17/03/2025
وعدوں کی تکمیل اور مستقبل میں ہر ممکن تعاون کا عزم
آج نصیبی ویلفیئر فاؤنڈیشن کے صدر امتیاز صائم نے آئی۔ٹی لیپ، وردی اور بکس، جن کا اعلان ڈاٸریکٹر شکور نبی پوزی صاحب نے کیا تھا، آسمان پبلک سکول کھرکوہ کے پرنسپل محمد اقبال نمبردار کے حوالے کر دیے۔
یہ قدم اس بات کا ثبوت ہے کہ نصیبی ویلفیئر فاؤنڈیشن نہ صرف اپنے وعدوں کی تکمیل کرتی ہے بلکہ مستقبل میں بھی اسکول کے ساتھ ہر ممکن تعاون کے لیے پرعزم ہے
اس موقع پر صدر نصیبی ویلفیئر فاؤنڈیشن امتیاز صائم نے آسمان پبلک سکول کھرکوہ کی تعلیمی خدمات اور امین شہید میموریل اکیڈمک نیٹ ورک اینڈ ڈیولپمنٹ فاؤنڈیشن کی علاقے میں فروغِ تعلیم کے لیے بےلوث کاوشوں کا اعتراف کیا۔ انہوں نے نصیبی فاؤنڈیشن کے ایم۔ڈی شکور نبی پوزی صاحب کا خصوصی پیغام بھی پہنچایا، جس میں انہوں نے اس عزم کا اظہار کیا کہ "مستقبل میں بھی بھرپور تعاون جاری رہے گا۔"
ہم امید کرتے ہیں کہ اس باہمی اشتراک سے علاقے میں معیاری تعلیم کے فروغ میں نمایاں بہتری آئے گی اور طلبہ کو جدید تعلیمی سہولیات میسر آئیں گی۔
