مہد العلوم العالمیہ

*دعائیں قبول کیوں نہیں ہوتیں؟*

🎙️حضرت ابراہیم بن ادھم رحمہ اللہ سے لوگوں نے پوچھا:

"ہم دعائیں کرتے ہیں، لیکن قبول نہیں ہوتیں، اس کی کیا وجہ ہے؟"

آپ رحمہ اللہ نے فرمایا:

"تمہارے دل دس وجوہات کی بنا پر مردہ ہو چکے ہیں"

1. تم اللہ کو پہچانتے ہو، لیکن اس کا حق ادا نہیں کرتے۔

2. تم رسول اللہﷺ سے محبت کا دعویٰ کرتے ہو، لیکن ان کی سنت کو چھوڑ دیتے ہو۔

3. تم قرآن کی تلاوت کرتے ہو، لیکن اس پر عمل نہیں کرتے۔

4. تم اللہ کی نعمتیں کھاتے ہو، لیکن اس کا شکر ادا نہیں کرتے۔

5. تم کہتے ہو کہ شیطان تمہارا دشمن ہے، لیکن اس کی پیروی کرتے ہو۔

6. تم جنت کو برحق مانتے ہو، لیکن اس کے لیے عمل نہیں کرتے۔

7. تم جہنم کو برحق مانتے ہو، لیکن اس سے بچنے کی کوشش نہیں کرتے۔

8. تم موت کو برحق مانتے ہو، لیکن اس کی تیاری نہیں کرتے۔

9. تم دوسروں کے عیب تلاش کرتے ہو، لیکن اپنے عیب بھول چکے ہو۔

10. تم اپنے مردوں کو دفن کرتے ہو، لیکن ان سے عبرت حاصل نہیں کرتے۔

🎙️ (الدرة الفاخرة / مخزن اخلاق، موارد الظمآن لدروس الزمان، دکتور سعید قحطانی، ریاض، 1/173)

whatsapp.com

ان شاءاللہ 8 واں سالانہ دورہ قرآن کریم شروع ہورہا ہے اللہ پاک سب کے دلوں کو قرآن کے نور سے منور فرمائے آمین اہل خانہ کی شرکت کو یقینی بنائے آپ کی رائے اور سرپرستی ہمارا فخر ہے

جامع مہد العلوم العالمیہ میں نئے سال کے داخلے جاری ہیں!

الحمدللہ! مہد العلوم العالمیہ درگاہ باباحاجی شاہ ملحق جامع مسجد ابو حنیفہ عثمان نگر لاہور میں نئے تعلیمی سال کے داخلے شروع ہو چکے ہیں۔ یہ ادارہ قرآن و حدیث کی روشنی میں دینی اور عصری تعلیم کا حسین امتزاج پیش کرتا ہے، جہاں طلبہ و طالبات کو بہترین تعلیمی اور روحانی ماحول فراہم کیا جاتا ہے۔

ہمارے تعلیمی پروگرامز:

✅ حفظِ قرآن کریم
✅ درسِ نظامی (عالم کورس)
✅ ناظرہ و تجوید کورس
✅ اسلامی اور اخلاقی تربیت
✅ عصری علوم (پلے گروپ تا میٹرک، انٹرمیڈیٹ، کمپیوٹر کورسز)

خصوصی سہولیات:

⭐ یتیم اور مستحق طلبہ کے لیے خصوصی رعایت
⭐ جدید تعلیمی طریقے اور کمپیوٹر لیب
⭐ تجربہ کار اساتذہ کرام
⭐ پرامن اور معیاری تعلیمی ماحول

اپنے بچوں اور بچیوں کے روشن مستقبل کے لیے آج ہی داخلہ لیں!

📞 رابطہ کریں: [03304269139]
📍 پتہ: مہد العلوم العالمیہ درگاہ باباحاجی شاہ جامع مسجد ابو حنیفہ عثمان نگر لاہور

آج کی اچھی بات:

*"ہر دن ایک نئی شروعات ہے، اور ہر لمحہ ہمیں اپنی تقدیر کو بہتر بنانے کا موقع دیتا ہے۔"*

زندگی میں کبھی بھی ہمت نہ ہاریں، ہر دن نیا موقع ہوتا ہے خود کو بہتر بنانے کا، اپنے خوابوں کو حقیقت میں بدلنے کا، اور اپنے مقصد کی جانب قدم بڑھانے کا۔

*اللہ ہمیں اپنی کوششوں میں کامیابی دے اور ہمارے دلوں کو سکون دے۔ آمین۔*

اہل سنت کا مستند ادارہ
مہد العلوم العالمیہ
شعبہ حفظ میں بچیوں کے داخلے جاری ہیں
رابط نمبر 03304269139

بشکریہ بھائی ابو الحسن علامہ شعیب خان صاحب مدظلہ العالی

گھر دکان وغیرہ میں غوث پاک اور دیگر بزرگان دین کی طرف منسوب تصاویر آویزاں کرنا۔

بعض لوگوں اور بعض علاقہ میں یہ ایک عام رواج ہے کہ حضور غوث پاک اور دیگر بزرگان دین عليهم الرحمة کی طرف منسوب بہت ساری تصاویر بطور تعظیم گھروں، آستانوں اور درباروں و مزارات میں رکھتے ہیں اور ان تصاویر کا بہت اعزاز و اکرام کرتے ہیں۔ یہ سب امور (بطور تعظیم تصاویر گھر میں رکھنا) ناجائز و حرام ہے اور حضور غوث پاک یا دیگر بزرگان دین کی تصاویر تو اصلا ثابت ہی نہیں ہیں؛ جن اولیاءِ کرام کی تصاویر ثابت بھی ہیں، ان کی تصاویر بھی گھروں میں رکھنا نا جائز و حرام بلکہ عام لوگوں کی تصاویر کی بنسبت ان کا رکھنا زیادہ سخت حرام و گناہ ہے۔

