Ulama Academy

✨ علماء اکیڈمی منصورہ کے زیرِ اہتمام
مولانا گلزار احمد مظاہری آڈیٹوریم میں عظیم الشان ختمِ نبوت کانفرنس کا کامیاب انعقاد ✨
عقیدۂ ختمِ نبوت کے تحفظ، امتِ مسلمہ کی فکری رہنمائی اور دینی شعور کی بیداری کے لیے علماء اکیڈمی منصورہ کے زیرِ اہتمام ایک عظیم الشان ختمِ نبوت کانفرنس کا انعقاد کیا گیا، جس میں مختلف مکاتبِ فکر کے جید علماء کرام، دینی و سماجی شخصیات اور عوام الناس نے بھرپور شرکت کی۔
🌹 مہمانِ خصوصی:
لیاقت بلوچ
🎙️ دیگر معزز مہمانانِ گرامی و مقررین:
قاری محمد یعقوب شیخ، مولانا عبدالغفار روپڑی، مولانا عبدالروف فاروقی، ڈاکٹر ارباب عالم خان، ڈاکٹر پیر طارق شریف زادہ، محمد متین خالد، مسعود کھوکھر، مولانا محمد علیم شاکر، رانا احمد حسن
🪑 صدارت و نظامت:
ڈاکٹر فرید احمد پراچہ
📌 منتظمین:
فیصل فرید پراچہ، اسامہ فرید پراچہ، نعیم احمد فاروقی، معاذ سعید، قاری محمد نواز، قاری محمد اشرف، محمد امین، شوکت علی، انیس امین، محمد یوسف
خصوصی خدمات:
قاری محمد نواز
معاذ سعید
الحمدللہ! پروگرام بہترین نظم و ضبط، شاندار انتظامات، بھرپور عوامی شرکت اور مؤثر میڈیا کوریج کے ساتھ کامیابی سے مکمل ہوا۔
اللہ تعالیٰ تمام مقررین، منتظمین، معاونین اور شرکاء کی کاوشوں کو اپنی بارگاہ میں قبول فرمائے اور ہمیں عقیدۂ ختمِ نبوت کے تحفظ کے لیے ہمیشہ متحد و متحرک رکھے۔ آمین 🤲

نگران شعبہ مساجد علماء اکیڈمی منصورہ معاذ سعید صاحب نے گزشتہ روز مدرسہ نور القران علما اکیڈمی کا وزٹ کیا

طلبہ کی ماہانہ کارکردگی کا جائزہ سبقی مقابلہ طلبہ کی حوصلہ افزائی

مہتمم مدرسہ نورالقران مولانا قاری عطا الرحمان، قاری محمد نواز، قاری محمد رفیق، قاری محمد اشرف، قاری محمد عبدالرحمان موجود ہیں۔۔۔
شعبہ حفظ القران میں 75 بچے حفظ القران کی تعلیم حاصل کر رہے ہیں ۔۔۔

پاکستان کے معروف دینی ادارے علماء اکیڈیمی منصورہ لاہور کے تحت مدرسہ نور القرآن میں الحمدللہ 70 طلباءو طالبات حفظ القرآن کی تعلیم حاصل کر رہے ہیں جبکہ ناظرہ قرآن کی ریگولر کلاسز میں 137 سے زائد بچے روزانہ آتے ہیں۔
جامع مسجد علماء اکیڈیمی سے منسلک مدرسہ نور القرآن 1976 سے اہل علاقہ قرآن کے علم کا نور پھیلا رہا ہے
وسیع و عریض جامع مسجد علماء اکیڈیمی بھی اسلامی فن طرز تعمیر کا حسین شاہکار ہے۔

علماء اکیڈمی منصورہ لاہور کے زیر اہتمام الحمراء ہال 2 میں حج تربیت گاہ ۔
چیئرمین علماء اکیڈمی منصورہ لاہور و مرکزی رہنما جماعت اسلامی پاکستان ڈاکٹر فرید احمد پراچہ صاحب نے صدارت کی۔
مہمانان خصوصی میں ممتاز عالم دین ڈاکٹر سرفراز احمد اعوان، سابق ڈائریکٹر حج جناب فروغ آفتاب زیدی، چیئرمین عظیم گروپ آف پبلیکیشن جناب سلیم احمد قریشی شامل تھے،
نظامت کے فرائض رہنما جماعت اسلامی جناب انور گوندل صاحب نے ادا کئے ۔
اس بابرکت تربیت گاہ میں الحمدللہ 400 سے زائد مرد و خواتین عازمین حج کی شرکت ہوئی۔
پروگرام کے اختتام پر ریفریشمنٹ کا اہتمام تھا اور عازمین حج کو بیگس سمت تحائف بھی پیش کئے گئے جس کے لئے عظیم گروپ آف پبلی کیشن کا تعاون بھی شامل تھا
منتظمین میں فیصل پراچہ، اسامہ پراچہ، نعیم احمد فاروقی، معاذ سعید، منظور حسین نظامی، قاری محمد اسلم سمیت دیگر شامل تھے۔

