Nizam-Ul-Madaris Pakistan

22/09/2026

22ستمبر 2026: 📢 مدارس کے بینک اکاؤنٹس کا دیرینہ مسئلہ حل کی جانب اہم پیش رفت

متحدہ مدارس کونسل پاکستان کے اعلیٰ سطحی وفد نے MCB اسلامک بینک اسلام آباد کی مرکزی برانچ کا دورہ کیا، جہاں بینک کے سینئر ذمہ داران نے وفد کا استقبال کیا اور مدارس کے بینک اکاؤنٹس کے حوالے سے تفصیلی بریفنگ دی۔
وفد میں علامہ حافظ طاہر محمود اشرفی، کوآرڈینیٹر قومی پیغامِ امن کمیٹی حکومتِ پاکستان، علامہ ڈاکٹر میر محمد آصف اکبر قادری، ترجمان متحدہ مدارس کونسل پاکستان، ڈاکٹر سید ضیاء اللہ شاہ بخاری اور علامہ مفتی محمد زبیر فہیم شامل تھے۔
بینک حکام نے بتایا کہ اسلام آباد میں DGRE کے تحت رجسٹرڈ 90 فیصد مدارس کے بینک اکاؤنٹس کھولے جا چکے ہیں۔ اکاؤنٹ کھولنے کے لیے انتہائی آسان طریقۂ کار وضع کیا گیا ہے، جس کے تحت DGRE کی رجسٹریشن کی بنیاد پر مدارس کو بینک اکاؤنٹ کھولنے کی سہولت فراہم کی جا رہی ہے۔
متحدہ مدارس کونسل کے قائدین نے اس اہم پیش رفت پر MCB اسلامک بینک کے ذمہ داران کا شکریہ ادا کیا اور انہیں مبارکباد پیش کی۔ اس موقع پر قومی سلامتی کے اداروں، حکومتِ پاکستان اور تمام متعلقہ اداروں کی کاوشوں کو بھی خراجِ تحسین پیش کیا گیا۔
قائدین نے کہا کہ مدارس کے بینک اکاؤنٹس کے دو دہائیوں پر محیط دیرینہ مسئلے کے حل کی جانب یہ پیش رفت متحدہ مدارس کونسل کے اتحاد، استقامت اور مسلسل جدوجہد کا ثمر ہے۔ امید ہے کہ اسی طرز پر ملک کے دیگر صوبوں میں بھی مدارس کے بینک اکاؤنٹس کا مسئلہ حل کرنے کی راہ ہموار ہوگی۔
متحدہ مدارس کونسل پاکستان — اتحاد، استقامت اور مسلسل جدوجہد کے ساتھ مدارس کے جائز حقوق کے لیے کوشاں۔

17/09/2026

مری میں میلادِ مصطفیٰ ﷺ کانفرنس، حفاظِ کرام کی دستار بندی

مری: ادارہ تعلیماتِ اسلامیہ کشمیری بازار مری میں میلادِ مصطفیٰ ﷺ کانفرنس و جلسہ دستارِ فضیلت منعقد ہوا، جس سے چیئرمین بورڈ آف گورنرز نظام المدارس پاکستان پروفیسر ڈاکٹر حسن محی الدین قادری نے خطاب کیا۔

انہوں نے کہا کہ حضور نبی اکرم ﷺ پوری انسانیت کے لیے ہادی و رہنما ہیں اور آپ ﷺ کی سیرتِ طیبہ زندگی گزارنے کا بہترین نمونہ ہے۔ میلادِ مصطفیٰ ﷺ کا حقیقی تقاضا یہ ہے کہ ہم آپ ﷺ کی تعلیمات پر عمل کرتے ہوئے اپنے کردار و اخلاق سنواریں اور محبت، رحمت، اخوت و انسانیت کا پیغام عام کریں۔

