29/07/2026
https://play.google.com/store/apps/details?id=com.electrovibes.anser
نہ جانے مجھے ایسا کیوں لگ رہا ہے کہ ہم مسلسل جھوٹ کے درمیان جی رہے ہیں ۔ ہمارے ارد گرد جھوٹ بکھرا پڑا ہے ۔ میں نے بچپن سے آج تک جتنی مشہور باتیں سنی ہیں یا روزانہ سنتا ہوں ان میں سے اکثر غلط ثابت ہوتی ہیں۔
ہم نے اکثر ایک خاص شخص کے بارے میں مسلسل شکایتی کلمات سن رکھے ہوتے ہیں، مگر جب ہمارا اس سے تعلق بنتا/بڑھتا ہے تو ہمیں اس میں وہ خامیاں نہیں ملتیں،
میں نے بچپن سے آج تک بار بار یہی سن رکھا تھا کہ رشوت/ سفارش کے بغیر یہاں کوئی بھی نوکری ناممکن ہے کیوں کہ یہ پاکستان ہے مگر میں نے مختلف جابز حاصل کیں، مجھے کہیں بھی سفارش یا رشوت نہیں دینا پڑی۔
مجھے یاد ہے کہ میں پہلی مرتبہ جب ایک جاب کیلیے اپلائی کرنے جا رہا تھا تو رستے میں ایک شخص نے کہا کہ "وہاں تمہاری دال گلنے والی نہیں ، جانا بیکار ہے"، میں اس بات پہ بڑا بے دل ہوا تھا اور چاہا تھا کہ یہیں سے لوٹ جاؤں مگر جب فائنل سیلیکشن لسٹ لگی تو میرا نام ٹاپ پہ تھا۔
ایسی بیسیوں مثالیں دے سکتا ہوں جہاں اپنے ارد گرد مسلسل دہرائی جانے والی باتوں کو میں نے غلط ثابت ہوتا دیکھا ہے ۔
چنانچہ ضروری ہے کہ حقائق کی تلاش خود کریں اور ہمیشہ ذاتی تجربے اور مشاہدے کو ہی اپنی رائے کی بنیاد بنائیں۔
