FG Degree College For boys kohat cantt

آج ایف جی ڈگری کالج فار بوائز، کوہاٹ میں بی ایس کمپیوٹر سائنس ففتھ سمسٹر کے طلباء کی شاندار کامیابی کے موقع پر ایک خوبصورت اور منظم تقریبِ تقسیمِ انعامات کا انعقاد کیا گیا۔ الحمدللہ تمام طلباء اچھے نمبروں سے کامیاب ہوئے جس پر ادارے میں خوشی کی فضا رہی۔ طلباء نے بھرپور دلچسپی کے ساتھ شرکت کی جبکہ پوزیشن ہولڈرز میں انعامات، اسناد اور شیلڈز تقسیم کی گئیں، اسی دوران ان طلباء کو بین الاقوامی سرٹیفکیٹس بھی دیے گئے جنہوں نے یو ایس کے زیرِ نگرانی پروگرام میں کامیابی حاصل کی تھی، یہ کامیابی ان کی محنت اور صلاحیت کا واضح ثبوت ہے۔ تقریب کے مہمانِ خصوصی پروفیسر مجتبیٰ صاحب تھے جبکہ کالج کے پرنسپل ڈاکٹر مشرف خان نے اختتامی خطاب میں طلباء کی محنت کو سراہا، کمپیوٹر سائنس کے ایچ او ڈی حیدر عباس صاحب اور اساتذہ کو خراجِ تحسین پیش کیا اور طلباء کو مبارکباد دی۔ انہوں نے امید ظاہر کی کہ طلباء مستقبل میں بھی اسی لگن اور محنت کے ساتھ کامیابیوں کا سفر جاری رکھیں گے۔ ایسی تقریبات طلباء میں اعتماد، حوصلہ اور آگے بڑھنے کا جذبہ پیدا کرتی ہیں۔ آمین ثم آمین۔

"دشمن کو منہ توڑ جواب اور سرحدوں کی حفاظت کی خوشی! ✌️
آج ایف جی ڈگری کالج کوہاٹ میں آپریشن بنیانِ مرصوص کی کامیابی پر ’یومِ تشکر‘ منایا گیا۔ ہمارے جوانوں کی قربانیاں اور ہماری افواج کی مہارت پاکستان کا فخر ہیں۔ ہم اپنے محافظوں کے ساتھ کھڑے ہیں!"
​

آج سی کیو آئی (Continuous Quality Improvement) کی ٹیم نے پرنسپل تاج یونس صاحب ایف جی پبلک اسکول نمبر ون کی سرپرستی میں ہمارے کالج کا دورہ کیا۔ اس موقع پر ایف جی ڈگری کالج فار بوائز ڈوڈا روڈ کوہاٹ کے پرنسپل ڈاکٹر مشرف خان نے ان کا پرتپاک استقبال کیا اور انہیں آفس میں خوش آمدید کہا۔ ابتدائی طور پر آفس میں اہم امور پر تفصیلی گفتگو ہوئی، جس میں تعلیمی معیار، نظم و ضبط اور ادارہ جاتی بہتری جیسے موضوعات زیر بحث آئے۔ اس کے بعد معزز مہمانوں کو کالج کے مختلف شعبہ جات کا دورہ کروایا گیا، جہاں انہوں نے مختلف انتظامی اور تدریسی امور کا جائزہ لیا۔
مزید برآں، معزز مہمان نے طلباء سے بھی خطاب کیا اور ان کے ساتھ براہِ راست گفتگو کی۔ طلباء کے ساتھ ان کی خوشگوار نشست نے ایک مثبت تعلیمی ماحول کو اجاگر کیا، جہاں سیکھنے اور سکھانے کا عمل باہمی احترام اور دلچسپی کے ساتھ جاری ہے۔ انہوں نے طلباء کو محنت، نظم و ضبط اور اعلیٰ اخلاق اپنانے کی تلقین کی، جو یقیناً ان کے روشن مستقبل کی ضمانت ہے۔ اس موقع پر طلباء کا جوش و خروش اور اعتماد بھی دیدنی تھا۔
ہم معزز پرنسپل صاحب کے بے حد شکر گزار ہیں کہ انہوں نے پرنسپل ڈاکٹر مشرف خان کے ہمراہ کالج کی لائبریری، سمارٹ رومز اور دیگر سہولیات کا تفصیلی جائزہ لیا اور اطمینان کا اظہار کیا۔ ان کا یہ دورہ ہمارے لیے نہ صرف اعزاز ہے بلکہ ایک ذمہ داری بھی ہے کہ ہم اپنے ادارے کے معیار کو مزید بہتر بنائیں۔ ان شاء اللہ، ہم سب مل کر کوشش کریں گے کہ ہمارے کالج کا نام تعلیمی میدان میں مزید روشن ہو اور ہم اعلیٰ کارکردگی کی ایک مثال قائم کریں۔

تعلیمی سرگرمیوں کے ساتھ ساتھ کھیلوں کے میدان میں بھی کامیابیوں کا سفر جاری! 🏆
Session 2025–2026
ایف جی ڈگری کالج فار بوائز کوہاٹ کینٹ میں زونل مقابلوں میں نمایاں کارکردگی دکھانے والے طلباء کے اعزاز میں ایک پروقار تقریب کا انعقاد کیا گیا۔ اس خوبصورت موقع پر پرنسپل ڈاکٹر مشرف خان نے اپنے دستِ مبارک سے کامیاب کھلاڑیوں میں اسناد تقسیم کیں اور ان کی محنت، لگن اور شاندار کارکردگی کو بھرپور انداز میں سراہا۔
تقریب سے خطاب کرتے ہوئے پرنسپل صاحب نے کہا کہ کھیل نہ صرف جسمانی صحت کا ذریعہ ہیں بلکہ یہ طلباء میں نظم و ضبط، ٹیم ورک اور آگے بڑھنے کا حوصلہ بھی پیدا کرتے ہیں۔ انہوں نے طلباء کو مزید محنت جاری رکھنے کی تلقین کی تاکہ وہ مستقبل میں بھی کامیابیوں کا یہ سلسلہ برقرار رکھ سکیں۔
تمام کامیاب طلباء کو دل کی گہرائیوں سے مبارکباد! 🎉✨
اللہ تعالیٰ انہیں مزید کامیابیوں سے نوازے اور ان کا نام روشن کرے۔ آمین۔

https://www.facebook.com/share/v/1QhUmm8khd/