انہوں نے فارغ التحصیل طلباء سے کہا کہ دینی علم کو عمل، کردار اور خدمتِ انسانیت کے ذریعے معاشرے میں منتقل کرنا ان کی ذمہ داری ہے۔ اس موقع پر ادارے کے حفاظِ کرام اور فارغ التحصیل طلباء کی دستار بندی بھی کی گئی۔

کانفرنس سے ناظم اعلیٰ نظام المدارس پاکستان علامہ ڈاکٹر میر محمد آصف اکبر قادری سمیت دیگر علماء و مشائخ نے بھی خطاب کیا۔ مقررین نے دینی مدارس کی تعلیمی و تربیتی خدمات کو سراہا۔ تقریب میں علماء، مشائخ، اساتذہ، طلباء اور شہریوں نے بڑی تعداد میں شرکت کی۔

07/09/2026

لاہور : قومی پیغامِ امن کمیٹی کے وفد نے وزارتِ داخلہ، حکومتِ پنجاب کی صوبائی امن و امان کمیٹی کےحکام سے اہم ملاقات -
علامہ حافظ طاہر محمود اشرفی، کوآرڈی نیٹر قومی پیغامِ امن کمیٹی حکومتِ پاکستان و مشیر وزیر اعظم پاکستان مشرق وسطی ؛ علامہ ڈاکٹر میر آصف اکبر قادری، ناظمِ اعلیٰ نظام المدارس پاکستان و ممبر قومی پیغامِ امن کمیٹی حکومتِ پاکستان؛ حافظ مقبول احمد، صوبائی کوآرڈی نیٹر قومی پیغامِ امن کمیٹی اور دیگر ذمہ داران شامل تھے۔

وفد نے خواجہ سلیمان رفیق، وزیرِ داخلہ پنجاب؛ ڈاکٹر قاضی احمد جاوید، سیکریٹری داخلہ پنجاب؛ محمد علی نیکوکار، ڈی آئی جی پنجاب پولیس و ترجمان؛ حافظ انیس الرحمن، ڈائریکٹر جنرل اواقاف پنجاب؛ ڈاکٹر سیدطاہر رضا بخاری، سابق سیکریٹری؛ ایڈیشنل سیکریٹری انٹرنل سکیورٹی؛ ڈی آئی جی سی ٹی ڈی اور دیگر متعلقہ افسران شریک

ملاقات میں مینارِ پاکستان لاہور میں منعقدہ عالمی میلاد کانفرنس کے بہترین انتظام و انصرام اور سکیورٹی انتظامات پر وزارتِ داخلہ، حکومتِ پنجاب اور متعلقہ اداروں کا خصوصی شکریہ ادا کیا گیا۔ وفد نے آئندہ بھی مذہبی اجتماعات کے پُرامن اور منظم انعقاد کے لیے حکومت اور انتظامیہ کے تعاون کو سراہا۔

لیاقت باغ راولپنڈی میں منعقد ہونے والی میلاد و سیرتِ مصطفیٰ ﷺ کانفرنس کے انتظام و انصرام، سکیورٹی، قانونی تقاضوں اور این او سی سے متعلق امور پر بھی تفصیلی گفتگو ہوئی۔

ملاقات میں مدارس کے بینک اکاؤنٹس، مدارس کو درپیش انتظامی مسائل، صوبے میں امن و امان، مذہبی ہم آہنگی اور میلاد النبی ﷺ کے دیگر پروگرامز کے حوالے سے بھی تفصیلی تبادلۂ خیال کیا گیا۔

ملاقات کے نتیجے میں میلاد و سیرتِ مصطفیٰ ﷺ کے پروگرامز کے پُرامن انعقاد، سکیورٹی اور انتظامی امور میں باہمی تعاون، مدارس کے جائز مسائل کے حل اور حکومت و دینی قیادت کے درمیان مؤثر رابطہ برقرار رکھنے پر اتفاق کیا گیا۔

07/09/2026

جامعہ نورِ مصطفیٰ منہاج القرآن گوجرانوالہ کا افتتاح

نظام المدارس پاکستان ہر سطح پر تعلیمی، انتظامی اور تربیتی سرپرستی کرے گا: علامہ ڈاکٹر میر محمد آصف اکبر قادری

