08/03/2026
مسلم سٹوڈنٹس لیگ جامعہ پنجاب کی جانب سے مختلف ہاسٹلز کے طلبہ کے لیے سحری کا اہتمام کیا گیا۔ اس موقع پر حماد جمیل بھائی (کوآرڈینیٹر مسلم سٹوڈنٹس لیگ لاہور) نے خصوصی شرکت کی۔
حماد جمیل بھائی نے طلبہ سے گفتگو کرتے ہوئے انہیں مسلم سٹوڈنٹس لیگ کے فلاحی اور تربیتی کاموں کا تعارف کروایا اور دعوت دی کہ وہ مسلم سٹوڈنٹس لیگ کے ساتھ شامل ہو کر اس رمضان کو خدمت کا رمضان بنائیں۔
اس موقع پر کوآرڈینیٹر جامعہ پنجاب محمد یاسر بھائی نے بھی طلبہ سے گفتگو کی اور انہیں نصیحت کی کہ اس رمضان کو اپنی زندگی کا آخری رمضان سمجھ کر گزاریں، اس کی برکتوں اور فضیلتوں سے بھرپور فائدہ اٹھائیں، اور قرآنِ مجید کو ترجمہ کے ساتھ پڑھ کر اسے سمجھنے اور اپنی زندگی میں نافذ کرنے کی کوشش کریں۔