سیدی امام اہل سنت فرماتے ہیں : حضور سرور عالم صلی للہ تعالی علیہ وسلم نے ذی روح کی تصویر بنانا ،بنوانا، اعزازاً اپنے پاس رکھنا سب حرام فرمایا ہے اوراس پر سخت سخت وعیدیں ارشاد کیں اور ان کے دور کرنے ، مٹانے کاحکم دیا؛ احادیث اس بارے میں حد تواتر پر ہیں۔(رضویہ 21/426)

بلکہ ایسی تصاویر سے ہی بت پرستی شروع ہوئی تھی۔
امام اہل سنت فرماتے ہیں :دنیا میں بت پرستی کی ابتداء یوہیں ہوئی کہ ( لوگوں نے )صالحین کی محبت میں ان کی تصویریں بناکر گھروں اور مسجدوں میں تبرکا۔رکھیں اور ان سے لذت عبادت کی تائید سمجھی، شدہ شدہ وہی معبود ہوگئیں۔(رضویہ 24/537)

ایک مقام پر غوث پاک رضی اللہ تعالیٰ عنہ کی اولاد میں سے ایک بزرگ کی تصویر گھر میں رکھنے کے متعلق فرماتے ہیں :ناواقف سمجھتے ہیں کہ حضور پرنور ، سیدالاسیاد، امام الافراد، واہب المراد باذن الجواد، غوث الاقطاب والاوتاد، سیدناغوث اعظم رضی اللہ تعالی عنہ ان کی اس حرکت سے خوش ہوں گے کہ ان کے صاحبزادہ کی ایسی تعظیم کی ، حالانکہ سب سے پہلے اس پرسخت ناراض ہونے والے، سخت غضب فرمانے والے حضوراقدس ہوں گے ۔ رضی اﷲ تعالی عنہ۔ﷲ تعالی ہدایت واستقامت بخشے۔آمین
(رضویہ 24/641)

لہذا ان امور کا اہل سنت سے کوئی تعلق نہیں یہ ان لوگوں کی ذاتی افعال ہے۔ ان کی افعال ہم پر حجت نہیں ۔

مزید تفصیل کے لئے امام اہل سنت کا رسالہ "العطایا القدیر فی حکم التصویر" مطالعہ فرمائیں۔ جس کا موضوع ہی یہی ہے۔

ابو الحسن

مولانا روم سے 5 سوال پوچھے گئے، مولانا روم کے جواب غور طلب ہیں۔
سوال ۔ 1 ۔ خوف کس شے کا نام ہے ؟
جواب ۔ غیرمتوقع صورتِ حال کو قبول نہ کرنے کا نام خوف ہے ۔ اگر ہم غیر متوقع کو قبول کر لیں تو وہ ایک مُہِم جُوئی میں تبدیل ہو جاتا ہے
‏سوال ۔ 2 ۔ حَسَد کِسے کہتے ہیں ؟
جواب ۔ دوسروں میں خیر و خُوبی تسلیم نہ کرنے کا نام حَسَد ہے ۔ اگر اِس خوبی کو تسلیم کر لیں تو یہ رَشک اور کشَف یعنی حوصلہ افزائی بن کر ہمارے اندر آگے بڑھنے کا جذبہ پیدا کرتا ہے۔
‏سوال ۔ 3 ۔ غُصہ کس بلا کا نام ہے ؟
جواب ۔ جو امر ہمارے قابو سے باہر ہو جائے ۔ اسے تسلیم نہ کرنے کا نام غُصہ ہے ۔ اگر کوئی تسلیم کر لے کہ یہ امر اُس کے قابو سے باہر ہے تو غصہ کی جگہ عَفو ۔ درگذر اور تحَمّل لے لیتے ہیں
‏سوال ۔ 4۔ نفرت کسے کہتے ہیں ؟
جواب ۔ کسی شخص کو جیسا وہ ہے ویسا تسلیم نہ کرنے کا نام نفرت ہے ۔ اگر ہم غیر مشروط طور پر اُسے تسلیم کر لیں تو یہ محبت میں تبدیل ہو سکتا ہے.
‏سوال ۔ 5 ۔ زہر کسے کہتے ہیں ؟
جواب ۔ ہر وہ چیز جو ہماری ضرورت سے زیادہ ہو ” زہر“ بن جاتی ہے خواہ وہ قوت یا اقتدار ہو ۔ انانیت ہو ۔ دولت ہو ۔ بھوک ہو ۔ لالچ ہو ۔ سُستی یا کاہلی ہو ۔ عزم و ہِمت ہو ۔ نفرت ہو یا کچھ بھی ہو.
(ماخوذ)

خاکپائےنقشبندو اولیاء
منقول
شريعت اور طريقت