08/05/2026
🌸بِسْمِ اللّٰهِ الرَّحْمٰنِ الرَّحِيم🌸
✨السَّلَامُ عَلَيْكُمْ وَرَحْمَةُ اللّٰهِ وَبَرَكَاتُهُ✨
☀️صَبَاحُ الخَيْر☀️
🕌جُمُعَةُ المُبَارَكَة🕌
نیکی وہ خوشبو ہے جو دینے والے کے ہاتھوں میں بھی رہتی ہے اور لینے والے کے دل میں بھی…
اگر کسی کے چہرے پر مسکراہٹ لانے کا موقع ملے تو اسے غنیمت جانیے، کیونکہ یہ اللّٰہ کی خاص رحمت ہے کہ وہ اپنے بندوں کے کام کسی دوسرے بندے کے ذریعے پورے فرماتا ہے۔
بعض اوقات ہم کسی کے لیے آسانی پیدا کرتے ہیں، اس کے مشکل وقت میں سہارا بنتے ہیں، اُس کے آنسو پونچھتے ہیں… مگر پھر دل یہ چاہتا ہے کہ وہ ہمیشہ ہماری قدر کرے، ہمارا ذکر کرے، ہمارا احسان مانے۔
اور جب ایسا نہیں ہوتا تو دل شکوہ کرنے لگتا ہے…
حالانکہ سچی نیکی وہی ہے جو خاموشی سے کی جائے…
وہ بھلائی جو صرف رب کی رضا کے لیے ہو…
وہ احسان جس کا ذکر زبان پر نہ آئے…
وہ مدد جس کے بعد دل میں یہ احساس بھی نہ رہے کہ “میں نے کچھ کیا ہے”۔
کسی بھوکے کو کھانا کھلا دیا…
کسی پریشان کو تسلی دے دی…
کسی یتیم کے سر پر ہاتھ رکھ دیا…
کسی طالبِ علم کی مدد کر دی…
کسی کی بیٹی کی شادی میں آسانی پیدا کر دی…
پھر اگر وہ شکریہ نہ بھی کہے تو کیا ہوا…؟
کیا ہر نیکی کا صلہ دنیا سے لینا ضروری ہے…؟
نہیں…!
کیونکہ اصل اجر تو وہ ہے جو عرش والا عطا فرمائے…
اور وہ جب دیتا ہے تو حساب سے نہیں، اپنی شان کے مطابق دیتا ہے۔
یاد رکھیں…
احسان جتانا نیکی کی خوبصورتی چھین لیتا ہے، اور بھلائی کو بار بار زبان پر لانا اجر کو کم کر دیتا ہے۔
اس لیے نیکی کیجیے…
دریا کی طرح بہتے رہیے…
سائے کی طرح سکون بانٹتے رہیے…
اور پھولوں کی طرح خوشبو دیتے رہیے…
چاہے کوئی یاد رکھے یا بھول جائے…
اللّٰہ کبھی نہیں بھولتا۔
🌿 دعا 🌿
اے میرے اللّٰہ! ہمارے دلوں کو ریاکاری، غرور اور احسان جتانے سے پاک فرما۔
ہمیں ایسی نیکیوں کی توفیق عطا فرما جو صرف تیری رضا کے لیے ہوں۔
ہمیں دوسروں کے لیے آسانی، محبت، سکون اور رحمت کا ذریعہ بنا دے۔
یا رب! کسی دکھی کو دیکھیں تو اُس کا سہارا بن جائیں،
کسی پیاسے کو دیکھیں تو دریا بن جائیں،
کسی ٹوٹے دل کو دیکھیں تو مرہم بن جائیں۔
اے اللّٰہ! ہماری چھوٹی چھوٹی نیکیوں کو بھی اپنی بارگاہ میں قبول فرما،
ہماری خطاؤں کو معاف فرما،
اور ہمیں ایسا دل عطا فرما جو صرف تیری رضا کا طلبگار ہو۔
🙏آمِينَ ثُمَّ آمِينَ🙏
💫يَا رَبَّ العَالَمِينَ، بِجَاهِ النَّبِيِّ الأَمِين ﷺ💫
🌹خُدَايَا! بِحَقِّ بِنِي فَاطِمَہ🌹
🌹كَہ بَرْ قَوْلِ إِيمَان كُنِي خَاتِمَہ🌹
🤲اگر دَعْوَتَم رَدّ كُني، وَر قَبُول🤲
💖مَن و دَسْت و دَامَانِ آلِ رَسُول💖
✨صَلَّى اللّٰهُ تَعَالَى عَلَيْهِ وَآلِهِ وَسَلَّمَ✨
#حدیث
#اسلام
#دعاء
