Govt. High School 47 M.B Khushab

*الیکشن ان ایکشن*
گورنمنٹ ہائی سکول 47 ایم بی میں کل سٹوڈنٹس کونسل کے الیکشن ہونے جا رہے ہیں۔ جن کے لیے آج تمام امیدواران نے اپنے اپنے انچارج کے توسط سے کاغذات نامزدگی چیف الیکشن کمشنر جناب مشتاق حسین صاحب کو جمع کروائے۔
مزید بیلٹ پیپرز کی چھپائی بھی مکمل ہو چکی ہے۔
امیدواران نے آج سکول میں بھرپور کمپین بھی چلائی ہے۔۔۔

محترم والدین۔۔۔۔۔۔
*گورنمنٹ ہائی سکول 47 ایم بی ضلع خوشاب میں جماعت اول سے جماعت نہم تک داخلہ جاری ہے*

*تمام اساتذہ اپنی تمام تر صلاحیتوں کو بروئےکار لاتے ہوئے نسل نو کی تعمیر میں اپنا کردار ادا کرنے میں پوری ذمہ داری کے ساتھ مصروف عمل ہیں*

* سکول کی چند نمایاں خصوصیات درج ذیل ہیں*

*تمام بچوں کو فری کتب کی فراہمی
* مستحق بچوں کو فری یونیفارم کی فراہمی
* شاندار سہولیات سے مزین کلاس رومز
*جدیدترین کمپیوٹر لیب
*سائنس لیب
* کوالیفائیڈ اساتذہ
* تعلیمی استعداد کو فروغ دینے کے لیے ہم نصابی سرگرمیوں کا خصوصی انعقاد
* کردار سازی پر خصوصی توجہ
*بچوں کی تعلیمی کارکردگی کو جانچنے کے لیے ماہانہ ٹیسٹ اور ٹرم وائز امتحانات کا مربوط نظام
*بچے کی تعلیمی کارکردگی کو بہتر سے بہترین بنانے کے لیے والدین سے مسلسل رابطہ و مشاورت
آئیے ، دیکھیے ، پرکھیے اور پھر بچے کو داخل کرانے کا فیصلہ کیجیے

پرنسپل . حمید اصغر وٹو

سرکاری سکول۔
معیاری سکول۔
گورنمنٹ ہائی سکول 47 ایم بی ضلع خوشاب کے طالب علم کلاس روم میں انگلش کی پریزنٹیشن بڑی خود اعتمادی کے ساتھ پیش کر رہا ہے۔

کلچر ڈے پر بہترین پرفارمنس پیش کرنے پر گورنمنٹ ہائی سکول 47 ایم بی کے طلباء اور پی ٹی محمد ظہیر بابر صاحب کو پرنسپل ہذا جناب محترم حمید اصغر وٹو صاحب کی طرف سے کیش انعامات۔

اے نےجناب ساڈے سکول دے کمپیوٹر ٹیچر محترم سعادت خان صاحب جو پنجاب دی ثقافت دا دہاڑا۔
روایتی سفید کرتا،
سفید پگڑی،
لاچہ تے کھوسا

ساڈے سکول گورنمنٹ ہائی سکول چک 47 ایم بی ضلع خوشاب وچ اج پنجابی ثقافتی میلہ بڑے جوش و خروش نال منایا گیا۔ ایہ میلہ ساڈی ثقافت تے ورثے نوں اجاگر کرن لئی سجایا گیا سی۔ بچے روایتی لباس پا کے سکول آئے۔ میلے وچ مختلف سٹال لگائے گئے، جتھے پنجابی کھانے، ہنر تے کھیل پیش کیتے گئے۔ طلباء نے بھنگڑا، دے ذریعے ساڈی ثقافت دا رنگ چمکایا۔ ایہ میلہ نہ صرف ساڈی ثقافت نوں زندہ رکھن دا ذریعہ بنیا بلکہ ساڈے وچ آپس دا پیار تے بھائی چارہ وی ودھایا۔

