26/08/2026
پریس ریلیز
الحمدللہ! طلبہ کے دیرینہ مسائل کے حل کے میں اہم پیش رفت
گزشتہ روز وائی ڈی اے کڈز اور کمز سٹوڈنٹ ونگ کا خیبر میڈیکل یونیورسٹی (KMU) کے ساتھ ایک اہم اجلاس منعقد ہوا، جس میں طلبہ کو درپیش مختلف اہم مسائل اور مطالبات کو تفصیلی طور پر زیرِ بحث لایا گیا۔
الحمدللہ، ہمیں یہ اعلان کرتے ہوئے بے حد خوشی محسوس ہو رہی ہے کہ طلبہ کا ایک دیرینہ مسئلہ، یعنی آرام دہ اور بہتر ٹرانسپورٹ کے لیے بس، حل ہوگیا ہے اور نئی بس کالج پہنچ چکی ہے❤️
اس اہم پیش رفت پر ہم رجسٹرار KMU ، پرنسیپل کڈز کوھاٹ ، پرنسپل کمز کوھاٹ اور وائی ڈی اے صوبائی کابینہ کے تہہ دل سے مشکور ہیں، جنہوں نے طلبہ کے اس اہم مسئلے کو سنجیدگی سے لیا اور اس کے حل میں اپنا کردار ادا کیا۔
اجلاس میں درج ذیل اہم امور پر بھی تفصیلی گفتگو اور مثبت پیش رفت ہوئی:
1۔ ڈیجیٹل کلینیکل ورکشاپ
ڈیجیٹل کلینیکل ورکشاپ اور دیگر ورکشاپس کے انعقاد کا معاملہ زیرِ بحث آیا، جس پر KMU کی جانب سے یقین دہانی کرائی گئی کہ بہت جلد اس ورکشاپ کا انعقاد کیا جائے گا، تا کہ مستقبل میں کڈز اور کمز کے سٹوڈنٹس اپنے ہی ادارے میں مستفید ہو سکیں۔
2۔ Community trip کے لیے فنڈز
BDS اور MBBS دونوں پروگرامز کے طلبہ کے لیے Communitytrip کے فنڈز جلد از جلد ریلیز کرنے کے حوالے سے فیصلہ کیا گیا۔
3۔ فرسٹ اور سیکنڈ ایئر کے طلبہ کے لیے 1500 روپے
فرسٹ ایئر اور سیکنڈ ایئر کے ان طلبہ کو 1500 روپے کی رقم فراہم کرنے کا معاملہ بھی زیرِ بحث آیا جو ایکسٹرنل ہاسٹل کے حوالے سے یہ سہولت حاصل نہیں کر پا رہے۔ اس سلسلے میں جلد پرنسپل کمز اور پرنسپل کڈز کی باہمی مشاورت سے اہم اقدام لیا جائے گا۔
4۔ HEC طلبہ کی رجسٹریشن
ان طلبہ کی رجسٹریشن کا مسئلہ بھی زیرِ بحث آیا جن کی رجسٹریشن تاخیر کا شکار ہے۔ اس حوالے سے جلد از جلد رجسٹریشن مکمل کرنے کی یقین دہانی کرائی گئی۔
5۔ HEC کے ساتھ باہمی مشاورت سے طلبہ کا ایڈمیشن مقررہ تاریخ میں مکلمل کرنے کے لیے واضح پالیسی بنائی جائے تا کہ ان کے تعلیمی سفر میں تاخیر نہ آئے۔
6) کمز اور کڈز کی فیکلٹی کی کمی کو ترجیحی بنادوں پر زور دیا جائے۔
7) انٹرنل ہاسٹل کے قیام کو تیز کیا جائے اور کڈز ھاوس آفیسرز کے لیے رہائش جلد از جلد مختص کیا جائے گا۔
8) کے ایم یو کے دیگر اداروں کی طرح کڈز کالج اور ہسپتال کے لیے سولرایزیشن کو جلد زیر غور لایا جائے اور عملی جامہ پہنایا جائے۔
9) ینگ ڈاکٹزر ایسوسی ایشن کے طلبہ نے اس سال کے آنے والے انٹری ٹیسٹ کو ماضی کے ایم ڈی کیٹ کی طرح شفاف اور با صلاحیت انداز میں کنڈکٹ کرنے کے لیے تمام تر صلاحیتیں بروئے کار لانے پر زور دیا۔
الحمدللہ، اجلاس میں طلبہ کے مسائل کو مثبت انداز میں سنا گیا اور متعدد اہم امور پر عملی پیش رفت اور یقین دہانی ہوئی اور یہ عہد کیا گیا کہ سال 2026 کے بقیہ دورانیہ کمز اور کڈز کی فلاح میں بھر پور طریقے باہمی مشاورت سے استعمال کیا جایا گا
ہم KMU انتظامیہ، رجسٹرار KMU ، پرنسیپل کڈز ، پرنسپل کمز کے تعاون کو قدر کی نگاہ سے دیکھتے ہیں اور امید کرتے ہیں کہ طلبہ کے دیگر مسائل کے حل کے لیے اسی جذبے کے ساتھ عملی اقدامات جاری رہیں گے۔
YDA for All 🚩
