Minhaj Education Society

الحمدللہ! ہماری باصلاحیت طالبہ 🎓 انیقہ مبین نے لیاقت ٹیلنٹ اسکالرشپ مقابلہ 2026 میں پہلی پوزیشن حاصل کر کے اپنے سکول اور والدین کا نام روشن کیا۔

اس نمایاں کامیابی پر انہیں ایک لاکھ روپے کی اسکالرشپ سے بھی نوازا گیا۔

ہم ان کی محنت، عزم اور شاندار کارکردگی پر دلی مبارکباد پیش کرتے ہیں اور ان کے تابناک مستقبل کے لیے نیک تمناؤں کے ساتھ دعاگو ہیں۔

بچوں کی کامیابی صرف پڑھائی تک محدود نہیں ہوتی… اصل کامیابی اس وقت شروع ہوتی ہے جب ہم ان میں لیڈر شپ کی خوبیاں پیدا کرتے ہیں۔
خود اعتمادی، ذمہ داری، فیصلہ سازی، ٹیم ورک اور مثبت سوچ — یہ وہ بنیادیں ہیں جو بچوں کو ایک مضبوط اور کامیاب شخصیت بناتی ہیں۔
منہاج ایجوکیشن سوسائٹی اور منہاج اسکولز میں ہم صرف تعلیم نہیں دیتے، بلکہ بچوں کو مستقبل کے بااعتماد اور ذمہ دار لیڈرز بنانے پر یقین رکھتے ہیں۔
آج ہی اپنے بچوں کی تربیت میں یہ چھوٹے مگر طاقتور اصول شامل کریں… کیونکہ ایک اچھا لیڈر گھر سے ہی بنتا ہے۔

خوشخبری! علم کا سفر اب پیروشاہ، گجرات میں۔
ہمیں یہ بتاتے ہوئے خوشی ہو رہی ہے کہ منہاج ماڈل سکول، پیروشاہ کیمپس نے باقاعدہ کام شروع کر دیا ہے۔
یہ ادارہ منہاج ایجوکیشن سوسائٹی پاکستان کے زیرِ سایہ براہِ راست نگرانی میں تعلیم و تربیت کے فرائض انجام دے گا۔
ہم اہل علاقہ کو تعلیمی میدان میں اس نئی پیشرفت پر دلی مبارکباد پیش کرتے ہیں۔
​

جمعۃ المبارک
آج کا بابرکت دن ہمیں تجدیدِ ایمان، اصلاحِ نفس اور اللہ تعالیٰ کے قرب کا خوبصورت موقع عطا کرتا ہے۔
آئیں اس مقدس گھڑی میں دعا کریں کہ اللہ رب العزت ہمیں جمعہ کی برکتوں سے بھرپور فیضیاب ہونے، قرآنِ مجید سے اپنا تعلق مضبوط کرنے اور اپنی زندگیوں کو سنتِ نبوی ﷺ کے مطابق ڈھالنے کی توفیق عطا فرمائے۔ 🤲
منہاج ایجوکیشن سوسائٹی کے پلیٹ فارم سے تمام اساتذہ، طلبہ، والدین اور وابستگان کو دلی جمعہ مبارک۔
اللہ تعالیٰ اس دن کو ہمارے اداروں، گھروں اور پورے معاشرے کے لیے خیر، امن اور کامیابی کا ذریعہ بنائے۔ آمین۔ 💫

منہاج ایجوکیشن سوسائٹی کی جانب سے کیمپس سکیورٹی کو مزید مضبوط بنانے کے لیے Hikvision ہیڈکوارٹرز میں ایک اہم اعلیٰ سطحی میٹنگ منعقد ہوئی۔ اس میٹنگ میں MES کی نمائندگی محمد سرور (منیجر بزنس ڈویلپمنٹ اینڈ پلاننگ)، معین ملک (اسسٹنٹ ڈائریکٹر PSRP پروجیکٹ) اور حبیب اللہ شامی (اسسٹنٹ ڈائریکٹر) نے کی، جہاں ان کی ملاقات Hikvision کے کنٹری ہیڈ سے ہوئی۔
اجلاس کے دوران MES ٹیم نے اپنے تعلیمی وژن، ادارہ جاتی ڈھانچے اور کیمپس انفراسٹرکچر کے حوالے سے تفصیلی بریفنگ دی۔ ہمیں یہ بتاتے ہوئے خوشی ہو رہی ہے کہ Hikvision نے منہاج ایجوکیشن سوسائٹی کے اداروں کو اپنے “100 Secure School Project” میں شامل کرنے پر اتفاق کیا ہے۔
اس اہم اقدام کے تحت جلد ہی سکولز میں جدید CCTV سرویلنس سسٹمز نصب کیے جائیں گے، جو طلبہ اور عملے کے لیے محفوظ اور پرامن تعلیمی ماحول کو یقینی بنانے میں مددگار ثابت ہوں گے۔
یہ اشتراک جدید ٹیکنالوجی کے ذریعے تعلیمی اداروں کی سکیورٹی کو مزید مؤثر بنانے کے ہمارے عزم کی ایک اہم پیش رفت ہے۔

منہاج ماڈل سکول عباس پور، پونچھ آزاد کشمیر میں منہاج ایجوکیشن سوسائٹی پاکستان کے اسسٹنٹ ڈائریکٹر فیاض احمد مصطفوی نے آزاد کشمیر زون کے اسٹاف سے نئے تعلیمی سال 2026 کے حوالے سے اہم ہدایات جاری کیں۔
اس موقع پر ادارہ کے پرنسپل علامہ محمد لطیف القادری بھی موجود تھے۔ میٹنگ میں تعلیمی منصوبہ بندی، تدریسی معیار کی بہتری، نظم و ضبط اور طلبہ کی ہمہ جہت تربیت پر تفصیلی گفتگو کی گئی۔
اساتذہ کو نئے تعلیمی سال کے اہداف، مؤثر تدریسی حکمت عملی اور مثبت تعلیمی ماحول کے قیام کے لیے رہنمائی فراہم کی گئی، تاکہ طلبہ کی تعلیمی کارکردگی کو مزید بہتر بنایا جا سکے۔

محترم خادم حسین طاہر، ڈپٹی ڈائریکٹر ایجوکیشن گوجرانوالہ زون نے منہاج ماڈل سکول گل والہ کا دورہ کیا۔
دورے کے دوران سکول کے تعلیمی و انتظامی امور کا تفصیلی جائزہ لیا گیا۔ کلاس رومز کا معائنہ کیا گیا، تدریسی عمل کا مشاہدہ کیا گیا اور طلبہ سے سوال و جواب کے ذریعے ان کی تعلیمی استعداد کو پرکھا گیا۔
اساتذہ اور انتظامیہ سے ملاقات میں تعلیمی معیار، نظم و ضبط اور طلبہ کی ہمہ جہت تربیت کے حوالے سے گفتگو کی گئی۔ اس موقع پر سکول کی کارکردگی کو سراہتے ہوئے مزید بہتری کے لیے رہنمائی فراہم کی گئی۔
یہ دورہ تعلیمی معیار کی نگرانی اور مؤثر انتظامی نظام کے عزم کی عکاسی کرتا ہے۔