Majlis-e-Iqbal, GCU Lahore

07/09/2026

چہرہ بہ چہرہ رُو بہ رُو ( 34 ویں نشست)
مہمان شخصیت: اصغر ندیم سید
وقت: 1.30 بجے دن
بتاریخ: 9 ستمبر 2026ء بروز بدھ
بمقام: فضلِ حسین ریڈنگ روم

مجلسِ اقبال، جی سی یونیورسٹی لاہور.

02/09/2026

۳۱ اگست ۲۰۲۶ کو مجلس اقبال گورنمنٹ کالج یونیورسٹی لاہور کے زیرِ اہتمام تربیتی نشست برائے نعت گوئی کا انعقاد کیا گیا جس میں صاحبزادہ حسنین مظہری نےنعت کی روایت، شعور اور آداب پر مفصّل گفتگو کی اور نوآموز قلمکاروں کو نعت کے فنی تقاضوں اور شعری محاسن کے بنیادی لوازمات سے روشناس کروایا۔

زمیں سے سبزہ زمانوں سے روشنی پھوٹی
حضور آئے جہانوں سے روشنی پھوٹی

زمیں پہ ظلمتِ باطل تھی خیمہ زن کب سے
پھر اُس قدم کے نشانوں سے روشنی پھوٹی

یہ نورِ عہدِ رسالت کا فیض ہے واللہ
کہ آنے والے زمانوں سے روشنی پھوٹی

حسنین مظہری

29/08/2026

گورنمنٹ کالج یونیورسٹی لاہور کی روایت ساز مجلسِ اقبال اپنے ادبی تسلسل کو برقرار رکھتے ہوئے نعت گوئی کے حوالے سے جناب صاحبزادہ حسنین مظہری کی سربراہی میں ایک خصوصی تربیتی نشست کا اہتمام کر رہی ہے۔ اس نشست کا مقصد اہلِ ذوق اور نوآموز قلم کاروں کو نعت کے بنیادی لوازمات، فنی تقاضوں اور شعری محاسن سے روشناس کرانا ہے۔

27/08/2026

25/08/2026

کابینہ مجلسِ اقبال (۲۵-۲۶) کی نگران مجلسِ اقبال ڈاکٹر سفیر حیدر کے ساتھ دو روزہ کل پاکستان ادبی میلہ (بیادِ ناصر کاظمی) کے اختتام پر ایک خوبصورت عکس بندی.

23/08/2026

گورنمنٹ کالج یونیورسٹی لاہور کی نمائندگی کرتے ہوئے مجلسِ اقبال کے قلم کاروں پر مشتمل طلباء، نے یونیورسٹی آف انجینئرنگ اینڈ ٹیکنالوجی لاہور کے زیر انتظام ادبی مقابلہ جات بعنوان محشرِ خیال میں مسلسل تیسرے سال شاندار کامیابی حاصل کرتے ہوئے مجموعی طور پر 18 پوزیشنیں اپنے نام کیں، جن کی تفصیل درج ذیل ہے:

* حمد، پہلی پوزیشن، حسنین مظہری
* نعت، پہلی پوزیشن، حسنین مظہری
* اردو نظم، پہلی پوزیشن، طاہر جاوید
* تحت اللفظ، پہلی پوزیشن، عریج فاطمہ
* مضمون نویسی، پہلی پوزیشن، احمد ازلان
* انگریزی مزاح نگاری، پہلی پوزیشن، سعد علی جاوید
* دس سیکنڈ کہانی، پہلی پوزیشن، ایان کفیل
* اردو بصری تحریر، پہلی پوزیشن، ابیہ نور
* انگریزی افسانہ، پہلی پوزیشن، مناہل احمد
* انگریزی نظم، پہلی پوزیشن، نقیب رحمٰن
* انگریزی بصری تحریر، دوسری پوزیشن، محمد اویس
* اردو نظم، دوسری پوزیشن، محمد اویس
* تروینی، دوسری پوزیشن، سید علی قاسم
* اسکرین پلے، دوسری پوزیشن، علی راشد
* سرائیکی نظم، دوسری پوزیشن، سید محسن نقوی
* پنجابی نظم، دوسری پوزیشن، سید محسن نقوی
* 100 لفظی کہانی، دوسری پوزیشن، منور
* ہائیکو، دوسری پوزیشن، حرا مہر