علامہ ڈاکٹر میر محمد آصف اکبر قادری، ناظمِ اعلیٰ نظام المدارس پاکستان نے جامع مسجد نورِ مصطفیٰ، متصل جنازہ گاہ فتو منڈ، گوجرانوالہ کا دورہ کیا، جہاں تحریکِ منہاج القرآن گوجرانوالہ سٹی اور گوجرانوالہ ڈویژن کے قائدین و عہدیداران نے ان کا بھرپور استقبال کیا۔ اس موقع پر جامعہ نورِ مصطفیٰ منہاج القرآن کی افتتاحی تقریب منعقد ہوئی، جس سے خطاب کرتے ہوئے علامہ ڈاکٹر میر محمد آصف اکبر قادری نے جامعہ کے باقاعدہ آغاز پر منتظمین اور کارکنان کو مبارکباد پیش کی۔

انہوں نے کہا کہ تحریکِ منہاج القرآن مدارسِ دینیہ کے لیے ایک معیاری، ممتاز اور عصری تقاضوں سے ہم آہنگ نظامِ تعلیم فراہم کر رہی ہے، جس کے نتیجے میں مختصر عرصے میں ہزاروں مدارس اور لاکھوں طلبہ و طالبات نظام المدارس پاکستان سے منسلک ہوئے ہیں۔ یہ شیخ الاسلام ڈاکٹر محمد طاہرالقادری کے تعلیمی وژن کی کامیابی ہے کہ آج مختلف مکاتبِ فکر سے تعلق رکھنے والی شخصیات اور ادارے بھی اسی منظم اور معیاری نظامِ تعلیم کو اختیار کرنے کی خواہش رکھتے ہیں جس کی بنیاد شیخ الاسلام نے پاکستان میں رکھی۔

انہوں نے کہا کہ ان شاء اللہ جامعہ نورِ مصطفیٰ منہاج القرآن گوجرانوالہ میں ایک معیاری اور مثالی دینی تعلیمی ادارہ بنے گا، اور نظام المدارس پاکستان اس ادارے کی تعلیمی، انتظامی اور تربیتی ہر سطح پر مکمل سرپرستی اور معاونت کرے گا۔

علامہ ڈاکٹر میر محمد آصف اکبر قادری نے تحریکِ منہاج القرآن گوجرانوالہ سٹی کے قائدین و عہدیداران کی خدمات کو خراجِ تحسین پیش کرتے ہوئے کہا کہ تحریک کے تمام عہدیداران اس کا قیمتی اثاثہ ہیں۔ یہ وہ بے لوث اور خاموش مجاہد ہیں جنہوں نے ہر دور میں تحریک کے فروغ اور مشن کی ترویج کے لیے بے شمار قربانیاں دی ہیں۔ اللہ تعالیٰ ان کی خدمات کو شرفِ قبولیت عطا فرمائے اور انہیں جزائے خیر دے۔

انہوں نے محترم عمران علی ایڈوکیٹ
ناظم TMQ ڈویژن گوجرانوالہ A
طاہر سلیم چغتائی
صدرTMQسینٹرل گوجرانوالہ
پرویزہمایوں ورک
ناظم TMQ سینٹرل گوجرانوالہ
رانا محمد وقاص قادری
ناظم دعوت TMQ سینٹرل گوجرانوالہ
قاری شفاقت علی قادری
جنرل سیکرٹری PAT سینٹرل گوجرانوالہ
محمد افضل گجر
ڈپٹی جنرل سیکرٹری PAT سینٹرل گوجرانوالہ
محمود عارف گجر
جنرل سیکرٹری MYL سینٹرل گوجرانوالہ
ڈاکٹر عبدالجبار
صدر TMQ تحصیل نمبر 1 سینٹرل گوجرانوالہ
قاری اسد عباس قادری
صدر منہاج علماء کونسل تحصیل 1 اور گوجرانوالہ سٹی و ڈویژن کے دیگر تمام قائدین و عہدیداران کو جامعہ نورِ مصطفیٰ کے قیام جیسے عظیم تعلیمی و دینی اقدام پر مبارکباد پیش کی اور ان کی خدمات کو سراہا۔