علما اکیڈمی منصورہ لاہور کے زیر اہتمام عازمین حج کے لیے حج تربیت گاہ کا انعقاد 7مئی بروز اتوار نو بجے دن الحمرا ہال 2میں کیا جا رہا ہے، جس میں مناسک حج اور مقاصد حج کی بہترین تربیت اور رہنمائی ہو گی۔حج کی مناسبت سے شرکا کو تحائف بھی دیے جائیں گے۔ تربیت گاہ سے نائب امرا لیاقت بلوچ، فرید احمد پراچہ، مولانا ڈاکٹر سرفراز اعوان، فروغ آفتاب زیدی اور ڈائریکٹر حج لاہور اقرار احمد خطاب بھی کریں گے۔رجسٹریشن شروع ہو چکی ہے۔

محدود نشستوں کے پیش نظر ابھی نیچے دئیے گئے لنک کو اوپن کیجئے اور فری رجسٹریشن کروائیے۔

واضح رہے کہ حج کی مناسبت سے تحائف کے حصول کے لیے آپ کا پہلے رجسٹریشن کروانا اور پروگرام میں شرکت کرنا لازمی ہے۔

https://forms.gle/Z9FnBX9ZiQV5Vdg77

چئیرمین علماء اکیڈیمی ڈاکٹر فرید احمد پراچہ صاحب نے آج علماء اکیڈیمی منصورہ میں نئے جدید ترین کانفرنس روم کا افتتاح کیا ۔ جس میں علماء اکیڈیمی قرآن و سنہ تربیہ انسٹیٹوٹ کی کلاسز منعقد کی جائیں گی ۔

علماء اکیڈیمی قرآن و سنہ تربیہ انسٹیٹوٹ کے تحت پہلی بار کلاس اوّل سے کلاس دہم تک کے طلبہ و طالبات کیلئے درس نظامی کی طرز پر انتہائی منفرد و مربوط دس سالہ دینی کورس مرتب کیا گیا ہے جس میں تین درجہ جات ابتدائہیہ ( کلاس 1 سے کلاس 5 )
متوسط ( کلاس 6 سے کلاس 8 )
ثانویہ ( کلاس 9 و کلاس 10 )
میں طلبہ و طالبات ناظرہ قرآن، حفظ قرآن، تجوید، صرف و نحو ، حدیث ، فقہ، اسلامی نظام حیات، سیرت طیبہ، مسنون دعاؤں پر مبنی انتہائی آسان، دلچسپ اور منفرد نصاب کی ریگولر کلاسز پڑھیں گے۔

اس نصاب کو علماء اکیڈیمی شعبہ تحقیق و اشاعت نے معروف پی ایچ ڈی اسلامک سکالرز، جیّد علماء کرام اور طلبہ و طالبات کی عمر اور کلاسز کے مطابق مرتب کرنے کیلئے ماہرین نصاب کی نگرانی میں تیار کیا ہے جس میں ہر کلاس کا مکمل سالانہ نصاب شامل ہے اور اسی طرح درجہ بدرجہ ایک مربوط نظام کے تحت دس سالہ نصاب کے بعد ہمارے سند یافتہ طلبہ و طالبات میڑک کے ساتھ ساتھ مکمل ناظرہ قرآن ، مخصوص حفظ قرآن، قرآن پاک کا ترجمہ خود کرنے کی صلاحیت، تجوید، قرآت پر عبور،
ایک سو سے زائد مستند احادیث، ارکان اسلام کا مکمل تعارف، سیرت طیبہ کا مکمل احاطہ ، 40 سے زائد مسنون دعائیں اور اسلامی معاشرت کے ہر پہلو پر بہترین علم رکھتے ہوں گے۔
طلبہ و طالبات کیلئے یہ تمام کورس جدید ملٹی میڈیا سمارٹ سکرینز کی معاونت اور ان کی عمر اور استعداد کے مطابق ہمارے انتہائی شفیق مرد و خواتین اساتذہ پڑھائیں گے۔