22/08/2026

مجلسِ اقبال، جی سی یونیورسٹی، لاہور، کے قلم کاروں نے یونیورسٹی آف سینٹرل پنجاب کے ادبی میلے میں شرکت کی اور مختلف ادبی مقابلہ جات میں حصہ لیا۔ ٹیم کو میلے کی *بہترین ٹیم* قرار دیا گیا۔ انفرادی پوزیشنز کی تفصیل درج ذیل ہے:

- انگریزی سو لفظی کہانی، پہلی پوزیشن، علی راشد
- اُردو سو لفظی کہانی، دوسری پوزیشن، سعد علی جاوید
- اردو نظم، دوسری پوزیشن، طاہر جاوید
- غزل، تیسری پوزیشن، توصیف حسین مرزا

21/08/2026

مجلسِ اقبال، گورنمنٹ کالج یونیورسٹی لاہور کی نمائندگی کرتے ہوئے طلبا نے شعب ابی طالب فاؤنڈیشن، خیران کے ادبی و فنّی "ایکسپو آف کمپیشن '26" میں شرکت کی۔ طلبا نے فلسطین کے مسئلے کی سنگینی، وطن کی اہمیت اور دیگر موضوعات پر قیمتی آراء پیش کیں، اور ایوارڈز جیتنے میں دیگر ٹیموں پر نمایاں سبقت حاصل کی۔ انفرادی کارکردگی کی تفصیل درج ذیل ہے:

تصویر مضمون (Photo essay): پہلی پوزیشن، علی رشید
انگریزی خط نویسی، پہلی پوزیشن، علی رشید
افسانہ نگاری، پہلی پوزیشن، نور النصیح
آرٹ کیٹیگری، دوسری پوزیشن، فاطمہ ارشد
اردو شاعری، دوسری پوزیشن، توصیف حسین مرزا
انگریزی نظم، دوسری پوزیشن، روحیل احمد
آپ بیتی (memoir)، دوسری پوزیشن، احمد ازلان طلحہ

15/08/2026

یہ مسائلِ تلفظ ٢؛ مہ پارہ صفدر | دو روزہ کُل پاکستان ادبی میلہ "بیادِ ناصر کاظمی" | مجلسِ اقبال، گورنمنٹ کالج یونیورسٹی لاہور.

مجلسِ اقبال، گورنمنٹ کالج یونیورسٹی لاہور کے زیرِ اہتمام دو روزہ کل پاکستان ادبی میلہ "بیادِ ناصر کاظمی" منعقد ہوا، جس میں ملک بھر کے شعراء، ادباء، محققین اور ۷۰ سے زائد جامعات کے طلبہ نے شرکت کی۔ اس دوران اردو، انگریزی، پنجابی اور سرائیکی زبانوں میں ۲۵ سے زائد ادبی مقابلوں نے ایک بامعنی اور خوشگوار مسابقتی فضا قائم کی۔

میلے کے نمایاں پروگراموں میں سالانہ مشاعرہ، استاد غلام عباس کی شامِ غزل، مہ پارہ صفدر کے ساتھ نشست بعنوان "یہ مسائلِ تلفظ ۲" اور معروف شاعر سرمد صہبائی کے ساتھ "چہرہ بہ چہرہ، روبرو" کی نشست کا اہتمام کیا گیا ۔ سالانہ مشاعرے کی صدارت ڈاکٹر خورشید رضوی نے کی، جس میں ڈاکٹر سعادت سعید، سرمد صہبائی، شاہین عباس، سعود عثمانی، یاسمین حمید سمیت دیگر قومی سطح کے شعراء نے شرکت کی۔ اس کے علاوہ ادبی و عصری موضوعات پر مذاکرے، قومی کتب میلہ، ادبی اسٹالز اور نوجوانوں کی پذیرائی کے لیے اوپن مائیک سیشنز بھی منعقد کیے گئے۔

نوجوان لکھنے والوں کی فکری و تخلیقی تربیت کے لیے ۸ ورکشاپس کا اہتمام کیا گیا، جن میں معروف نقاد عامر فراز کے ساتھ "تنقید کیسے کی جائے" پر ایک خصوصی سیشن بھی منعقد ہوا۔