03/09/2026
پنجاب کے تمام بورڈز میں 1,395,475 طلبہ نے نہم جماعت کے امتحانات دیے، جن میں سے 753,813 طلبہ فیل ہو گئے۔
یعنی لاکھوں بچے صرف ایک سال نہیں، بلکہ ہماری اجتماعی تعلیمی اور سماجی غفلت کا شکار ہوتے دکھائی دے رہے ہیں۔
📌 مختلف بورڈز میں صورتحال:
🔹 لاہور بورڈ:
280,676 میں سے 150,133 فیل
🔹 فیصل آباد بورڈ:
196,656 میں سے 95,948 فیل
🔹 بہاولپور بورڈ:
105,601 میں سے 64,990 فیل
🔹 سرگودھا بورڈ:
107,782 میں سے 61,857 فیل
🔹 گوجرانوالہ بورڈ:
249,252 میں سے 133,286 فیل
🔹 ساہیوال بورڈ:
87,093 میں سے 49,290 فیل
🔹 راولپنڈی بورڈ:
121,739 میں سے 76,015 فیل
🔹 ڈی جی خان بورڈ:
106,001 میں سے 54,920 فیل
🔹 ملتان بورڈ:
140,675 میں سے 67,374 فیل
والدین! اب بھی وقت ہے۔
ہمیں اپنے بچوں کی صرف خوراک، لباس اور سکول فیس کی فکر نہیں کرنی، بلکہ ان کے ذہن، وقت، توجہ اور مستقبل کی بھی حفاظت کرنی ہے۔
موبائل فون اور سوشل میڈیا بچوں کی زندگی کا مالک نہ بننے دیں۔
گیمنگ اور اسکرین ٹائم کے لیے واضح اصول بنائیں۔
بچوں کی پڑھائی، دوستوں اور مصروفیات پر نظر رکھیں۔
ان کے ساتھ وقت گزاریں، صرف ڈانٹنے کے بجائے بات بھی کریں۔
ضرورت ہے کہ ہر گھر میں ڈیجیٹل ڈسپلن کی پالیسی ہو۔ موبائل اور سوشل میڈیا کو عمر، ذمہ داری اور تعلیمی ضرورت کے مطابق استعمال کرنے کے اصول بنائے جائیں۔
ورنہ یاد رکھیے!
اشرافیہ کے بچے اگر ناکام بھی ہوں گے تو مہنگے ترین سکولوں، کالجوں اور یونیورسٹیوں میں داخلہ لے لیں گے۔ لیکن عام آدمی کا بچہ اگر تعلیمی دوڑ سے باہر ہو گیا تو اس کے لیے واپسی کا راستہ بہت مشکل ہو جائے گا۔
ہمیں آنے والے وقت کے لیے صرف ڈگری ہولڈرز نہیں بلکہ قابل، ذمہ دار، محنتی اور انسان دوست ڈاکٹر، انجینئر، سائنسدان اور اساتذہ چاہییں۔
اگر آج ہم نے اپنے بچوں کی تعلیم اور کردار پر توجہ نہ دی تو کل ہم صرف یہ کہتے رہ جائیں گے:
ہم نے وقت پر سوچا کیوں نہیں؟
قوم کے معماروں کو موبائل کی اسکرینوں کے حوالے مت کریں۔
بچوں کو وقت دیں، توجہ دیں، رہنمائی دیں… کیونکہ کل بہت دیر ہو سکتی ہے۔