گورنمنٹ ہائی سکول چک 47 ایم بی ضلع خوشاب کے تین سابق سٹوڈنٹ جناب راؤ عثمان صاحب ،جناب مہر آصف صاحب، جناب نوریز رضا شاہ صاحب نے اپنی یادوں کو تازہ کرنے کے لیے گورنمنٹ ہائی سکول 47 ایم بی کا وزٹ کیا۔
تینوں سابق اسٹوڈنٹ نے پرنسپل ہذا حمید اصغر وٹو صاحب کی سکول کے لیے خدمات کو سراہا ۔اور سولر پروجیکٹ کو سکول کے لیے ایک بڑی کامیابی قرار دیا۔تینوں سابق طلباء نے سکول کے سولر پروجیکٹ کے لیے رقم ڈونیشن کی۔جس پر ادارہ ہذا کے پرنسپل جناب محترم حمید اصغر وٹو صاحب اور سائنس ٹیچر ابرار صاحب نے ان کا تہہ دل سے شکریہ ادا کیا۔

*Appreciation of Alumni*
مال و دولت انعام و اکرام اللہ تعالی کی دی گئی عطا ہے*
اللہ تعالی کے خاص بندے جن کا دل انسانیت سے لبریز ہے جو دوسروں کا فائدہ سوچتے ہیں جنہیں دکھی انسانوں کے کرب اور تکالیف کا احساس ہے جو ہر حال میں انسانیت کی مدد کرنا چاہتے ہیں ایسے ہی بلند اوصاف کی حامل شخصیت،انسان دوستی کا پیکر , 8 چک کے مشہور پراپرٹی ڈیلر و بزنس مین *محترم حاجی محمد خالد سیال* صاحب
سابق سٹوڈنٹ گورنمنٹ ہائی سکول 47 ایم بی ضلع خوشاب جو اللہ سے وسیع رزق صرف اس لیے مانگتے ہیں تاکہ یہ رزق مزید لوگوں میں بانٹ کر سکیں۔
محترم حاجی خالد سیال صاحب کا دل سخاوت کا ایک دریا ہے۔
انہوں نے محض ہماری ایک ادنی سی درخواست پر سکول ھذا کے سولر پینل پروجیکٹ کے لیے 55 ہزار کی خطیر رقم پیش کی۔
جس پر ہم دل کی اتھاہ گہرائیوں سے مشکور ہیں
بے شک ان کا یہ جذبہ قابل فخر قابل ستائش ہے۔
جس پر پرنسپل حمید اصغر وٹو صاحب نے ان کا شکریہ ادا کیا۔
محترم حاجی خالد سیال صاحب نے اپنی پرانی یادوں کو تازہ کرنے کے لیے سکول اور کلاس روم کا وزٹ کیا۔ مزید براں انہوں نے طلباء اور سکول کی بہتری کے لیے سکول کے خراب پنکھوں کو فورا ریپیئر کروایا۔محترم حاجی محمد خالد سیال صاحب کے ساتھ ان کے درینہ دوست حاجی محمد رمضان مشہور بزنس مین، فرنیچر شو روم والے اور غلام دستگیر (سکول ٹیچر) سماجی ورکر اسٹیج سیکرٹری بھی ساتھ تھے ۔
ہم محترم حاجی خالد سیال صاحب کے انتہائی ممنون ہیں اور دعا گو ہیں اللہ ان کے مال و جاں میں برکت ڈالے اور اس صدقہ جاریہ کو ہمیشہ جاری و ساری رکھے۔ آمین ثم آمین
پرنسپل و سٹاف۔

ہم اپنے سرمایۂ افتخار استادِ محترم جناب غلام دستگیر صاحب کا پرُوقار تعارف پیش کرتے ہوئے فخر محسوس کرتے ہے۔
غلام دستگیر صاحب ایک سینیئر، تجربہ کار، خوش اخلاق اور نہایت خوش لباس استاد ہیں جو کہ بطور PST گزشتہ کئی برسوں سے اپنی پیشہ ورانہ خدمات بخوبی سر انجام دے رہے ہیں۔ آپ کو نہ صرف تدریسی میدان میں مہارت حاصل ہے بلکہ کلاس روم مینجمنٹ، طلبا سے رابطہ، اور ان کی تربیت میں بھی آپ کا انداز قابلِ تحسین ہے۔ آپ کا لباس، گفتگو، اور اندازِ تدریس بچوں کے لیے ایک مثبت رول ماڈل کی حیثیت رکھتا ہے، جو ہر کامیاب استاد کی نشانی ہے۔

