Tanzeem E Asatiza Kotli AK

01/06/2026

معانی اور مطلب👇

بڈّھے بلوچ کی نصیحت بیٹے کو
ارمغانِ حجاز

دیں ہاتھ سے دے کر اگر آزاد ہو ملت
ہے ایسی تجارت میں مسلماں کا خسارا

معانی: دیں : مذہب اسلام ۔ ملت: مسلمان قوم ۔ تجارت: کاروبار ۔ خسارہ: گھاٹا ۔
مطلب: اگر اپنے مذہب کو چھوڑ کر مسلمان دوسروں کی غلامی سے آزاد ہوتے ہیں تو اس کاروبار میں مسلمان کا گھاٹا ہے ۔ کیونکہ اس کا اصل سرمایہ اس کا مذہب ہے ۔ آج کل سیاست سے دین کو الگ رکھنے کا مسلمانوں میں ابلیسی نظام نے جو رجحان پیدا کر رکھا ہے اس شعر میں اس کی طرف اشارہ ہے ۔

۔
۔
۔
Allama Iqbal Urdu Poetry SHayari Status Sad Urdu Shayari Whatsapp.

01/06/2026

01/06/2026

معانی اور مطلب👇

ذوق و شوق
(ان اشعار میں سے اکثر فلسطین میں لکھے گئے)

بالِ جبریل

قافلہَ حجاز میں ایک حسین بھی نہیں
گرچہ ہے تاب دار ابھی گیسوئے دجلہ و فرات

معانی: تاب دار: خم دار ۔ گیسوئے دجلہ و فرات: یعنی عراق کے معاملات ۔
مطلب: اقبال کہتے ہیں کہ ملت اسلامیہ کے لیے اس سے بڑا المیہ اور کیا ہو گا کہ آج پورے حجازی قافلے میں ایک فرد بھی ایسا نظر نہیں آتا جو نواسہَ رسول حضرت امام حسین جیسی سیرت و کردار کا مالک ہو اور ظلم و استبداد کے علاوہ آمریت کے خلاف سربکف اعلان جہاد کر سکے ۔ بدقسمتی یہ ہے کہ ظلم و استبداد اور آمریت آج بھی اپنے عروج پر ہے لیکن اس کے خلاف رزم آرائی کے لیے ایک بھی حسین جیسا جہاد کرنے والا پوری ملت اسلامیہ میں موجود نہیں ۔


عقل و دل و نگاہ کا مرشدِ اولیں ہے عشق
عشق نہ ہو تو شرع و دیں بتکدہَ تصورات

معانی: بتکدہَ تصورات: فرضی بت خانہ ۔
مطلب: اس کی وجہ یقینا یہ بھی ہے کہ انسان کے قلب میں عشق حقیقی جو ولولہ پیدا کرتا ہے وہ عشق ہی اب ناپید ہے ۔ کربلا میں شہادت عظمیٰ کی اساس یہی عشق حقیقی تھا جس کی بدولت حسین نے نہ صرف یہ کہ اپنی جان ہار دی بلکہ اپنے عزیز و اقارب سمیت بہتر رفقاء کو میدان کربلا میں قربان کر دیا ۔ یہ عشق حقیقی ہی تھا جس کی بدولت نواسہَ رسول نے انتہائی نامساعد حالات او بے سروسامانی کے عالم میں ظلم و استبداد کے خلاف جہاد کر کے حیات جاوداں حاصل کی ۔ دراصل عشق حقیقی ہی دل و دانش اور نگاہ کی رہنمائی کرتا ہے ۔ عشق کے بغیر تو مذہب اور شریعت محض تصوراتی حیثیت اختیار کر لیتے ہیں ۔


صدقِ خلیل بھی ہے عشق، صبرِ حسین بھی ہے عشق
معرکہَ وجود میں بدر و حنین بھی ہے عشق

مطلب: چنانچہ یہ عشق ہی تھا جس کی بدولت حضرت ابراہیم خلیل اللہ نے سچائی اور راست بازی کا رتبہ بلند حاصل کیا ۔ امام عالی مقام حضرت امام حسین نے کربلا کے میدان میں جو قربانیاں دیں اور تین روز کی بھوک اور پیاس کے باوجود لشکر یزید کے خلاف علم جہاد بلند کر کے سر کٹوایا اور زندگی کے آخری مرحلے تک صبر و شکر کا مظاہرہ کیا تو یہ سارا عمل عشق حقیقی کا ہی مرہون منت تھا ۔ اس کے علاوہ پیغمبر اسلام حضور سرور کائنات نے بدر و حنین کے معرکوں میں کفار کو زیر کر کے جو کامیابیاں حاصل کیں وہ بھی عشق حقیقی کے سبب کیں ۔

۔
۔
۔
Allama Iqbal Urdu Poetry SHayari Status Sad Urdu Shayari Whatsapp.

01/06/2026

اسلام تمام انسانوں کے لیے ضابطہ حیات ہے۔

29/05/2026

بے شک
راہ وفا میں ہر سو کانٹے دھوپ زیادہ ساۓ کم
مگر اس پہ چلنے والے خوش ہی رہے پچھتاۓ کم

29/05/2026

معانی اور مطلب👇

غزل
سختیاں کرتا ہوں دل پر، غیر سے غافل ہوں میں

بانگِ درا
ڈھونڈتا پھرتا ہوں اے اقبال اپنے آپ کو
آپ ہی گویا مسافر، آپ ہی منزل ہوں میں

مطلب : غزل کے اس مقطع میں اقبال خود شناسی کے عمل کی جانب اشارہ کرتے ہوئے کہتے ہیں کہ میں تو خود ہی اپنے وجود کی تلاش میں سرگرداں ہوں حالانکہ امر واقعہ یہ ہے کہ میں تو خود ہی مسافر اور خود ہی منزل ہوں ۔
۔
۔
۔
Allama Iqbal Urdu Poetry SHayari Status Sad Urdu Shayari Whatsapp.
See less

29/05/2026

پاکستان کے دفاع کو مضبوط بنانے کا شکریہ، محسن پاکستان جناب ڈاکٹر عبدالقدیر خان!

29/05/2026

🇵🇰 یومِ تکبیر — 28 مئی 🇵🇰

28 مئی 1998ء پاکستان کی تاریخ کا وہ عظیم دن ہے جب قوم نے اپنے دفاع، خودمختاری اور قومی وقار کا ناقابلِ فراموش مظاہرہ کیا۔

محسنِ پاکستان ڈاکٹر عبد القدیر خان اور قومی سائنسدانوں کی بے مثال خدمات ہمیشہ قوم کے لیے باعثِ فخر رہیں گی۔

یومِ تکبیر ہمیں اتحاد، علمی ترقی اور مضبوط دفاع کے ساتھ قومی کردار سازی کا پیغام دیتا ہے۔

تنظیم اساتذہ پاکستان اس عزم کا اعادہ کرتی ہے کہ اساتذہ کرام نئی نسل میں حب الوطنی، علم اور قومی ذمہ داری کا شعور اجاگر کرتے رہیں گے۔

🇵🇰 پاکستان زندہ باد