ہم ساتھ قرآنی روشنی میں اپنے سفر کو آگے بڑھاتے ہیں۔"https://www.facebook.com/profile.php?id=61556634279721&mibextid=ZbWKwL

ترجمہ : حضرتِ سَیِّدُنا اَبو ہریرہ رَضِیَ اللہُ تَعَالٰی عَنْہُ سے روایت ہے کہ نبیِّ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا :’’اللہ عَزَّوَجَلَّ فرماتا ہے، جب میں اپنے مومن بندے سے اس کی کوئی دنیوی محبوب چیز لے لوں ، پھر وہ صبر کرے تو میرے پاس اس کی جزا جنت کے سوا کچھ نہیں۔‘‘