انہوں نے خصوصی تلقین کی کہ تحریک کے مشن کو مزید مؤثر انداز میں آگے بڑھانے کے لیے باہمی اتحاد، اتفاق، محبت، اخوت اور رواداری کو فروغ دیا جائے۔ تمام قائدین اور کارکنان باہمی تعاون کے ساتھ مشن کی ترویج اور نسلِ نو کی دینی و اخلاقی تربیت کے لیے اپنا کردار ادا کریں۔

آخر میں انہوں نے جامعہ نورِ مصطفیٰ کی کامیابی، ترقی اور استحکام کے لیے دعا کی اور امید ظاہر کی کہ یہ ادارہ گوجرانوالہ میں علمِ دین، اخلاق و کردار اور خدمتِ دین کا ایک مضبوط مرکز ثابت ہوگا۔

07/09/2026

جامعہ فیضان مدینہ گوجرانوالہ کی سالانہ تقریب تقسیم انعامات

پوزیشن ہولڈر طالبات کو شیلڈز اور خصوصی انعامات سے نوازا گیا

علامہ ڈاکٹر میر محمد آصف اکبر قادری، ناظمِ اعلیٰ نظام المدارس پاکستان نے جامعہ فیضان مدینہ گوجرانوالہ کی سالانہ تقریبِ تقسیمِ انعامات میں شرکت کی اور نمایاں تعلیمی کارکردگی کا مظاہرہ کرنے والی طالبات میں انعامات و اعزازات تقسیم کیے۔ درسِ نظامی میں اول، دوم اور سوم پوزیشن حاصل کرنے والی طالبات کو شیلڈز اور ادارے کی جانب سے خصوصی تحائف پیش کیے گئے، جبکہ حفظِ قرآن مجید مکمل کرنے والی طالبات اور دیگر شعبہ جات میں نمایاں کارکردگی دکھانے والی بچیوں کو بھی خصوصی انعامات سے نوازا گیا۔

اس موقع پر علامہ پیر سید علی عابد مشہدی، مفتی شہزاد احمد سجاد، محمد قیصر قادری اور علامہ محمد یونس صدیقی بھی موجود تھے۔

علامہ ڈاکٹر میر آصف اکبر قادری نے پرنسپل شبانہ قیصر کو ادارے کی شاندار تعلیمی کارکردگی اور طالبات کی بہترین تربیت و رہنمائی پر مبارکباد پیش کی اور ان کی خدمات کو سراہا۔

انہوں نے کہا کہ نظام المدارس پاکستان کے سالانہ امتحانات میں پوزیشن حاصل کرنے والی طالبات نے نہ صرف اپنے ادارے بلکہ گوجرانوالہ شہر کا نام بھی روشن کیا ہے۔ نظام المدارس پاکستان وہ دینی تعلیمی بورڈ ہے جو طلبہ اور طالبات کو یکساں نصابِ تعلیم اور یکساں نظامِ امتحانات فراہم کرتے ہوئے انہیں برابری کی سطح پر آگے بڑھنے کے مواقع فراہم کر رہا ہے۔ یہ امر باعثِ مسرت ہے کہ طالبات تعلیمی میدان میں نمایاں کامیابیاں حاصل کر رہی ہیں اور متعدد مواقع پر طالبات کی پوزیشنز کی تعداد طلبہ سے بھی زیادہ رہی ہے۔

انہوں نے کہا کہ طالبات کی محنت، لگن، خلوص اور علمی قابلیت قابلِ تحسین ہے۔ یہی باصلاحیت بچیاں مستقبل میں پورے معاشرے کی تعلیم و تربیت اور فکری و اخلاقی ترقی میں بنیادی کردار ادا کریں گی۔

