Urdu Poetry Collection

13/06/2023

نامور شاعر احمد فراز کی مشہور ِ زمانہ غزل پیش خدمت ہے۔

سلسلے توڑ گیا وہ سبھی جاتے جاتے
ورنہ اتنے تو مراسم تھے کہ آتے جاتے

شکوۂ ظلمت شب سے تو کہیں بہتر تھا
اپنے حصے کی کوئی شمع جلاتے جاتے

کتنا آساں تھا ترے ہجر میں مرنا جاناں
پھر بھی اک عمر لگی جان سے جاتے جاتے

جشن مقتل ہی نہ برپا ہوا ورنہ ہم بھی
پا بجولاں ہی سہی ناچتے گاتے جاتے

اس کی وہ جانے اسے پاس وفا تھا کہ نہ تھا
تم فرازؔ اپنی طرف سے تو نبھاتے جاتے

Silsallay Torr Gya Wo Sabhi Jatay Jatay | Ghazal | Ahmad Faraz | Urdu Poetry Collection | Mushaira |https://www.youtube.com/-by7nlSyed A...

03/06/2023

مشہور شاعر منیر نیازی کی ایک خوبصورت غزل پیش خدمت ہے:

امتحاں ہم نے دیئے اس دار فانی میں بہت

رنج کھینچے ہم نے اپنی لا مکانی میں بہت

وہ نہیں اس سا تو ہے خواب بہار جاوداں

اصل کی خوشبو اڑی ہے اس کے ثانی میں بہت

رات دن کے آنے جانے میں یہ سونا جاگنا

فکر والوں کو پتے ہیں اس نشانی میں بہت

کوئلیں کوکیں بہت دیوار گلشن کی طرف

چاند دمکا حوض کے شفاف پانی میں بہت


اس کو کیا یادیں تھیں کیا اور کس جگہ پر رہ گئیں

تیز ہے دریائے دل اپنی روانی میں بہت

آج اس محفل میں تجھ کو بولتے دیکھا منیرؔ

تو کہ جو مشہور تھا یوں بے زبانی میں بہت

Imtehan Hum Nay Diye Iss Dar e Fani Mein Boht | Ghazal | Munir Niazi | Urdu Poetry Collection | https://www.youtube.com/-by7nlMunir Ahme...

03/06/2023

السلام علیکم!
فیس بک فیملی کے لیے انتخاب اردو شاعری Urdu Poetry Collection کے نام سے اس پیج کا آغاز کیا گیا ہے جس کا اولین مقصد آپ سب کے لیے دلچسپ، پر تاثیر اور علمی و ادبی ویڈیوز اور شاعری پیش کرنا ہے۔ امید ہے کہ اس اقدام سے تفریح کے ساتھ ساتھ اردو زبان کی ترویج، گم ہوتی ہوئی آوازوں کو نئی زندگی اور امن، سلامتی، انسان دوستی، اخلاقیات اور اعلیٰ اقدار کو فروغ حاصل ہو گا۔
شکریہ
ایڈمن
جانسن رحمت