بطور مقامی استاد، غلام دستگیر صاحب کو اہل علاقہ میں غیر معمولی عزت و مقام حاصل ہے۔ یہی وجہ ہے کہ ادارہ ہذا میں پرائمری پورشن آج جس رفتار سے ترقی کر رہا ہے، اس میں ان جیسے اساتذہ کا کردار بنیادی ستون کی حیثیت رکھتا ہے۔ ان کی موجودگی والدین کے اعتماد میں اضافے کا سبب بنی ہے اور بچوں کے داخلوں میں نمایاں اضافہ ہوا ہے۔

ادارے کی طرف سے ان کو دی گئی ذمہ داریوں کی فہرست خاصی طویل ہے، جنہیں وہ گزشتہ کئی برسوں سے انتہائی ذمہ داری، خوش اسلوبی اور خاموشی سے سر انجام دے رہے ہیں۔ سادگی، عاجزی، خوش مزاجی اور مخلصانہ اندازِ گفتگو آپ کی شخصیت کا خاصہ ہیں۔ تمام سٹاف کے ساتھ آپ کا رویہ نہایت خوشگوار ہے اور ٹیم ورک میں آپ کا کردار مثالی ہے۔
یہی وجہ ہے کہ جناب محترم غلام دستگیر صاحب کی انتھک محنت کی بدولت آج گورنمنٹ ہائی سکول 47 ایم بی کو سولر سسٹم جیسے بڑے پروجیکٹ میں کامیابی حاصل ہوئی۔گورنمنٹ ہائی سکول 47 ایم بی آپ کی خدمات کا اعتراف کرتے ہوئے ادارہ ہذا کے پرنسپل جناب محترم حمید اصغر وٹو صاحب نے آپ کو best performance award سے نوازا۔

اللہ تعالیٰ سے دعا ہے کہ غلام دستگیر صاحب کو صحت و سلامتی کے ساتھ لمبی عمر عطا فرمائے، ان کی تدریسی خدمات کو قبول فرمائے، اور ہمارے ادارے کو ہمیشہ ایسے باکمال اساتذہ کے سایۂ شفقت میں رکھے۔ آمین۔
تحریر ۔سعادت خان

* ایک اور اعزاز گورنمنٹ ہائی سکول چک 47 ایم بی ضلع خوشاب کے نام*
گورنمنٹ ہائی سکول چک نمبر 47 ایم بی کی عمارت کو خوبصورت رنگوں سے سجایا گیا۔بلڈنگ کا پینٹ جو کہ توجہ کا مرکز ہے۔
https://www.facebook.com/share/v/1He59s5XXg/
فیس بک پر گورنمنٹ ہائی سکول 47 ایم بی ضلع خوشاب کی خوبصورت بلڈنگ کی ویڈیو وائرل ہوئی تو جناب محترم رانا سکندر حیات صاحب منسٹر ایجوکیشن نے ویڈیو کو دیکھنے کے بعد سکول کے لیے 25 ہزار روپے انعام کا اعلان کیا۔
جو کہ ہمارا سکول گورنمنٹ ہائی سکول چک 47 ایم بی کے لیے ایک اعزاز کی بات ہے ۔

مال و دولت انعام و اکرام اللہ تعالی کی دی گئی عطا ہے*
محمد یاسین صاحب
45 اے ایم بی چک کے مشہور سماجی ورکر نے
سکول ہذا سولر پروجیکٹ کے لیے *ایک عدد سولر پلیٹ* (جس کی مالیت 20 ہزار ) پیش کی۔جس پر ہم دل کی اتھاہ گہرائیوں سے مشکور ہیں
بے شک ان کا یہ جذبہ قابل فخر قابل ستائش ہے۔
جس پر پرنسپل ادارہ حمید اصغر وٹو صاحب نے ان کا شکریہ ادا کیا۔
ہم محمد یاسین صاحب کے انتہائی ممنون ہیں اور دعا گو ہیں اللہ ان کے مال و جاں میں برکت ڈالے اور اس صدقہ جاریہ کو ہمیشہ جاری و ساری رکھے۔ آمین ثم آمین
پرنسپل و سٹاف۔