انہوں نے کہا کہ موجودہ دور میں فکری انتشار، مادیت اور لادینیت کے چیلنجز کے مقابلے کے لیے ضروری ہے کہ ہماری بچیاں قرآن و سنت کی تعلیمات سے مضبوط وابستگی پیدا کریں اور معاشرے میں دینِ اسلام کی تعلیمات کے فروغ، اخلاقی اقدار کے تحفظ اور نسلِ نو کی تربیت میں اپنا بھرپور کردار ادا کریں۔

علامہ ڈاکٹر میر محمد آصف اکبر قادری نے کہا کہ دینی مدارس نامساعد حالات کے باوجود دینِ اسلام کی تعلیم و ترویج اور نسلِ نو کی کردار سازی کے لیے قابلِ قدر خدمات انجام دے رہے ہیں۔ جامعہ فیضان مدینہ گوجرانوالہ بھی ایک قابلِ فخر ادارہ ہے، جہاں طالبات کو دینی تعلیم کے ساتھ ساتھ فنی و تکنیکی کورسز اور مختلف مثبت و تعمیری سرگرمیوں میں شرکت کے مواقع بھی فراہم کیے جا رہے ہیں۔

انہوں نے طالبات، اساتذہ اور انتظامیہ کو شاندار تعلیمی نتائج پر مبارکباد پیش کرتے ہوئے دعا کی کہ اللہ تعالیٰ ان اداروں کو مزید ترقی دے اور طالبات کو علم، عمل، کردار اور خدمتِ دین و ملت کی توفیق عطا فرمائے۔

07/09/2026

گوجرانوالہ: نظام المدارس پاکستان کا تعلیمی کنونشن

ناظمِ اعلیٰ نظام المدارس پاکستان علامہ ڈاکٹر میر محمد آصف اکبر قادری نے جامعہ رمضان بشیر، ماسٹر ٹائل سٹی، گوجرانوالہ میں منعقدہ تعلیمی کنونشن ’’اعلماء و مشائخکانفرنس ‘‘ میں شرکت کی۔

اس موقع پر علامہ محمد یونس صدیقی، علامہ سید علی عابد مشہدی، علامہ خواجہ محمد امجد قادری، حماد مصطفیٰ سمیت علماء و مشائخ کی کثیر تعداد موجود تھی۔ لائف ممبرز کو اسناد پیش کی گئیں

کنونشن میں دینی تعلیم کے فروغ، مدارس کے تعلیمی معیار اور نظام المدارس پاکستان کے تعلیمی و انتظامی نظام کے حوالے سے اہم امور پر گفتگو کی گئی۔

07/09/2026

گوجرانوالہ: خواتین کی محفلِ میلاد مصطفیٰ ﷺ اور تقریب تقسیم انعامات سے علامہ ڈاکٹر میر محمد آصف اکبر قادری کا خطاب

علامہ ڈاکٹر میر محمد آصف اکبر قادری، ناظمِ اعلیٰ نظام المدارس پاکستان و ممبر قومی پیغامِ امن کمیٹی نے جامعہ رضائے حبیب گوجرانوالہ کے زیرِ اہتمام ولج مارکی، مرالہ گوجرانوالہ میں منعقدہ خواتین کی محفلِ میلادِ مصطفیٰ ﷺ اور نظام المدارس پاکستان کے پوزیشن ہولڈر طالبات کے اعزاز میں تقریبِ تقسیمِ انعامات سے خطاب کرتے ہوئے کہا کہ نظام المدارس پاکستان بچوں، طلبہ اور طالبات دونوں کو یکساں نصابِ تعلیم اور مؤثر نظامِ تعلیم فراہم کر رہا ہے۔

انہوں نے کہا کہ اس کے باوجود نظام المدارس پاکستان کے امتحانات میں نمایاں پوزیشنیں حاصل کرنے والوں میں طالبات کی تعداد قابلِ ذکر ہے۔ طالبات نے اپنی محنت، ذہانت اور قابلیت کے ذریعے شاندار تعلیمی کارکردگی کا مظاہرہ کیا ہے، جو ان کی صلاحیتوں اور مدارسِ دینیہ میں بچیوں کی معیاری تعلیم کا واضح ثبوت ہے۔