علماء اکیڈیمی نے ان کلاسز کیلئے انتہائی خوبصورت کانفرنس و کلاس رومز مہیا کئے ہیں
جہاں پر درجہ متوسط و درجہ ثانویہ کے طلبہ و طالبات ہفتہ وار کلاسز کے شیڈول کے ساتھ اپنا نصاب مکمل کریں گے۔

دارارقم منصورہ کے گیارہ سو سے زائد طلبہ و طالبات علماء اکیڈیمی قرآن و سنہ تربیہ انسٹیٹوٹ میں باقاعدہ ریگولر طلبہ کے طور پر رجسٹرڈ ہوں گے۔

اس مکمل دس سالہ کورس کے تمام تر اخراجات ادارہ خود مہیا کرے گا اور طلبہ و طالبات سے کسی بھی قسم کی کوئی فیس وصول نہیں کی جائے گی۔
اس تمام کورس کو آن لائین پڑھانے کا بھی جلد آغاز کیا جائے گا۔

اس موقع پر ناظم علما اکیڈیمی محترم قاری محمد سعید صاحب ، ڈائریکٹر دارارقم منصورہ جناب فیصل فرید پراچہ، ایڈمنسٹریٹو ڈائریکٹر دارارقم منصورہ برانچ جناب اسامہ پراچہ، ناظم مالیات علماء اکیڈیمی جناب نعیم احمد، برانچ مینجر دارارقم منصورہ معاذ سعید ، ادارے کے شعبہ حفظ قرآن کے قاری حضرات، اساتذہ کرام ، سٹاف ممبران موجود تھے
دعا ہے کہ بحیثیت ادارہ ہم اپنے بچوں کی دنیاوی زندگی کے ساتھ ساتھ آخرت کی دائمی زندگی کے امتحان کی احسن انداز سے تیاری کروا سکیں اور ہمارے بچے سچے مسلمان اور حضور کے صحیح امتی بن سکیں۔

نائب امیر جماعت اسلامی پاکستان و چئیرمین علماء اکیڈمی پاکستان ڈاکٹر فرید احمد پراچہ صاحب نے گزشتہ رات علماء اکیڈمی کے تحت تفہیم الاسلام سمر کیمپ کی اختتامی تقریب میں شرکت کی۔
اس سمر کیمپ میں ماشاءاللہ 120 بچوں بچیوں نے 21 روزہ کورس مکمل کیا مولانا قاری عطا الرحمن و دیگر اساتذہ نے کورس کی تکمیل کی بزم پیغام کا تعاون بھی حاصل رہا۔
اس موقع پر کامیاب ہونے والے طلباء میں انعامات واسناد تقسیم کی گئیں ۔

علماء اکیڈمی منصورہ کے زیر اہتمام جامع مسجد علماء اکیڈمی لاہور میں اہل علاقہ کےلئے دعوت افطار ,

مولانا قاری عطاء الرحمن نے درس قرآن دیا۔

اہلِ علاقہ کی بڑی تعداد کی شرکت

نائب امیر جماعت اسلامی پاکستان و چئیرمین علماء اکیڈمی ڈاکٹر فرید احمد پراچہ آج علماء اکیڈمی تشریف لائے اور انتظامی کمیٹی کے میٹنگ کی صدارت کی ۔۔

اس کے بعد آپ نے علماء اکیڈمی کے سنئیر معلم پروفیسر اعجاز بلوچ صاحب سے ان کے والد کی انتقال پر تعزیت و دعائے مغفرت کی ۔۔

اس کے علاوہ آپ نے 30 سال سے اپنے ذاتی معاون جناب فیض رسول صاحب کی والدہ کے انتقال پر بھی دعائے مغفرت کی ۔۔۔۔

اس موقع پر ڈائریکٹر دارارقم سکول منصورہ برانچ فیصل پراچہ، اسامہ پراچہ، چیف اکاؤنٹنٹ نعیم احمد فاروقی، برانچ منیجر دارارقم سکول معاذ سعید بھی موجود تھے ۔۔۔

السلام علیکم
برادران اسلام
انتہائی افسوس کے ساتھ آگاہ کیا جا رہا ہے کہ ہمارے محترم قاری محمد سعید صاحب ناظم علماء اکیڈیمی کے فرزند جناب بلال سعید ابھی قضائے الہی سے وفات پا گئے ہیں
انا للّٰہ و انا الیہ راجعون