علامہ ڈاکٹر میر محمد آصف اکبر قادری نے جامعہ رضائے حبیب کی دینی و تعلیمی خدمات کو خراجِ تحسین پیش کرتے ہوئے پوزیشن ہولڈرطالبات، ان کے والدین اور اساتذہ کو مبارکباد پیش کی۔

انہوں نے کہا کہ نظام المدارس پاکستان مدارسِ دینیہ اور ان کے طلبہ و طالبات کے حقوق کے تحفظ اور ان کی تعلیمی ترقی کے لیے شب و روز کوشاں ہے۔ ان شاء اللہ بہت جلد مدارسِ دینیہ کے طلبہ کو بھی دیگر تعلیمی اداروں کے طلبہ کے برابر مزید تعلیمی مواقع اور مراعات کی فراہمی کے لیے مؤثر اقدامات مکمل کیے جائیں گے۔

انہوں نے کہا کہ معاشرے میں دین کی جو رمق اور دینی شعور آج بھی باقی ہے، اس میں مدارسِ دینیہ کا بنیادی کردار ہے۔ یہ مدارس افراط و تفریط سے بالاتر ہو کر دینِ اسلام کی تعلیم و خدمت کا فریضہ سرانجام دے رہے ہیں۔ مدارس،کے اساتذہ، طلبہ و طالبات اور منتظمین کی خدمات قابلِ قدر ہیں۔ اللہ تعالیٰ ان کی تمام دینی و تعلیمی کاوشوں کو شرفِ قبولیت عطا فرمائے اور انہیں مزید کامیابیاں نصیب فرمائے۔

06/09/2026

06/09/2026

🇵🇰 یومِ دفاعِ پاکستان — پیغامِ ناظمِ اعلیٰ نظام المدارس پاکستان

ناظمِ اعلیٰ نظام المدارس پاکستان علامہ ڈاکٹر میر محمد آصف اکبر قادری نے 6 ستمبر یومِ دفاعِ پاکستان کے موقع پر اپنے پیغام میں کہا ہے کہ 6 ستمبر ہماری قومی تاریخ کا وہ روشن باب ہے جو ہمیں شہدائے وطن کی عظیم قربانیوں، جرأت و بہادری اور دفاعِ وطن کے عزم کی یاد دلاتا ہے۔

انہوں نے کہا کہ مدارسِ دینیہ کے طلبہ و اساتذہ حبِ وطن، اتحادِ امت، قومی یکجہتی، امن اور رواداری کے فروغ میں اپنا بھرپور کردار ادا کریں۔ آج ہمیں عہد کرنا ہوگا کہ باہمی اختلافات کو انتشار کا ذریعہ نہیں بننے دیں گے اور پاکستان کی سلامتی، استحکام اور ترقی کے لیے متحد ہو کر کردار ادا کریں گے۔

شہداءِ وطن کو سلام،
پاکستان کی سلامتی ہمارا عزم،
قومی اتحاد ہماری طاقت!

🇵🇰 پاکستان زندہ باد!

#6ستمبر

05/09/2026

🌿 ناظمِ اعلیٰ نظام المدارس پاکستان کا دورۂ گوجرانوالہ 🌿

علامہ ڈاکٹر میر محمد آصف اکبر قادری
6 ستمبر 2026ء بروز اتوار گوجرانوالہ کا خصوصی دورہ فرمائیں گے۔

اس دوران نظام المدارس پاکستان گوجرانوالہ ڈویژن و سٹی کے جلسوں کی صدارت، مختلف اداروں کے دورے، ملاقاتیں اور خصوصی تقریبات میں شرکت فرمائیں گے۔

📍 گوجرانوالہ میں نظام المدارس پاکستان کے تعلیمی و تنظیمی سفر کا اہم دن